Róóma 8:16 - Fayam Midhab Yiesu Kiristoká He Hol Af Iđiny Kaanaká

¹⁶ Hím Naasan Waaˈgiet ubaa sidhamkúnno hát múún gon ke um Waaˈgietká hé gáál geđicho.

Róóma 8:16 ပူးပေါင်းရင်းမြစ်များ

Matááyo 5:9

Gál naanná gálaat hursam gaa sisidhoká hé Waag hí ˈdú ˈjeˈjeenno, gáál um Waaˈgieto gaalí yegedhe.

Lúka 20:36

ubaa hé geđi ma kufuminy. Gaal hát Waag gállé ˈgasso-, urruká hai yeedhe. ˈDaa giri Waag gáál sidham hol ˈdú niiyye-, gáál uushim yiem gáá ˈdeeycheká gaal he um Waaˈgiet.

Yuána 1:12

Tá gál mú ma đíin-, mú iiy yieká lulle íín hé muí ˈduuw gálle um Waaˈgiet yegetká shie.

He Ekeny Gál Alb Fimiká 5:32

Nyíín ubaa Waag Hím Naasanlé giri Waag hí gállé hí met gaa kekeenká shiicheká in nyí hééllá ˈdúúw ˈdú ˈdiiyye, nyí hogoto, gaalí mú yie.

Róóma 8:14

Ameeny gál Hím Naasan Waaˈgiet atimle el gaa igiroká, lúl he um Waaˈgiet.

Róóma 8:19

He lullé Waag hí ka kuonnééllá bár ka chiimeto-, Waag umle ˈduuwasichoká ali kí ˈdeˈdeenká hé tág fedo, met egeso.

Róóma 8:23

Múúni giri Waag gáál Hím Naasanle hé shiicho erkobká kí hoychééllá úba hé ke egedhen, ˈdaab ke he lullé Waag hí umle af iđicheká ma árginy-, Waag gónkúnno kúfach ubaa móˈd ma gáá ríinyká. Hééllá feditle hé tág ke súm ˈguo.

Róóma 8:26

Aalé Hím Naasan Waaˈgieto in muun gáál đalim kúnnaallá yiir gaa chichirata. Hé ˈdúwa ki Waag rogononká hé ke muog, tá Hím Naasan Waaˈgieto dhúrle muun gáál ˈdéé met gaa sisita, buony kúnnaa edhminy-, múún dhúrkúnno ke muogká Waag geđicha.

Róóma 9:26

Hoséya úba hé veereká kieye, Ál Waag hí gáál gaa geeyche-, Waag kieye, Itín it gálchú muuniny, muí gáál yieká, ál kinaal gál hí gaa ijoká Waag haí geđicha, Waag kieye, Itín he um Waag bííyyo ali iđoká, ha muí yegedhe, Hoséya hí yie.

Róóma 9:8

Hééllá kieye, gál ˈbíl íl Abiraayam yé gáá ˈdíéllá ˈbaal tákáma hí um Waaˈgiet. Um Waaˈgiet he gál hé Waag hí gálaat af iđicheká iiy yieká. Gálallá in Waag hí um Abiraayam ˈdúwaká ká dhaˈgasanna.

Korínto ki Naamaká 1:12

Nyiin hé midhab-, nyí ekemeyche-, nyí ki ˈgađasannoká nyáá nyí ˈgayya. Hé kinaallá he húgúm ˈdúwa-, leđuđugulle-, Waaˈgiet nyí lésallá ki iđa-, ke hí hurt ki ijóóllá. Nyiin nyáá nyí ˈdaalim gálaat lesalloká el ma gaa igiriny, nyíín geer guura Waaˈgieto nyí ki iđa, nyí af tatiyya.

Korínto ki Naamaká 1:22

Waag íínííllá hé muun gáál gúíyle guyye, Hím Naasanle gáál gaa iđiche, giri he lullé gáál af iđichééllá hát ˈduuwawká ke ógká.

Korínto ki Naamaká 5:5

Máá muun gáál ka kuone-, gáál gón kaana-, biiyóóllá ka shigúóllá he Waag. Waag íínííllá in gáál Hím Naasanle ká shiiche, giri luolmit biiyo kinaal ke met gaa ógká.

Korínto ki Naamaká 6:18

Yú ˈJaakícho ha yeedhe, itín um chia yaabká ubaa um chia ˈdietká haí cheedhe, Máá Guđo Waag fargogínt lulle ˈguoká hí yie.

Galátia 3:26

Iiy yeen kíchia hí Yiesu Kirísto iiy chieká ˈdaalleka it lulkícho um Waaˈgiet chie.

Galátia 4:6

ˈDaa giri itín hí um Waaˈgiet chieká in Waag Hím Naasan Inyle hí ali ˈdu gáá kaayye. Hím Naasan gáál ger gaa iđo kinaallá, Ába, Baabá, Waag chegedhe.

Eféso 1:13

Itín úba af giri hí ˈdeeny ˈdúwa-, Fayamle Midhab-, hí rubach shíéllá hí maalleká, it Kirísto hol ˈdú faanne. Af giri hí mú iiy chieká Waag hé hí Hím Naasanlé gálle af iđicheká ki guyye. Itín aaléka hí mú gállé.

Eféso 4:30

Haí Hím Naasan Waaˈgiet geer gaa ˈdeđenêny. Waag hé hí Hím Naasanlé kinaallá ki guyye. Aaléka, Hím Naasan Waaˈgiet afo hí hol yíéđianna, ˈjíig kúlích giri Waag hí gálle gaa riannoká đig.

Yuána Erká 3:1

ˈJaa kúnnaa Waag gielmitlé guđo-, he muun gáál gielallá, ebá dhaayyíe! Gielmitééllá ˈdaalle ˈdugaka in Waag muun gáál umle chie. Tá hé kinaallá hé ˈdúwa, muun ke um Waaˈgiet. ˈDaa giri les gálle mú moonnoyká, in úba káána gálaat muun gáál muog.

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.

Yuána Erká 3:2

Sheel chia yú gielallo, muun káána ki um Waaˈgiet. Bár ka chiimetóótíá yaalmit kúnnaa ke kakaatká hátle hé ke muog. Tá Kirísto he hol ká nadheka, hát ke Kirísto yaalmitle kaatká hé ke óg, ˈdaa giri yaalmit muí yaal kinaallá ke il ki argoká.

Yuána Erká 4:13

ˈDaa giri Waag Hím Naasanle gáál ka shiichééllá, in ke hát ki mú gaa ijo-, mu íín úba gáál gaa ijoká ke og.

Yuána Erká 5:10

Máá Iny Waaˈgiet iiy yieká, hé ˈdéé hót ˈdúwáállá hí geer gaa iđo. Tá máá hé Waag hí gáál ka geeychééllá iiy ma yéenká, hé Waag máá hódholléká hoy, ˈdaa giri mu hé Waag hí ˈdaa Inyleka ˈdúúw ˈdú ˈdiiyye-, hí gáál ka geeychééllá iiy ma yéenká.

Kí Edhesiny 21:7

Máá hé lesietká ká adhatká hé yú hogodhóóllá hai aargira, yú mú Waagle hai yeedhe, mu íín veelchú hai yeedhe.