Róóma 8:26 - Fayam Midhab Yiesu Kiristoká He Hol Af Iđiny Kaanaká

²⁶ Aalé Hím Naasan Waaˈgieto in muun gáál đalim kúnnaallá yiir gaa chichirata. Hé ˈdúwa ki Waag rogononká hé ke muog, tá Hím Naasan Waaˈgieto dhúrle muun gáál ˈdéé met gaa sisita, buony kúnnaa edhminy-, múún dhúrkúnno ke muogká Waag geđicha.

Róóma 8:26 ပူးပေါင်းရင်းမြစ်များ

Matááyo 10:20

Af kinaallá ˈdeeny kíchia hí hogotoká hé itín dhúrkícho hí yé ma gáá ˈdeˈdeminy, Hím Naasan ˈJaa kíchia hí gaa iđoká in ˈdéé hogoto.

Matááyo 20:22

Yíésu gáál geey, kieye, Itín it hé hí rogononnoká muog. It kulu manyjasiny yú ál ˈjob igianallá úba hí igiannoká uˈdâ? yie. Aalé min helelle kieye, Nyáá nyí uˈda, yie.

Lúka 22:44

Mú geer hí súm gaa ˈdeenedhe, mu geđi hát ˈdabaanká Waag vite. Mu simidhe, simis hát fáská mú gáá ˈjiibime, les ˈdane.

Yuána 14:16

Tá ˈJaachú ha yú hegete, mu Máá éíy hí rangʼit yeget-, bííyyo hí hol af yíéđiannoká haí ká shigia.

Róóma 15:1

Múúni giri ke Fayam Midhab Kiristóóllá ki hirayallá, kí gál Kiristo hátle ma hirânyallá tawunylé đalimmóóllá ˈdaalle ˈdugaka kí yiir gaa chiichirat, ha ke tákámkúnno hol ger gaa memesîny.

Róóma 7:24

E yaalmit chiallá ebá ˈdéen! Mááya ye gón kufachietallá gaa riima?

Róóma 8:15

Itín hím naasan hí argiyyééllá hé hím naasan hí gede sierm ˈgayyoká hođichoká muuniny. Itín Hím Naasan Waaˈgiet hí um Waaˈgiet hođichoká hí argiyye. Hím Naasan Waaˈgietallá ˈdaalleka in muun ke Waag, Ába, Baabá, yegedhe.

Korínto ki Naamaká 5:2

Hátlé ke gón kúnnaa lokoolomallá ˈgúóllá in ke egedhme, ke fiirit gón uratiká kakaatká kaadha,

Korínto ki Naamaká 5:4

Hé ˈduwa, muun hátlé ke gón kúnnaa lokoolomallá ˈgúóllá, edhminy hé tág gáál chies. Tá hé kieye, gón kúnnaa ke ˈgúóllá kí ˈdabo, ke ma yegen. Muun gón uratiká ke kakaatká ke fede, giri gón kúnnaa aadh ˈdaatika kufunannóóllá mán cheget-, ke gón kaana-, biiyoká ali iđoká ke kakaatká.

Galátia 4:6

ˈDaa giri itín hí um Waaˈgiet chieká in Waag Hím Naasan Inyle hí ali ˈdu gáá kaayye. Hím Naasan gáál ger gaa iđo kinaallá, Ába, Baabá, Waag chegedhe.

Eféso 2:18

Aalé ˈdaa Kiristoka, múún met hullaakúnno Hím Naasan Waaˈgiet tikiˈdééllá ki ˈJaa kúnnaa Waag met ki seseenká hé ki uro.

Eféso 6:18

Hé kinaal hí ekemeychoká aadh lúl Waag gil ki eegefée, viivitíe. Hím Naasan Waaˈgiet hí fargogint hí Waag ki vivisataká shiigicho. Biiy ˈdeeˈdemíe, haí ˈgoróminy, gál Kiristo lulle Waag ki viivitíe.

Héberew 4:15

Muun hé ke máá méte suoryo-, đalimkúnno geer kurshamle mánká mán, tá Máá ki ˈguoká he Máá hát múúnka Sátan hí hát lulle ki ekesete-, kor íín dhúrle ađááb ma hílinyká.

Héberew 5:2

Mu gál he hol eiy ma gaa nannasan-, gaalí bađisieká hé nog ki seseen, ˈdaa giri đalim gálaat hí ˈgúóllá mu íín úba hí ˈguoká.

Yákob 4:3

Hé hí Waag hegesetoká hí ma aargirinyallá he ˈdaa giri hí he yaalmit tagle muuninyká ki hegeseto-, hé onnônyka hí mú gaa aargiˈdoká hí taalle he fedit gónkícho ki nannasatoká.