Róóma 7:5 - Fayam Midhab Yiesu Kiristoká He Hol Af Iđiny Kaanaká

⁵ Muun af giri yaalmit kúnnaa hele-, ke ki ijeká gónkúnno balt gaa nyakaridheká hí gaa iđe. Hemuumuritééllá in súm baltééllá gáál gaa verenne, giri hé ˈdeđew-, Waag hí ma fedinyká saanolle muun gáál yé gáá ˈdeˈdeme-, gáál kúfach mé ki kokoyká.

Róóma 7:5 ပူးပေါင်းရင်းမြစ်များ

Matááyo 15:19

Hé máádhat a geer yé gáá ˈdeˈdeenká he tawuny ˈdeewká, máádhat oosó, hol ˈdú herginy, hol buraa, héétí buraa ubaa hódho, tá máádhat méé ˈdeeneny.

Yuána 3:6

Máádhat íín máádháto hí ˈdale. Máá veel Waaˈgiet yieká íín Hím Naasan Waaˈgieto hí ˈdalle.

Róóma 1:26

Gáál Waag hanylééllá, in Waag gáál babat kern mantiká ˈdú hayche. Gáál gállé ˈdietká hé herginy aađaká gíl sug ki hay, íín tákámle hol heergime.

Róóma 3:20

Aaléka, hé máá níínní innum Waaˈgietka hemuumurít ki yaalitle ˈdaalleka Waag hí máá ˈdúwaká chegetoká mán. Hemuumurít gálaato hát saas ˈguoká he gáál ká aargisicha.

Róóma 4:15

Hemuumurít ˈdeeneny in máádhat idho Waaˈgiet ubaa he il ká argisinyle gim gaa iđimicha. Tá hemuumurít mannânyka, af kinaalka biiy hé hemuumurít ˈdeeneny mán.

Róóma 5:20

Waag hemuumuritle af giri les ká hileká, in gálaat ađaabanolle ubaa nyuogimle ilshandhe. Tá ađaabano ubaa nyuogim ilshandheká, in Waag ˈdúˈjímle úba súm ilshante.

Róóma 6:13

Héétí haí gónkícho hé gaa nyakarichká ˈdú hâny, hí hé ˈdeđewká ekêny. ˈDaa giri yaalmit kíchia kissoká kuyye-, Waag hí luolmit kaanaká shiichééllá hol Waag ˈdú hayyíe, gónkícho hí hé ˈdúwa-, Waag ˈdúúw shiguoká yeet.

Róóma 6:19

Yú hí af gálaat ki geđúóllá, he ˈdaa giri tawunykícho tawuny gálaatká. Itín kíssóótíá it metkícho ki seseenne, hé gaa nyakarichká gedelle chie, it ađaabano hí ki fiidhe. Aalé káánaka gede Waaˈgiet hé ˈdúwaká ekemeyo-, saas mánká yeedhíe.

Róóma 6:21

Tá hé hí af kinaallá ekeyche-, káána kernle hí ˈgidhééllá, meete ˈdúwa hí gaa argiyye? Yaalmisano kinaallá el ˈdáˈdle hé kúfach muunîny?

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Róóma 7:23

tá yáá hemuumurit éíy taaka gón chiallá gaa iđo-, ubaa kaschú hol oosó-, ye a mé kí ˈjeˈjeennoká hol ki shuunne. Hé kinaallá he ađaabano hemuumuritle gón chiallá gaa iđóóllá.

Korínto Erká 15:56

Kufach fargogintlé gálaat innum ˈdéént ˈdú iđimicheká nyuogim ubaa ađaabano he yé gáá ˈdeˈdeme. Nyuogim ubaa ađaabano íín fargogintle hemuumuríti he yé gáá ˈdeˈdeme.

Korínto ki Naamaká 10:3

Har úba káána nyí les gaa iđoka, oos kínyia nyí hol chegesallá hé oos lesalloká muuniny.

Galátia 3:10

Gál kieye, Hemuumurít el gaa igiritle he ˈgíérích muun innum Waaˈgietka ke ki gál ˈdúwaká hol yegetká, ˈdórro he ˈgaa, ˈdaa giri hé Warˈgat Waaˈgiet hí hote-, kieye, A meeny máádhat he lullé Warˈgat Hemuumuritiká gaa ijoká el ma gaa igirinyká ˈdórro he ˈgaa, chieká.

Galátia 5:24

Gál Yiesu Kirísto hí lééllá hé balt gaa nyakaridhe-, hí gónle gaa iđeká ˈgór đarám yaalká ˈdú reey.

Eféso 2:11

It halúg gál gál Yuuˈdi muuninyká hí ˈdalóóllá, gál Yuuˈdi hol gál hermisatká yegetallá itín gál ma hermisanká hí yegedhe. Hermisan yú hogodhóóllá he hermisan gálle gaalí tudaam gaa mumuroká. Aaléka, onnóo! Itín érléká it Kirísto hol ma lilêny, it úba gál hí gál Yuuˈdi yegieká mán. Af iđiny Waag hí gálle af iđicheká it úba gaa lalayye. Lésallá hí gaa iđe, kor it Waag moonnoyye, it úba hé midhab hí táb ˈdoˈdoote-, hí met egeteká mán.

Eféso 2:3

Múún lulkúnno érléká yaalmit tikiˈde gal kinaallóóllá ke ki ije, giri gónkúnno baltle ki geymisie-, he feditle ubaa kasle ki el gaa igireká. Hát tikiˈde Waag gál hí af đuˈdusanká ˈdú iiđidhanno-, gáál bár ˈdaatika he il ka aargisichóóllá, hé úba érléká idhokúnno ˈgayye.

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Títo 3:3

Muun úba héle kíssóótí he gál đées-, metle ki seseme-, hé lesalloká hí nyiimite-, bált met lulle ˈgar kirmite-, hé ˈdeđewká gaa seseme-, hinááf ˈgie-, gálaat hí nebeney-, íín úba hol nebeneyká.

Yákob 1:15

He feditééllá in seenne, he ekeny ˈdeewká ˈdaalla. Tá he ekeny ˈdeewká máádhat ˈgaaˈgaateka, đo kúfach hai ˈdalle.

Yákob 4:1

Hurt kíchiallá oosom ubaa hol ídho meete hí yé ká ˈdeđia? Hé kinaal hé he fedit gónkícho hí ká lalaanal yé ma gáá ˈdeˈdemîny?

Yuána Erká 3:4

Ameeny máá hé ˈdeđewká ekemeyoká úba hemuumurit Waaˈgieto he ˈdeđeneye. Hé ˈdeđewká eekemeny, he hemuumurit Waaˈgiet ˈdeeneny.