Róóma 7:7 - Fayam Midhab Yiesu Kiristoká He Hol Af Iđiny Kaanaká

⁷ Aalé háte ke yeedhe? Hemuumurít káána he ađáábo ke yeedhe? Híʼi, hemuumurít gon hé ađááb muuniny. Biiy héle hemuumurít mannânyka, yáá onnônyka hé Waag hí ma fedinyká ma kiimísan. Hát káána hemurit kieye, ha hé gálaat gajaltle ˈgíiny, chieká mannânyka, yáá onnônyka gajált hát Waag hí ma fedinyká eiy ma náásan.

Róóma 7:7 ပူးပေါင်းရင်းမြစ်များ

Matááyo 5:28

Tá yú íín hí geeye, máá min eiy hí il hergisato-, min baltle ˈguoká, gon hát máá minle ˈdú buraay.

Lúka 12:15

Aalé Yíésu gáál geey, kieye, Hol ˈdeeˈdemíe, hol gajált ka ridhdhíe. Máádhat sídhle hé aanylé burnay muí ˈguoká ma gaa iđiny, Yíésu hí gáál yie.

Lúka 20:16

Mu hai ká yiimedhe, gál kinaal af hai ki beđita, les gál eiy af hai iđimia. Yíésu hí gáál yie. Gálaat ˈdeenyéél maaleká, kieye, Hé kinaal Waag hí điito! yie.

He Ekeny Gál Alb Fimiká 20:33

Yú yáá máá níínní bírelle ubaa đafaraamle ílle ˈgieká mán.

Róóma 13:9

Hemuumurit hát káána kieye, Haí hol ˈdú burúminy, Ha máádhat chíésiny, Ha buráany, Ha máádhat hélle gajaltle ˈgíiny, héétí hemuumurit éíy taaka úba Waag hí muˈdeká lulle hemurit giri kieye, Máá olkú hát kúún hol gielallá úba géélneb, chieká he geer gaa iđa.

Róóma 3:20

Aaléka, hé máá níínní innum Waaˈgietka hemuumurít ki yaalitle ˈdaalleka Waag hí máá ˈdúwaká chegetoká mán. Hemuumurít gálaato hát saas ˈguoká he gáál ká aargisicha.

Róóma 3:5

Tá kálmaréel máádhat kieye, Ađaabano kúnnaa ke higilóóllá hé gáál midhant Waaˈgiet aargisuo, tá Waag har múún gáál he il ká aargisichoka, af kinaalka Waag hé ˈdeew, yieka, tá múún háte ke yeedhe? Hééllá hé gáál ˈbaal hí taawuoká yú hogodho.

Róóma 4:1

Aaléka, eshi eshim kúnnaa gál kúnnaa Yuuˈdííllá hí yé gáá ˈdie-, Abirááyam lééllá ˈdaalleka, kor háteeye?

Róóma 4:15

Hemuumurít ˈdeeneny in máádhat idho Waaˈgiet ubaa he il ká argisinyle gim gaa iđimicha. Tá hemuumurít mannânyka, af kinaalka biiy hé hemuumurít ˈdeeneny mán.

Róóma 5:20

Waag hemuumuritle af giri les ká hileká, in gálaat ađaabanolle ubaa nyuogimle ilshandhe. Tá ađaabano ubaa nyuogim ilshandheká, in Waag ˈdúˈjímle úba súm ilshante.

Róóma 6:15

Aalé háte ke ˈdeeme? ˈDaa giri muun hemuumurit Waag hí gál Yuuˈdi shiicheká ke gim gaa láʼ-, ki ˈdúˈjím Waaˈgiet gaa ijóóllá, he in taalle ađaabano ke higila? Hé kinaal Waag hí điito!

Róóma 7:11

Hemuumuritééllá ííni ađááb kar shiiche, ađááb ye nyimisate, ye hemuumurít ki chies.

Róóma 7:13

Aaléka, hemuumurit midhaballá, in hé ye kúfach mé ki kokoyyokâ? Híʼi, hé gon hát kinaallá muuniny. Ađáábo in ye kúfach mé ki koyye, ye hemuumurit midhaballá ki chies. Aalé ˈdaa giri ađááb ye hemuumurit midhaballá ki chieská in káána ađááb hát tág ˈdeewká ke eiy naate.

Róóma 7:5

Muun af giri yaalmit kúnnaa hele-, ke ki ijeká gónkúnno balt gaa nyakaridheká hí gaa iđe. Hemuumuritééllá in súm baltééllá gáál gaa verenne, giri hé ˈdeđew-, Waag hí ma fedinyká saanolle muun gáál yé gáá ˈdeˈdeme-, gáál kúfach mé ki kokoyká.

Róóma 7:8

Tá hemurit kinaallá in ađááb kar shiiche, ađááb he met lulle gajaltle ye mé ki koyye. Biiy hemuumurít mannânyka, ađaabano hé onnônyka farguoginsam mannay.

Korínto Erká 15:56

Kufach fargogintlé gálaat innum ˈdéént ˈdú iđimicheká nyuogim ubaa ađaabano he yé gáá ˈdeˈdeme. Nyuogim ubaa ađaabano íín fargogintle hemuumuríti he yé gáá ˈdeˈdeme.

Eféso 5:3

Herginy gorramká ubaa babát, tá gajált haí ˈgíiny, hemitle hé níínni úba haí yé gáá ˈdíiny, ˈdaa giri hé hatallóóllá gál Waag hí waarateká yaalmitle muuninyká.

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Dhesaloníke Erká 4:5

Héétí balt ˈdeew-, gál Waag muogallá hí gaa seseenallá úba hí ma gaa seseminyká.

Héberew 7:19

Hemuumurit kinaallá hé hé níínní hát ˈdabaanká đuđusicheká mán. Aalé káánaka, ˈgíérích éíy taaka-, ˈgíérích kisso kinaal súm ˈdú ˈdúwa-, ke iiy yegetká hé Waag hí muun gáál ka shiiche. ˈGíéríchallá in muun gáál Waag kí ˈjoobonoyo.