Róóma 8:36 - Fayam Midhab Yiesu Kiristoká He Hol Af Iđiny Kaanaká

³⁶ Hát Warˈgat Waaˈgiet hí hote-, kieye, ˈDaakícho ˈdugaka, nyíín aadh lullé gaal nyí yegese, nyiin hát wala gaalí yegeská gaalí nyí ká dhaˈgama, chieká.

Róóma 8:36 ပူးပေါင်းရင်းမြစ်များ

Yuána 16:2

Itín gaal ény ˈdiiyiminyká haí ká riidha. Tá bár gál hí yegeská kieye, Nyíín Waago nyí hujich ki nanniyya, yegetká, hé geđ igiˈdo.

He Ekeny Gál Alb Fimiká 20:24

Tá yú yáá sídhchú ye geer ma gaa ˈdeeneny. Hé chia ye ki ˈdúwaká he hújích Máá Guđo Yíésu hí ye ká shieká, giri Fayam Midhab gielmiti Waaˈgietká đulalle yú kirmisat-, yú ˈdiyeen-, yú beđisatká.

He Ekeny Gál Alb Fimiká 8:32

Mu warˈgat kinaal ˈdeeny he gaa totoyká kieye, Hát ány walach gaalí ˈgalan ˈdú ˈdeđisatkáka, mú gaalí eedhdhe. Hát ány walach gaalí dhúúr gaa dhudhurio-, ma ˈdiyiminykáka, mu hé ˈdéé ma hôn.

Korínto Erká 15:30

Héétí háteka aadh lulle nyí hol kúfach mé ki kokoyyóol?

Korínto Erká 15:31

Nyaaramchú, yú aadh lullé kufach ye kí higila. Hééllá he ˈdaa geer gaa meen it Máá kúnnaa Guđo Yiesu Kirísto iiy chieká yú hí gaa argééllá ˈdaallé yú ki ˈdodhdhe.

Korínto Erká 4:9

Tawunychúka, nyííni nyí gál alb fimííllá, hát gál Waag hí biiy el ˈdaˈd ki madiche-, gaalí ˈdéé ki mure-, gaalí yegeská. Biiy lulle gállé lesalloká ubaa gál ˈgasso-, urruká inno nyí gaa kuokoy.

Korínto ki Naamaká 1:9

Nyíín af kinaallá gál kufunanká nyí hol ká dhaayche. Yaalmit kinaal ˈdugaka in nyí laat kínyaa nyí tákámkínyo lađaanneká nyí hayche, nyí Waag gálaat uushim yiem gáá ˈdeđichóóllá bala ˈdú niiyye.

Korínto ki Naamaká 11:23

Tá gaal har he gede Kiristo hol yegetka, yaa súm gáál ˈdú gédéch Kiristo. Yú meka hát máá me hí ˈjieˈdeká ˈdéé ká hogodho. Yaa gáál hújích fargogoká súm ˈdú nie, yú ubaa gaal íínka yaa gálaat ye af burnayká ki hiigidhe, yaa gálaat ye af burnayká ki tune, yaa af burnayká kúfach bala gáá bie.

Korínto ki Naamaká 6:9

Nyiin he gál gálaat hí ógká, kor gáál ˈbaal gál éésh mánká nyí ká dhaˈgama. Kufach har káána úba nyí igiroka, nyáá nyí hátle luogol. Gaal har úba nyí tutuneka, nyáá nyí ma kúfiny.

Filíbi 3:10

Yú Kirísto nyí hol liilet-, fargogint máálle uushich yé gáá ˈdieká ye gaa iđo-, hát mú manyjany il hí argiyyeká yú mú ˈdú maanyjaw-, har kúfách muí kufeká úba kufunanká kátaka, fede,