Róóma 8:8 - Fayam Midhab Yiesu Kiristoká He Hol Af Iđiny Kaanaká

⁸ Aalé gál balt gonniet hí he gaa mumuˈdoká hé hát níínní Waag geer gaa memeyoká mán.

Róóma 8:8 ပူးပေါင်းရင်းမြစ်များ

Matááyo 3:17

Aalé ˈdéé hót úr yé gáá ˈdiiyye, kieye, Hééllá he Iny chia yú gielká, mu hé tág ye geer gaa meey, chie.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

Yuána 8:29

Máá ye ali gáá kaayká yáá nyí hol ˈgayya, tá ˈdaa giri he lullé yú ekemeyoká mú geer gaa memesuoká, mu hé ye ma hâny, Yíésu hí gáál yie.

Róóma 1:21

Har úba gaal Waag óíytaka, gaal mu hát Waagká hé mú ma memeny, mú gielmít hol ma ˈdú nanniny. Gáál hé tawuny hí ˈdeenete, gáál ˈdaalimlé éésh mánnallá hé đéém hí koch chie.

Róóma 7:5

Muun af giri yaalmit kúnnaa hele-, ke ki ijeká gónkúnno balt gaa nyakaridheká hí gaa iđe. Hemuumuritééllá in súm baltééllá gáál gaa verenne, giri hé ˈdeđew-, Waag hí ma fedinyká saanolle muun gáál yé gáá ˈdeˈdeme-, gáál kúfach mé ki kokoyká.

Róóma 8:9

Tá itín har Hím Naasan Waaˈgiet hí gaa iđoka, it balt gonniet hí he ma ki mumuriny, Hím Naasan Waaˈgieto hí he ki mumuˈda. Máádhat Hím Naasan Kiristo manítaka, hé Kirísto hí ma lileny.

Korínto Erká 7:32

Hát yú hí ki fedoká he giri tawunykícho hí hé lesalloká ma gaa iđiminy-, hí hé lesalloká ger ˈdeentle mánká. Máá ma éenká tawunyle Máá kúnnaa Guđoká gaa iđimuo-, mú geer gaa memesuoká hé uro.

Filíbi 4:18

Káána hé shiichokícho Ebafuroˈdíto hí ye ˈdu gáá sidheká, yáá hé ye ki ˈgeeˈgerneyká lulle arge, tá ití ye hé éíy burnayká úba af ˈdú fiiyye. Hé shiichokícho he suor usiyyo-, Waag hí iiy cheget-, Waag geer gaa memesichoká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 3:20

Ummo, gál hí ˈdaleká hát lulle met gaa keekeemíe, ˈdaa giri hééllá Máá kúnnaa Guđoká geer gaa memeyoká.

Dhesaloníke Erká 4:1

Nyaaramkínyo, aaléka, Máá kúnnaa Guđo Yíésu ˈdaallé ke hí gil ki efe, ke hí gogofsia, giri hát káána iđiny Waag geer gaa memeychoká hí nyí gaa onnote-, hí ki iđóóllá, yaalmit hat kinaallóóllá af ˈdú faafadhdhíe, ki yíéđía.

Héberew 13:16

Hé midhabká hí hol ki ekemeychoká ekenyle haí hâny. He ekeny hatallóóllá he hé shiicho-, ke Waag shiguo-, Waag geer gaa memesuoká.

Yuána Erká 3:22

Héétí, hé mákárta-, ki mú rogononká ha ke mú gaa aargira. Hé kinaallá he ˈdaa giri ke mú hemuumuritle ki met gaa kekeen-, ke hé mú geer gaa memeyoká ekemeyoká.