Róóma 8:37 - Fayam Midhab Yiesu Kiristoká He Hol Af Iđiny Kaanaká

³⁷ He lullé il hí nyí aargiˈdóóllá nyáá nyí ma gaa giinany, ˈdaa Kirísto muun gáál gielallá ˈdaalleka lúl a mé ha nyí kí faanna.

Róóma 8:37 ပူးပေါင်းရင်းမြစ်များ

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Róóma 8:35

Mááya muun gáál gielmit Kirísto hí muun gáál ka ˈgúóllá gaa ˈgiidhia? He in hé il hí gáál aargiˈdokâ, ebá tawuny ˈgany? He in manjasiny muun gaalí gáál manyjasuokâ? He in kuoˈd ˈgany ubaa geleem mánti? Ebá he in oos ubaa kúfach?

Korínto Erká 15:54

Af giri gón kúnnaa kufunanno-, mooˈdoyyóóllá gón ma kufuminy-, ma mooˈdonyká cheget-, ke gál ma kufuminyká yegetká, af kinaallá hé Warˈgat Waaˈgiet hí hoteká hai ˈduuwaa, giri kieye, Kúfach oosle hé Waag hí el mé ˈgidhiche, chieká.

Korínto Erká 15:57

Aalé Waag Máá kúnnaa Guđo Yiesu Kirísto ˈdaalleka muun gáál fargogint ke hééllá lulle kí aađaatká ka shigichóóllá, kí gielmít hol ˈdú naannuo!

Korínto ki Naamaká 12:19

Itín haí taawuyye, hí kieye, Gaal taalle ˈdéé he hol ˈdú hogodho, hí nyí chegie? Nyaaram kínyaa nyí gielallo, he hé hát kinaallá muuniny. Nyiin innum Waaˈgietka hát gál Kiristoká nyí ˈdéé ká hogoto. He lullé nyí hogoto-, ubaa nyí ekemeychóóllá, he giri itín hí higirayyoká.

Korínto ki Naamaká 12:9

Aalé mu ye geey, mu kieye, ˈDúˈjímchú hé ko ka gúúđo, fargogintchú af giri kúún đalidhekáka hé tág ko far ki gogiyyo, muí ye yie. Aaléka, đalim chialláka yáá geer ye gaa meedhe, giri fargogint Kiristo ye hujich gaa nanniyyoká.

Korínto ki Naamaká 2:14

Nyáá nyí Waag gielmít hol ˈdú nanniyya. Waag aadh lulle ˈdaa Kiristoka hé nyí met gaa igiˈdo, fufucho. Waag nyí hújíchle ki nannasata, giri nyí Fayam Kiristóóllá hát sáláb usiyyo-, usle biiy lúl bash ki chegetokáka nyí alb lulle bash ki hođichoká.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Eféso 5:2

Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.

Dhesaloníke ki Naamaká 2:16

Aalé Máá kúnnaa Guđo Yiesu Kirísto dhúrle ubaa ˈJaa kúnnaa Waag gáál giel-, ˈdaa ˈdúˈjímle ˈdugaka gáál góf biiyoká ubaa hé midhab ke met egesoká ka shíéllá,

Yuána Erká 4:10

Waag gielmitle he hatallá, hé muun erro ke Waag geelnedhe muuniny, Waago muun gáál er geelnete, Inyle ali gáá kaayye, giri mu suor yeget-, mu ađaabanokúnno ubaa nyuogimkúnno ewle higidhoká.

Yuána Erká 4:19

ˈDaa giri mu íín er gáál gielká in múún úba ke gielmít ˈgaa.

Yuána Erká 4:4

Umééllo, itín hí gál Waaˈgiet, ití gál mú ka kídhallá ká adhate. Hééllá he ˈdaa giri Máá hí geer gaa ijóóllá kídhíchlé les gaa ijoká far ˈdú gogoká.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 17:14

Gaal Élíny hai ˈdú ruuma, kor Eliny ˈdaa giri he Kánsích kansím lulle mé ki yaalká gáál hai ká aađadhdha. Tá gál Élíny hol ˈguoká he gál Waag hí viiyye-, Waag hí gálle hosote-, Waag af ˈduwasieká, muí ye yie.

Kí Edhesiny 21:7

Máá hé lesietká ká adhatká hé yú hogodhóóllá hai aargira, yú mú Waagle hai yeedhe, mu íín veelchú hai yeedhe.

Kí Edhesiny 3:9

Bá dhaayyíe, gál ˈbíl ˈdiiyiminy Satanká hođomlé-, hol gál Waaˈgiet yeget-, kor gál Waaˈgiet muuninyallá héllé yú ki ekemeyoká onnóo. Gáál ha yú ká egee, gaal metkícho les kurram hai gaa ˈdarama, gaal hát yú hí gielká hai kiimita.