Róóma 8:35 - Fayam Midhab Yiesu Kiristoká He Hol Af Iđiny Kaanaká

³⁵ Mááya muun gáál gielmit Kirísto hí muun gáál ka ˈgúóllá gaa ˈgiidhia? He in hé il hí gáál aargiˈdokâ, ebá tawuny ˈgany? He in manjasiny muun gaalí gáál manyjasuokâ? He in kuoˈd ˈgany ubaa geleem mánti? Ebá he in oos ubaa kúfach?

Róóma 8:35 ပူးပေါင်းရင်းမြစ်များ

Yuána 10:28

Hé yáálle hí luolmit biiyoká shiguo, hé ma kufuminy. Hé máá níínní hí ye af ki ririat-, hí ye gíl geer yé gaa ˈdeđisatká mán.

Yuána 13:1

Aalé ˈjila máá ˈgasso-, urru-, Waaˈgietká hí gáál ˈdug gaa nadheká ka tirtirayyeká, Yíésu aleđuđugulle hát ali kí ˈdiiyye-, lésallá haađuo-, bííy ˈJaalle mé nannuoká hé onnoy. Mu hát gállé lesallo-, hí iiy yieká gielká in gielmit kinaallá taalle muí gáál ká ˈgie, muí gáál aargisie.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

Róóma 2:9

Ameeny máá hé ˈdeđewká gaa seseenká manyjasiny ubaa gon bólo il haí aargiˈda. Hééllá erkob gál Yuuˈdi il hí aargiˈda, el gaa igíˈdelle gál gál Yuuˈdi muuninyká il hí aargiˈda.

Róóma 8:17

Aalé káána ke Waag umle yíéllá, Waag hé umle af iđicheká úba ha ke aargira. Héétí har muun hát Kirísto manyjayallá ke úba Kirísto ˈdaalle ki manyjayka, Waag múún Kirísto ˈgarro gáál hol ˈduuwasicha.

Róóma 8:37

He lullé il hí nyí aargiˈdóóllá nyáá nyí ma gaa giinany, ˈdaa Kirísto muun gáál gielallá ˈdaalleka lúl a mé ha nyí kí faanna.

Róóma 8:39

úr gaa iđoká yíekaʼ, les geeréétí gaa iđoká yíekaʼ, héétí he met lullé Waag hí ka kuonnééllá hé hát níínní gielmit Waag hí muun gáál ka ˈgayyo-, ke ˈdaa Kiristo gaa argééllá gáál gaa ˈgiidhuoká mán.

Korínto Erká 4:11

ˈJíig káána ke gaa ijóóllá nyiin nyí gál ger hí gaa boloonká, nyiin nyí gál báre hí chegeská, nyiin nyí gál sharim higisatká, nyiin nyí gál ˈguliet, nyiin nyí gál el met mánká,

Korínto Erká 4:12

héétí nyiin nyí gál gil gerle hujich ki nannuo-, hef hí chegeská. Nyíín gálaat nyí chaachareka, gál kinaal ha nyí ˈdú ˈguunuanne, gálaat nyí manyjasieka, hé kinaal hollo nyí hol gaa tiiyye.

Korínto ki Naamaká 12:10

Aaléka, he lullé ˈdaa Kiristoka il hí ye argiyyeká, hát káána đalím, chaarim gaalí ye chacharoká, hé ye ki ˈgierˈgereká, manyjasiny, tá gon bólo, lúl iiy ha yú yeedhe. Yú af giri đalitká in fargogo.

Korínto ki Naamaká 4:17

He il ká argisiny kínyaa nigini-, káána nyí gaa iđáállá in ˈduuw guđo-, biiyo-, tawuny lulle af mé gíriká nyí yé ˈdú ˈdeđicha. ˈDuuw kinaallá hé il ká argisiny-, hé káta-, mánnallá hol ma nyuoriny.

Korínto ki Naamaká 4:8

Nyiin hé il hí nyí aargiˈdoká biiy lullé he gáá yiimedhe, tá hé kinaallá hé níínní nyí ali koyká mán. Ger hé tág nyí gaa ˈdeđenet, tá nyáá nyí ma giinany.

Korínto ki Naamaká 4:9

Gálaat hé nyí maanyjasuo, tá Waag hé nyí ma hâny. Gálaat hé tág nyí gon bolmosuo, tá nyáá nyí agarsata.

Eféso 3:19

Yáá úba Waag vivisat, giri gielmit kás lulle af mé iđóóllá gónkícho hí oonoot-, Waag hí Hím Naasanle koch ki hođichoká.

Dhesaloníke ki Naamaká 2:16

Aalé Máá kúnnaa Guđo Yiesu Kirísto dhúrle ubaa ˈJaa kúnnaa Waag gáál giel-, ˈdaa ˈdúˈjímle ˈdugaka gáál góf biiyoká ubaa hé midhab ke met egesoká ka shíéllá,

Tímote ki Naamaká 1:12

Hé kinaallá ˈdaalleka in yú manyjany gaa ija. Tá yú yáá kern ye ma ˈgiˈgin, ˈdaa giri Máá yú iiy yíéllá yú ógká. Tá ˈdaab kúlích biiy el ˈdaˈdká hátlé ali ma kí ˈdíinyká mu hújích ye gíl geer gáá kaayallá hát in ki ˈdeenká gon yáá óg.