Róóma 8:28 - Fayam Midhab Yiesu Kiristoká He Hol Af Iđiny Kaanaká

²⁸ Gál Waag giel-, Waag hí he gaa feditle kí viiyyééllá, he lullé gáál kárle ká nannaatká Waag hujich haí ki nannasata. Hé kinaallá gáál ˈdaalleka hát hé midhabká hí yé gáá ˈdeˈdeenká hé ke óg.

Róóma 8:28 ပူးပေါင်းရင်းမြစ်များ

Márko 12:30

Máá Guđo Waag kuaká geerkú lulle ki géélneb, hodhinkú lulle ki géélneb, tawunykú lulle ki géélneb ubaa fargogintkú lulle ki géélneb,

He Ekeny Gál Alb Fimiká 13:48

Aalé kidh héél maaleká ger hí gaa meedhe, ˈdeeny Máá Guđoká meey. Ameeny gál giri Waag hí luolmit biiyoká gíl ki helicheká ˈdéé iiy yie.

Róóma 11:29

Aaléká, Waag hé gál waarate kinaal ma haađiny, héétí hé hé shiicho-, gálaat af iđicheká shiinyle el ma ˈgiisan.

Róóma 8:30

Aalé gál Waag hí taak koyyééllá in úba Waag hí ká viiyye. Gaal ííni muí ka víéllá in úba muí gál ˈdúwaká yie. Gál muí gál ˈdúwaká yíéllá he gál muí ˈduuwasuoká.

Róóma 9:11

Umééllá hátlé ma ka ˈdaláan-, hé midhabká ubaa hé ˈdeđewká ma ekênyká, gáál ˈjiellé Rebéka Waag hí geeyche, kieye, Um kuallá máá guđoká máá ninniká gédéchle hai yeedhe, chie. Hééllá hé kieye, máádhat héllé ekeyká ˈdaalle in Waag hí kí veveenne muuniny, Waag hátlé he feˈdoká in máádhat kí veveenne.

Korínto Erká 1:2

it gál Kiristo-, ˈjien Korinto gaa iđa-, Waag hí ká viiyye-, Yiesu Kirísto hí saas gaa dhiire-, hí Waag gálle hoyyallá, tá gál biiy lúl gaa ijo-, Máállé tikiˈde úba Máákúnno Guđo Yiesu Kirísto lééllá vivisatallá ke hí ˈdu gáá veere.

Korínto Erká 1:24

Tá gál Waag hí ká viiyye-, gál Yuuˈdi yíekaʼ, gál Hellen yíekaʼ, nyiin nyí fayamééllá ki ˈdiyeennallá, gaal íínka fayamééllá he Kirísto, giri Waag fargogintle ubaa Waag ˈdaalimle hí gaa iđoká.

Korínto Erká 1:9

Waag ííni hí ká viiyye-, giri itín hí Inylé Máá kúnnaa Guđo Yiesu Kirísto hol ˈdú faannééllá, dhúrle hé ˈdúwa, hát ˈdabaanká haí chiirata.

Korínto Erká 2:9

Hééllá he hé Warˈgat Waaˈgiet hí hote-, kieye, Hé kálta máádhat hí il ma ki árginy-, hí nétle mán-, hí kasle mánká, hé kinaallá he hé gál Waag gielká Waag hí met tág koyyeká, chieká.

Korínto ki Naamaká 5:1

Gón kúnnaallá he hát lokoolom lesallo-, aadh ˈdaatika ˈgieˈgewká. Muun gón kúnnaa lokoolomallá ˈgieˈgeyyeka, Waag hát muun gáál gón kaanaká úratí gaa shigichoká hé ke óg. Gón ke kakaat kinaallá he hát ény biiyo-, gál hí gil ki ˈdisse mán-, ma ˈgieˈgenyká.

Galátia 1:15

Tá hééllá met, yú hátle ˈjiechú geer gaa ijaʼ in Waag ye taak koote, ye ˈdúˈjímle ˈdaalle kí viiyye. Aalé aleđuđugul Waag hí feˈdeká ali kí ˈdiiyyeká

Galátia 1:6

ˈDaa giri tíkíˈdéél Waag hí ˈdaa ˈdúˈjím Kiristo kí viiyyééllá hí ká haađicha-, hí fayam éíy taaka-, Fayam Midhaballá muuninyká bala ˈdú nanniyyáállá, yáá tág hé kinaallá ye birgisie, he af ˈdabe.

Galátia 5:8

Af ˈdú naasan hatallóóllá hé Waag hí ká veveen-, hí umle hođisatallá yé ma gáá ˈdeˈdeminy.

Eféso 3:11

Waag hátlé les ma ka kúóninyká, hé hééllá mé ká ˈgayye, in đo muí Máá kúnnaa Guđo Yiesu Kirísto gáá ˈduwasie.

Eféso 4:1

Aaléka, yáá ˈdaa Máá kúnnaa Guđokáka, hiigin gaa ijóóllá, gillo yú hí ki efe, yaalmit midhab-, Waag hí kí viiyyeká hát ˈdabaanká gaa yíéđía.

Filíbi 3:14

laat chia lađama, hé shiicho biiy metoká đulallé gaa ija, giri hé kinaal aargiroká. Hé shiicho kinaallá he luolmit biiyo-, urati-, ˈdaa Yiesu Kiristoka, Waag hí ye kí viiyyeká.

Dhesaloníke Erká 5:9

Waag múún gáál gálle hosotééllá, idhollé he gáál ˈdú iđimicha muuniny, he giri muun ke Máá kúnnaa Guđo Yiesu Kirísto rubach gaa aargiroká.

Tímote ki Naamaká 1:9

Waagééllá in muun gáál rubach shiiche, gáál yíéđiny hí geer gaa memesichoká kí viiyye. Hééllá Waag hí muun gáál ki ekeychééllá he hé kieye, muun hé mákárta-, midhabká ki ekey, muuniny. Waag hátlé les ma ka kúóninyká hé hééllá mé ka ˈgayye, giri ˈdúˈjímle ˈdaa Yiesu Kiristoka muun gáál ka shigichoká.

Tímote ki Naamaká 2:19

Tá Waag ˈduuwle állé he taalla, hát ár ˈbíl hurt gaa yaal-, ma niinginy-, ˈdugle gaalí ˈdéé hót kieye, Máá Guđo Waag gál he léká hé óg, héétí, Ameeny máá Máá Guđo Waag vivisatká hí ađaabanolle hayo, chieká, gaa veereká.

Héberew 9:15

Hééllá ˈdaalle ˈdugaka in Kirísto he af iđiny kaanáállá máállé Waag ubaa gálaat hol higilsuoká yie, giri gál Waag hí ká viiyyeká luolmit biiyo-, Waag hí af iđicheká aargiroká. Kirísto kúfáchlé he kufééllá, he giri gaal hé ˈdeđew-, he af iđiny erkobká gaa hileká ađaabanolle ubaa nyuogimlé kinaal gáál gaa egewká.

Yákob 1:12

Máá hé héf ˈguo-, farguogoká ˈdaalleka mé ki chirsatká hé Waag hí ˈdú ˈguunuanne. ˈDaa giri mu héél mé ki chirte-, yíé gaa ˈdieká, mú luolmit biiyo-, Waag gál hí gielká hí af iđicheká Waag haí shigicha.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.

Bétiro Erká 3:9

Haí hé ˈdeewká héllé ˈdeewká akaˈd madîny, muuninyka, chaarim haí chaarimle akaˈd madîny. Hé ˈdeewká Waag ki vím akaˈd madía. Hééllá ˈdugaka in Waag hí ká viiyye, giri hí ˈdú ˈguunnuminy Waaˈgiet aargiˈdaká.

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

Yuána Erká 4:10

Waag gielmitle he hatallá, hé muun erro ke Waag geelnedhe muuniny, Waago muun gáál er geelnete, Inyle ali gáá kaayye, giri mu suor yeget-, mu ađaabanokúnno ubaa nyuogimkúnno ewle higidhoká.

Yuána Erká 4:19

ˈDaa giri mu íín er gáál gielká in múún úba ke gielmít ˈgaa.

Kí Edhesiny 3:19

Gál yú gielká in yú ki lolodhmo, yú af tataa. Aaléka ˈgaađamíe, ye bala ˈdú gáá náa!