Róóma 8:1 - Fayam Midhab Yiesu Kiristoká He Hol Af Iđiny Kaanaká

¹ Aalé káána ameeny gál Yiesu Kirísto ˈdú fameká, hé Waag hí ma ˈdeđensen.

Róóma 8:1 ပူးပေါင်းရင်းမြစ်များ

Yuána 14:20

Kúlích kinaallá hát yú ˈJaachú gaa ijo-, itín hí ye gaa iđa-, tá yú hí gaa ijoká eiy haí naasata.

Yuána 15:4

Ye gaa yíéđía, yú hí gaa yíéđia. Kolmit hé tákámle ma higisiny, ˈgórle ki taalka, in higita. Itín hí ye ma ki ˈgiinyka, it ma higisiny.

Yuána 5:24

Yú hí hé ˈdúwaká geeye, máá ˈdeenychú maalo-, Máá ye ali gáá kaayká iiy yeetká, hé luolmit biiyoká ˈguo, mú álle hé ˈdéé ki iđiny mán. Máá kinaallá kisso kúfach yé gaa ˈdie, luolmít hile.

Róóma 16:3

Biríska ubaa Akúla giri nyí hújích Yiesu Kiristo hol ˈgar nanniyyeká ye naa kí yiedhíe.

Róóma 16:7

Andoroníkos ubaa Yóóniya giri nyaaram chia Yuuˈdi-, gaalí nyí hol ˈgar hiigidheká ye naa kí yiedhíe. Gálallá he gál ye met Kirísto iiy yie-, gál alb fimiká hí súm ógká.

Róóma 5:1

Aaléka, ˈdaa giri ke Yíésu iiy yie-, Waag innumleka muun gáál gál ˈdúwaká chíélláka, muun káána hé ke Waag hol naanná ki ijo. Naanna kinaallá Máá kúnnaa Guđo Yiesu Kirísto ˈdaallé he ká naate.

Róóma 5:16

Ađaab mú tikiˈd hí hilééllá héllé hí yé gáá ˈdieká ubaa hé shiicho Waaˈgietallá héllé hí yé gáá ˈdieká hol ká eiyye. Áˈdam hemurít ˈdeenenyle in gálaat lulle Waag hí gál ađaabano ubaa nyuogim ˈguoká chie. Tá hé shiicho Waag hí gáál ka shiiche-, ke ˈgúóllá in muun gáál gál ˈdúwaká chegedhe. Hé kinaal har úba káána ke ađaabano ubaa nyuogim burnayká hileka.

Róóma 7:17

Aalé hé ˈdeđew-, yú ekemeyóóllá hé yú dhúrchú hí ma ká mumuran, he ađaabano ye gaa iđóóllá hí ye mé ki kokoyyo.

Róóma 7:20

Aalé har hé yú ma fedinyká yú ekemeyoka, yáá hé kinaallá dhúrchú hol ma kí mumuran, he ađaabano ye gaa iđoká hí ye mé ki kokoyyo.

Róóma 8:11

Aaléka, Hím Naasan Waaˈgiet Yíésu uushich yé gáá ˈdeeychééllá hé hí gaa iđo. Hát káána Yiesu Kirísto Waag hí geđi loolnoyche-, hí uushich yé gáá ˈdeeychééllá, gón kíchia kufunannóóllá úba mú Hím Naasanlé hí gaa iđóóllá ha muí ki loolnoyo.

Róóma 8:14

Ameeny gál Hím Naasan Waaˈgiet atimle el gaa igiroká, lúl he um Waaˈgiet.

Róóma 8:2

Aalé itín ˈdaa Yiesu Kiristoka, fargogint Hím Naasan Waaˈgiet hí luolmít shigichóóllá hé fargogint ađaabano hí kúfach mé ki kokoyyoká hé hí gim yé gáá ˈdeeyche.

Róóma 8:34

Máá muun gáál innum Waaˈgiet gaa ˈdeđensetká he mááya? Hé mán. Muun Yiesu Kirísto tikiˈde-, gáál ˈdú kufe-, Waag hí geđi loolnoyche-, hí uushich yé gáá ˈdeeyche-, káána Waag gíl ˈdaa naaniet ijóóllá, in múún gáál ˈdéé ˈdú hogodho.

Róóma 8:39

úr gaa iđoká yíekaʼ, les geeréétí gaa iđoká yíekaʼ, héétí he met lullé Waag hí ka kuonnééllá hé hát níínní gielmit Waag hí muun gáál ka ˈgayyo-, ke ˈdaa Kiristo gaa argééllá gáál gaa ˈgiidhuoká mán.

Róóma 8:4

Aalé múúni káána ke Hím Naasan Waaˈgiet atimle el gaa igiro-, ke balt gónkúnno el ma gaa igirinyallá, in hemuumurit Waaˈgiet héllé gáál gaa feˈdoká ki đuusinyle ura.

Róóma 8:9

Tá itín har Hím Naasan Waaˈgiet hí gaa iđoka, it balt gonniet hí he ma ki mumuriny, Hím Naasan Waaˈgieto hí he ki mumuˈda. Máádhat Hím Naasan Kiristo manítaka, hé Kirísto hí ma lileny.

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto Erká 15:22

Gálaat lulle ˈdaa giri Áˈdam yé gáá ˈdieká in kufach hí igira. Hát tikiˈdééllá ameeny gál lúl Kirísto hol ˈdú fafaanká kufeka, Waag geđi haí logolnoycho.

Korínto ki Naamaká 12:2

Yú yáá máá Kiristo-, warram tomon tikiˈde a afur beeyéétíá Waag hí ur ki seđeká ˈdú eeteká óg. Máá kinaallá Waag hí egeeteká, gónle ˈgabka, gónle mannabka, yáá muog, Waago hí og.

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Galátia 3:13

Múúni ke hemuumurít lulle hát ˈdabaanká el ma gaa igíriny-, ke ˈdór ˈgieká Kirísto hé gáál ˈdór kinaallá gaa eey. Mú gaalí ˈgór đarám yaalká ˈdú ˈdoyká mu hé ˈdór kúnnaa kinaallá luut kaadhdhe. Warˈgat Waaˈgiet hát chieká kieye, A meeny máá gaalí ˈgór ˈdú ˈdoyká ˈdórro he ˈgaa, he chie.

Galátia 3:26

Iiy yeen kíchia hí Yiesu Kirísto iiy chieká ˈdaalleka it lulkícho um Waaˈgiet chie.

Galátia 3:28

Itín it hol eiy ma nanniny, hí kieye, Máállá máá Yuuˈdi, máállá máá Hellen, máállá he gedech, máállá he máá ˈdúwaká, máállá he máá yáb, máállá he máá ˈdedhit, ma chegen. Itín lulkícho ˈdaa Yiesu Kiristoka hí tikiˈde.

Galátia 5:16

Aaléka, yú hí geeye, Hím Naasan Waaˈgiet ki seesemíe, hát kinaallá in hí balt goniet gaa nyakaridheká gaa faaganata.

Galátia 5:25

Hím Naasan Waaˈgiet gáál luolmít shigichóóllá taalle kí ki seeseen.

Eféso 1:1

Yú he Báulo, máá Waag hát hí ki feˈdeká, hí máá ali gaa kaany-, Yiesu Kiristoká hoycheká. Warˈgatééllá it Waaˈgiet, hí Eféso gaa iđa-, hí Kirísto iiy chie-, hí mú hát ˈdabaanká el gaa igiˈdaká, yú hí ˈdu gáá verene.

Filíbi 3:9

mú nyí hol liiletká. ˈDuuw yú ˈguoká hai ˈduuw máálle nyatalaam el gaa igiroká onnôny, hí ˈduuw Waag hí máá Kirísto iiy yegetká shigichoká onnoyyo. ˈDuuw hatallóóllá Waago yé gáá ˈdeˈdeme, máá hí ˈguoká he máá Kirísto iiy yieká.