Róóma 9:30 - Fayam Midhab Yiesu Kiristoká He Hol Af Iđiny Kaanaká

³⁰ Aalé hééllá háte ki gaa yeedhe? Har káána úba gál gál Yuuˈdi muuninyká Waag hí gál ˈdúwaká chegetoká kis mé ma ká ˈgiinyka, ˈdaa giri he Kirísto iiy yieká in Waag hí gál ˈdúwaká chie.

Róóma 9:30 ပူးပေါင်းရင်းမြစ်များ

Róóma 10:10

Aalé máá Yiesu Kirísto geerle iiy ki yeget-, afle he ki hogodho-, kieye, Yiesu Kirísto he Máá chia Guđoká, yegetká in Waag hí máá ˈdúwaká chegedhe, máá kinaallá rubach hai aargira.

Róóma 10:20

Héétí Yisááya hé Waag hí hoteká hát sierm mantiká ˈdiiyime, giri Waag kieye, Yú gál ye hol ma gaa ˈgéˈgenká hé ye shuunne, gál ye ma hegésenká yáá hol argisie, chieká.

Róóma 10:6

Tá gál Waag iiy yie-, iiy yeenlé kinaal hí gál ˈdúwaká hoycheká hai kieye, Mááya úr mé nannaa, Kirísto les ˈdu gáá egedhdhe? yíen.

Róóma 3:5

Tá kálmaréel máádhat kieye, Ađaabano kúnnaa ke higilóóllá hé gáál midhant Waaˈgiet aargisuo, tá Waag har múún gáál he il ká aargisichoka, af kinaalka Waag hé ˈdeew, yieka, tá múún háte ke yeedhe? Hééllá hé gáál ˈbaal hí taawuoká yú hogodho.

Róóma 4:11

Aalé mu hermite. Hedh kinaallá hélle kieye, mu hátlé ma hermísanká mú iiy yeenle ˈdaalle ˈdugaka mú Waag hí máá ˈdúwaká chie. Aaléka, mu hé gál ma hermísan-, kor Waag iiy yieká lulle ˈjaalle yie, giri gál kinaallá úba Waag hí gál ˈdúwaká chegetoká.

Róóma 4:13

He af iđiny Abirááyam ubaa ˈbíl ílle Waag hí af iđiche-, giri gaal lésal liiletkáka hé hemuumurít ˈdaalle yé ma kí ˈdíiny, he ˈdaa giri mu Waag iiy yieká ˈdaallé he yé kí ˈdie. Aalé mú Waag iiy yeenlééllá, in Waag mú máá ˈdúwaká chie.

Róóma 4:22

Mú iiy yeenlééllá ˈdaalle ˈdugaka in Waag mú máá ˈdúwaká chie.

Róóma 4:9

ˈDúˈjím Waaˈgietallá gál hermisat-, Yuuˈdííllá ˈdaalle tákáma ki taallaa? Ebá hé kidh ma hermisanká ˈdaalle úba ki taal? Warˈgat Waaˈgiet kieye, Abirááyam Waag iiy yie, iiy yeenlé kinaallá ˈdaalle ˈdugaka in Waag hí máá ˈdúwaká chie.

Róóma 5:1

Aaléka, ˈdaa giri ke Yíésu iiy yie-, Waag innumleka muun gáál gál ˈdúwaká chíélláka, muun káána hé ke Waag hol naanná ki ijo. Naanna kinaallá Máá kúnnaa Guđo Yiesu Kirísto ˈdaallé he ká naate.

Róóma 9:14

Aalé háte ke yeedhe? Waag hé tagle muuninyo ke yeedhe? Híʼi, Waag hé ˈdúwaká tákáma ekemeyche!

Róóma 9:31

Tá gál Yisirayel-, gál Yuuˈdi lééllá íín har káána úba Waag hí gál ˈdúwaká chegedheká fedeka, hé Waag hí gál ˈdúwaká ma chéen. Gáál hemuumurit el gaa igiritle hé hí gál ˈdúwaká ma hôny.

Galátia 2:16

hé ki onnodheká hééllá: Máádhat hemuumurít el gaa igiritle hé mú innum Waaˈgiet mú máá ˈdúwaká ma gaa hođiny. Máádhat Yiesu Kirísto iiy yieka in tákáma innum Waaˈgiet máá ˈdúwaká gaa yegedhe. Muun úba hé ke Yiesu Kirísto iiy yie, giri Waag innumle ˈdaa iiy yeen kúnnaa ke Kirísto iiy ki yiekáka ke gál ˈdúwaká gaa yegetká. Hemuumurít el gaa igiritle hé muun gáál gál ˈdúwaká ma hođiny. Hééllá he ˈdaa giri hemuumurít el gaa igiritle ˈdaalleka Waag máá níínní máá ˈdúwaká chegetoká mánká.

Galátia 3:24

Hemuumuritééllá in muun gáál ki tielle, gáál af tatiyye, ˈjíig Kirísto ká ˈjie, giri muun ke Kirísto iiy yeget-, ke innum Waaˈgiet gál ˈdúwaká gaa yegetká.

Galátia 3:8

Waag hát gál gál Yuuˈdi muuninyká iiy yeenlé Kirísto ka ˈguoká ˈdaalle ˈdugaka gáál gál ˈdúwaká hođichóóllá, hé kis Warˈgat Waaˈgiet hí hote. Hé kinaallá af giri Waag Abirááyam Fayam Midhabká geeyche-, kieye, É meet lulle ˈdúˈjímlé yú ˈdú ˈjeˈjeenká ˈdaa kua ká naata, mú chieká.

Galátia 5:5

Tá múúni giri ke Hím Naasan Waaˈgiet ke ki ijo-, ke Kirísto iiy yíéllá, hát iiy yeen kúnnaa kinaal innum Waaˈgietka gáál gál saas mánká hođichoká hé ke óg. Muun hé ki met egessoká hé kinaallá.

Filíbi 3:9

mú nyí hol liiletká. ˈDuuw yú ˈguoká hai ˈduuw máálle nyatalaam el gaa igiroká onnôny, hí ˈduuw Waag hí máá Kirísto iiy yegetká shigichoká onnoyyo. ˈDuuw hatallóóllá Waago yé gáá ˈdeˈdeme, máá hí ˈguoká he máá Kirísto iiy yieká.

Tímote Erká 6:11

Aaléka, kó máá Waaˈgietallo, hé kinaallá hol ka río. Iđiny ˈdúwa-, Waag hí feˈdoká ubaa iiy yeen Kirísto ka ˈgayyoká, héétí gielmít ˈgany, mé ki chirsan, tá abúnt ˈgany lulle ˈdú laađámo.

Héberew 11:7

Nówa iiy yeenle ˈdaalleka in kádích hí ˈbíl geerle ririanká ˈdisse. Kadich muí ˈdissééllá he ˈdaa giri hé kálta gálaat hí ma árginyká hát ka yiimetká Waag hí mú geeyche-, mu Waag af iiy yie-, Waag hát mú gaa feˈdeká muí el gaa veereká. Hé Nówa hí ekeyallá hé gál lesalloká ˈdeente. Aalé Nówa iiy yeenlééllá ˈdaalleka in Waag mú máá ˈdúwaká chie.

Bétiro Erká 4:3

It kíssóótí hé gál Waag muogká hí eekemey-, gálle kern mannay-, babát hí faanne-, bersham hí fafame-, hol hursam ki hergime-, ubaa waagam hódhoká viviteká úba it álle gaa seseenne, warram ki beesete.