Róóma 8:2 - Fayam Midhab Yiesu Kiristoká He Hol Af Iđiny Kaanaká

² Aalé itín ˈdaa Yiesu Kiristoka, fargogint Hím Naasan Waaˈgiet hí luolmít shigichóóllá hé fargogint ađaabano hí kúfach mé ki kokoyyoká hé hí gim yé gáá ˈdeeyche.

Róóma 8:2 ပူးပေါင်းရင်းမြစ်များ

Yuána 4:10

Yíésu min ˈdéé hol ˈdú nie, kieye, Kuun har hé shiicho Waag hí gálaat shigichoká ubaa máá ko geđuo-, ye bie shíish yíéllá onnônyka, kó onnônyka mú heesete, mu ko bíé gálaat luolmít shiguoká shie, Yíésu hí yie.

Yuána 4:14

tá máá bíé yú shuoká ˈjioká hé geđ báre hí ma chiesiny. Bíé yú mú shuoká hát haˈd fefeennokáka, mú hai gaa ija, mú luolmit biiyoká hai shigia, yie.

Yuána 6:63

Hím Naasan Waaˈgieto gálaat luolmít shigicha. Gon hé uˈdoká mán. ˈDeeny yú hí geeyallá he Hím Naasan Waaˈgiet sidhamkícho luolmít shigichoká.

Yuána 8:32

tá hé ˈdúwaká eiy haí naasata, hé ˈdúwa kinaal mé haí fuura, Yíésu hí gáál yie.

Yuána 8:36

Yáá Ínyííllá hí mé fureka, mé furit kinaallá he mé furit ˈdúwaká.

Róóma 16:3

Biríska ubaa Akúla giri nyí hújích Yiesu Kiristo hol ˈgar nanniyyeká ye naa kí yiedhíe.

Róóma 3:27

Aaléka, meete ke ˈgaa, ke hol ki memeye? Gon hé mán. Tá Waag múún gáál gál ˈdúwaká chegetóóllá, he hemuumuríti ke el gaa igire? Híʼi. Hééllá he ˈdaa giri ke Kirísto iiy yieká, in mu gáál gál ˈdúwaká yie.

Róóma 5:21

Gálaat lulle érléká ađaabano ubaa nyuogimmo he gim gaa ije. Tá káána, gál Máá kúnnaa Guđo Yiesu Kirísto iiy yegetká, in Waag hí gál ˈdúwaká chegedhe, Waag hí ˈdúˈjímle gim gaa iđimicha, gaal luolmit biiyoká aargira.

Róóma 6:14

ˈDaa giri itín hí hemuumurit Waag hí gál Yuuˈdi shiicheká hí gim ma gaa iđiny-, hí ˈdúˈjím Waaˈgiet gaa iđoká, hé Waag hí ma fedinyká hai hé hí he gil ki mumuroká yéen.

Róóma 6:18

Aalé káánaka, it ađaabano gim yé gáá ˈdiiyye, it gede Waaˈgiet-, hé ˈdúwa-, Waag hí feˈdoká ekemeyoká chie.

Róóma 6:22

Aalé káána Waag hí ađaabano gim gáá eeyye-, hí Waag gedelle chíéllá, hééllá héllé ˈdúwa-, hí yé gáá ˈdeˈdeenká he giri gál hé Waag hí feˈdoká el gaa igiroká chegete-, el ˈdáˈdle hí luolmit biiyoká higiloká.

Róóma 7:21

Yaalmit chia kinaal hé yú gaa kimiteká, he af giri yú hé midhabká ekemeyoká fedoká, in hé kinaal afle yú hé ˈdeđewká ekemeye.

Róóma 7:23

tá yáá hemuumurit éíy taaka gón chiallá gaa iđo-, ubaa kaschú hol oosó-, ye a mé kí ˈjeˈjeennoká hol ki shuunne. Hé kinaallá he ađaabano hemuumuritle gón chiallá gaa iđóóllá.

Róóma 7:4

Aaléka, nyaaramchú, itín úba af giri hí gón Kiristo hol ˈdú faanne-, hí Kirísto hol ˈgar kuyyeká, it hemuumurit Waag hí gál Yuuˈdi ka shiichééllá gim yé gáá ˈdiiyye. Aalé káánaka, it Kirísto Waag hí loolnoyche-, hí uushich yé gáá ˈdeeycheká gálle chie, giri hé midhab Waag hí feˈdoká saanolle muun gáál yé gáá ˈdeˈdeenká.

Róóma 8:1

Aalé káána ameeny gál Yiesu Kirísto ˈdú fameká, hé Waag hí ma ˈdeđensen.

Korínto Erká 15:45

Warˈgat Waaˈgiet kieye, Áˈdám erkoballá hé máá sidh ˈguoká yie, he chie. Tá Yiesu Kirísto-, ke Áˈdám biiy el ˈdaˈdká yegetallá, he máá uriet-, Hím Naasanle gálaat luolmít shigichoká.

Korínto ki Naamaká 3:17

Aalé Máá kúnnaa Guđóóllá hé Hím Naasanle muun gáál ká shie. Héétí ál Hím Naasan Máá kúnnaa Guđóóllá hí gaa iđoká hé mé furit Waaˈgiet ˈgayyo.

Korínto ki Naamaká 3:6

Nyiin Waago úba nyí he hol af iđinylé kaanáállá hújíchle nímle uritle shiiche. He hol af iđiny kaanáállá hé hemuumurit Móshe hí veereká ˈdaalle ma ki taaliny, Hím Naasan Waaˈgieto ˈdaalle ki taalla. Hemuumurít íín kúfacho gáál mé ki kokoyyo, Hím Naasan Waaˈgiet íín luolmíti gáál yé ˈdú ˈdeđicha.

Galátia 2:19

Hemuumurít ˈdaalleka yáá hemuumurít gim yíé gaa ˈdie, giri yú Waag ˈdaalle ki yaalká.

Galátia 5:1

Kirísto hé muun gáál mé fure, giri ke hemuumurít gim gaa láʼ-, hát Waag hí feˈdoká ke ki ijoká. Aaléka, tág ˈdée, gálaat hai geđ hí hemuumurít mé gimit níiny.

Galátia 6:2

Hol ílsh ˈdú chiichiˈdíe, hí hatallá ˈdiiyyeka, in hí hemurit Kiristo đuusicha.

Yákob 1:25

Tá máá ˈdeeny Waaˈgiet-, ˈdúwa-, gáál mé fufuróóllá súm hát ˈdabaanká taalle eiy nannasat-, tá hé maaleká hí in ma ká baađany-, el gaa igiroká, héllé ekemeyoká Waag haí ˈdú ˈgunnuanna.

Kí Edhesiny 11:11

Aalé kulich seđ tá kúlích éíy taaka mé ˈdáá tikiˈd kinaal hí ˈgiteká, hím niiny luolmiti-, Waag yé gáá ˈdiiyyeká gál naamáál hille, in gaal les gaa kie, lođaat ˈdie, tá gál gáál argeká sierm guđoká hí faanne.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.