Róóma 9:32 - Fayam Midhab Yiesu Kiristoká He Hol Af Iđiny Kaanaká

³² Tá háteka hemuumurit Waag hí gáál ka shiichééllá el gaa igiritle gáál gál ˈdúwaká innum Waaˈgiet ma gaa hónyal? Hééllá he ˈdaa giri gaal hemuumurít hélle ekemeyká fede-, kor gaal Kirísto iiy ma yéenká. Gáál hé wár gálaat ˈgas mé ki ˈdaraanká hí riigirsie,

Róóma 9:32 ပူးပေါင်းရင်းမြစ်များ

Matááyo 13:57

Aalé gaal mú eeshey. Yíésu đo gáál geey, kieye, Máá Waag hí ˈdeem ka shigichoká hé gaalí ma egesheny. Gál lésle ubaa mú ˈbíl ílle tákáma hí egesheye, yie.

Lúka 2:34

Símion gáál ˈdú ˈguunume, kor véel ˈjiellé María geey, kieye, Bá dháash, veelééllá ˈdaalle ˈdugaka gál Yisirayel burnayká les hai ˈdarama, gál Yisirayel éíy taaka burnayká les hai gaa keeme. Veelééllá he hedh gaalí điidhan-, gaalí ˈdeem ˈdeđewká ki hogodhoká,

Lúka 7:23

Tá máá yú ye ma ki nannaanká Waag haí ˈdú ˈjeenne, Yíésu hí gáál yie.

Róóma 10:3

Gaal hé ˈgíérích Waag hí gálaat gál ˈdúwaká ki chegetoká eiy ma náásan. Gaal ˈgíéríchlé éíy taaka-, kasleka hol innum Waaˈgietka hol gál ˈdúwaká hođuoká he nanadha. Tá ˈdaa giri gaal he ˈgíérích Waag hí feˈdoká iiy ma yéen-, ma náanká, gáál hé Waag hí gál ˈdúwaká ma chegen.

Róóma 11:11

Aaléka, ha yú hí yiete, gál Yuuˈdi les ˈdanitléél he in kieye, gaal gon bííyyo Waago gaa ˈgite, ke yegedhe? Híʼi, he hé hát kinaallá muuniny. He gáál điidhallé kinaallá in gál gál Yuuˈdi muuninyká hí rubach ki arge. Hééllá hatallá ˈdíéllá he giri gál Yuuˈdi hinááf gaa vereno-, gaal úba rúbách kinaal aargiroká fedoká.

Róóma 4:16

Aaléka, he af iđiny Waag hí Abirááyam af iđiche kinaallá iiy yeen ˈdaallé he ká nannaata. He af iđinyééllá ˈdúˈjím Waaˈgieto he yé gáá ˈdeˈdeenne. He af iđinyééllá hé gál Waag hí hemuumurít ka shiicheká tákámle hí ma lileny, gál iiy yeen Abirááyam hí ˈgieká ˈgúóllá úba haí aargira, ˈdaa giri Abirááyam gál Waag iiy yegetká lulle ˈjaalléká.

Korínto Erká 1:23

Tá nyíín Kirísto gaalí ˈgór đarám yaalká ˈdú yieská nyí ˈdiyeenne. Fayamééllá he fayam gál Yuuˈdi iidhansicho-, gál Hellen íín hí hé đeeymo ka dhaˈgasanká.

Bétiro Erká 2:6

Hát káána Warˈgat Waaˈgiet hí hote-, Waag kieye, Bá dhaayyíe, wár ˈdúwa-, ˈbíl guogoyo-, yú galayká Síyon ha yú gaa iđimia. Wár kinaallá máá hí iiy yeetká hé máá hí kern ˈgiidhuoká mán, chieká.

Bétiro Erká 2:8

Héétí warˈgát hé úba kieye, Mu hé wár gálaat ˈgas met ki ˈdaraan-, gáál riigirsuoká ubaa nyátáábá gáál les ki ˈdaraanká yie, chie. Gaal riigiróóllá he ˈdaa giri gaal fayám el ma gaa igirinyká, in Waag hí gáál ˈdú hayche.