Róóma 8:3 - Fayam Midhab Yiesu Kiristoká He Hol Af Iđiny Kaanaká

³ Hemuumurit Waag hí gál Yuuˈdi ka shiicheká hé fargogint níínní ˈgayye-, múún gáál ađaabano gim yé gáá ˈdeđicheká mán, ˈdaa giri balt gónkúnno hemuumurít a mé kí ˈjiiyyeká. Tá Waag íín dhúrle hé gáál ađaabano gim yé gáá ˈdeeyche! Mu Inyle múúni ke ađaabano ˈgúóllá gáál ali ˈdú gáá kaay. Iny gón gálaato kí yimie. Waag hé Inylééllá suor hoyche, ađaabano gálaat ˈdeentle ˈdú iđiche.

Róóma 8:3 ပူးပေါင်းရင်းမြစ်များ

Márko 15:27

Gál éíy taaka-, naama-, buraallé mare úba gaalí ˈguor đarám ˈgieká ˈdú ˈdane. Mú tikiˈd gaalí Yíésu gíl ˈdaa naaniet koy, máátí gaalí mú gíl ˈdaa ˈjíbach koy. [

Yuána 1:14

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Yuána 9:24

Aalé gaal geđi máá biiy gaa argeká ká vie, geey, kieye, Ebá Waag ˈdúo, hé ˈdúwaká húógot. Nyiin íín máá kinaallá hát ađaabano ˈguoká nyáá nyí óg, gaalí mú yie.

He Ekeny Gál Alb Fimiká 13:39

Aaléka, itín máá Yíésu iiy yeetká he lullé ˈdeeđeneyká ađaablé ubaa nyúógíchlé kinaal Waag haí gaa egeyye, Waag mú máá ˈdúwaká hai ká dhaˈgasanna. Hééllá he hé hemuumurit Moshe hí ma ekemenyká.

Róóma 3:20

Aaléka, hé máá níínní innum Waaˈgietka hemuumurít ki yaalitle ˈdaalleka Waag hí máá ˈdúwaká chegetoká mán. Hemuumurít gálaato hát saas ˈguoká he gáál ká aargisicha.

Róóma 6:6

Aaléka, hééllá onnóo, muun yaalmit kúnnaa kisso-, ke ki ijeká hé ubaa Kirísto ˈgór đarám yaalká ˈdú kufe, giri muun balt gonniet fargogintle ke gim yé gáá ˈdeˈdeen-, ke geđi ađaabano gim ma gaa iđinyká.

Róóma 7:18

Hát hé níínní midhab-, ye gaa ijo-, mánká yáá óg. Yú hé ˈdúwaká ekemeyoká fede, kor fargogint hé kinaal ki ekemeyoká yáá mán.

Róóma 8:32

Waag Inyle ma kulnásan-, ˈdaa kúnnoka ká sillichééllá hé úba he met lulle hát geer gaa midhantiká gáál ma ká shígîny?

Róóma 9:3

Har káána Waag ye điite-, ye Kirísto gaa ˈgidhiche-, tá hé kinaal kídh chia-, nyaaram chiallá ririanka, af kinaalka kalat máámaʼ?

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Galátia 3:13

Múúni ke hemuumurít lulle hát ˈdabaanká el ma gaa igíriny-, ke ˈdór ˈgieká Kirísto hé gáál ˈdór kinaallá gaa eey. Mú gaalí ˈgór đarám yaalká ˈdú ˈdoyká mu hé ˈdór kúnnaa kinaallá luut kaadhdhe. Warˈgat Waaˈgiet hát chieká kieye, A meeny máá gaalí ˈgór ˈdú ˈdoyká ˈdórro he ˈgaa, he chie.

Galátia 3:21

Aaléka, hemuumurít ubaa ˈdúˈjím Waag hí Abirááyam af iđicheká af yé hol ˈdéˈdéenne? Híʼi. Hé kinaallá gon hé mán. Hemuumurit Waag hí gáál ki muˈdeká onnônyka gáál luolmít shigînyka, saas mánt onnônyka hemuumurít ˈdaallé he ká naate.

Filíbi 2:7

Mu hé hol ˈduuwlé guchiká rie, yaalmit máádhat kaadhdhe, hol gedech hoy.

Héberew 10:12

Tá Máá kúnnaa méte suoryóóllá a tikiˈde hol suor kí hoy, giri gálaat ađaabanolle ubaa nyuogimle lulle gaa egewká. Mu hé Waag gíl ˈdaa naaniet yíéđie.

Héberew 10:14

Aalé Kirísto suorlé tikiˈde kinaallá ˈdaalleka in mu gál Waag hí léká bííyyo saas ˈdabsie, gaal aalé bííyyo saas hai ˈdaaba.

Héberew 2:14

Aaléka, ˈdaa giri umééllá gon ubaa fás ˈguoká, in Yíésu úba gon ubaa fás hat kinaallóóllá kaadhdhe, gáál ˈdú kufe. Mú kúfáchlééllá ˈdaalleka in mu máá kúfach fargogintle ˈgie-, Sátanlééllá kar rie.

Héberew 2:17

Héél ˈdugaka in Waag mú hát lullé nyaaramle hí ˈgieká hoyche, giri mu Waag metle Máá méte suoryo-, ˈdúwa-, geer ka guurá ˈguoká yeget-, gálaat nyuogimle ubaa ađaabanolle ewle higidhoká.

Héberew 4:15

Muun hé ke máá méte suoryo-, đalimkúnno geer kurshamle mánká mán, tá Máá ki ˈguoká he Máá hát múúnka Sátan hí hát lulle ki ekesete-, kor íín dhúrle ađááb ma hílinyká.

Bétiro Erká 2:24

Hé múún ki Waag ki ˈdeeđeneyká ˈdeentle mu ííni hí luut kaadhdhe, hí ˈgór đarám yaalká ˈdú eedhdhe, giri múún ki ađaabanokúnno ma gaa iđiny-, ke hát Waag hí feˈdoká yíéđianká. Aaléka, mú lilolle hé hí fayansie.