Róóma 8:5 - Fayam Midhab Yiesu Kiristoká He Hol Af Iđiny Kaanaká

⁵ Gál balt gonnietká ki ijóóllá tawunyle balt gónlé kinaallá he igiˈda. Tá gál Hím Naasan Waaˈgiet ki ijoká tawunyle íín hé Hím Naasan Waaˈgiet hí feˈdoká he kakata.

Róóma 8:5 ပူးပေါင်းရင်းမြစ်များ

Márko 8:33

Aalé Yíésu đo hol gáá made, lalille gaa dhaay, Bétiro il gíl gaa helie, kieye, Sátan, ye innum gaa sí! Tawunykú hé tawuny Waaˈgiet muuniny. Tawunykú he tawuny gálaat, yie.

Yuána 3:6

Máádhat íín máádháto hí ˈdale. Máá veel Waaˈgiet yieká íín Hím Naasan Waaˈgieto hí ˈdalle.

Róóma 8:9

Tá itín har Hím Naasan Waaˈgiet hí gaa iđoka, it balt gonniet hí he ma ki mumuriny, Hím Naasan Waaˈgieto hí he ki mumuˈda. Máádhat Hím Naasan Kiristo manítaka, hé Kirísto hí ma lileny.

Korínto Erká 15:48

Gál lesalloká he hát máá Waag hí eeˈd tág gaa niiyye-, Áˈdamlééllá. Héétí gál urietká he hát Máá úr gáá yimie-, Kirísto lééllá.

Korínto Erká 2:14

Tá máá Hím Naasan Waaˈgiet mánká, hé Hím Naasan Waaˈgietallá hélle ma aargiriny. Máá hat kinaalloká mu íínka Hím Naasan Waaˈgietallá hélle hé đeeymo, hé muí eiy ma nanasan. Máá Hím Naasan Waaˈgiet ˈguoká tákáma Hím Naasan Waaˈgiet hélle eiy nannata.

Korínto ki Naamaká 10:3

Har úba káána nyí les gaa iđoka, oos kínyia nyí hol chegesallá hé oos lesalloká muuniny.

Galátia 5:17

Balt goniet gaa nyakaridhééllá hé hé Hím Naasan Waaˈgiet hí feˈdoká muuniny. Hím Naasan Waaˈgiet héllé feˈdoká ubaa balt goniet gaa nyakaridheká héllé feˈdoká hol ká eiyye. Hím Naasan Waaˈgiet ubaa balt goniet gaa nyakaridheká íín hol oosó. Yaalmit kinaallá in álká hé midhab onnônyka itín hí feˈdo-, hí ekemeychoká hí ma ekemeny.

Eféso 5:9

Édhum saanolle he midhánti, saas mánti, tá ˈduwánti.

Bétiro ki Naamaká 2:10

He il ka argisinyééllá súm ˈdaa gál balt gónlé-, kern mantiká el gaa igiro-, gál hí met ki ˈgieká egesheyoká he ki taalla. Gál hođomlééllá hé Waag ubaa gálaat kianka mán, gaal gálaato egesheye. Gaal hé úba aryaan farguogoká eeshenylé he egesheyoká hí ma biirgisiny.