Róóma 7:4 - Fayam Midhab Yiesu Kiristoká He Hol Af Iđiny Kaanaká

⁴ Aaléka, nyaaramchú, itín úba af giri hí gón Kiristo hol ˈdú faanne-, hí Kirísto hol ˈgar kuyyeká, it hemuumurit Waag hí gál Yuuˈdi ka shiichééllá gim yé gáá ˈdiiyye. Aalé káánaka, it Kirísto Waag hí loolnoyche-, hí uushich yé gáá ˈdeeycheká gálle chie, giri hé midhab Waag hí feˈdoká saanolle muun gáál yé gáá ˈdeˈdeenká.

Róóma 7:4 ပူးပေါင်းရင်းမြစ်များ

Matááyo 26:26

Aalé gaal hátlé golmoteká, Yíésu balashá eedhdhe, Waag gielmít hol ˈdú nie, balashá eiy ˈgieˈgie, lalille shie, kieye, Balasháállá eedhdhíe, kóo, hééllá he gónchú, yie.

Márko 4:20

Yaalmit gáál ˈdáá tikiˈd hí ˈdeeny Waaˈgiet ki mamaloká he hát ár máá les fafuoká hí máál álle gaa fieká. Gál kinaallá ˈdeeny Waaˈgiet maaleka ˈdéé iiy hai yie. ˈDee gáál hát ˈdabaanká ger hileka gaal đo hát ˈguom hát ˈdabaanká hite-, ˈguom mé tikiˈd hí tomon seđe-, mé tikiˈd hí tomon le-, mé tikiˈd hí kúˈdká hai yie, Yíésu hí yie.

Yuána 15:8

Itin saano burnayká hí gáá higisso-, hí lalichú ká iđaka, hé kinaallá in ˈJaachú ˈdúúw shigia.

Yuána 3:29

Máádhat ini egeetka, shééléchlé hí met egesse, hí af nee kokodhdho. Máá egeetká shééléchle hí af maaleka, shééléchle đo geer súm haí gaa meedhe. Yú úba yáá tág geer ye gaa meedhe.

Yuána 6:51

Yú he ˈguom luolmiti-, úr gáá chimieká. Máá ˈguomééllá kuoká taalle bííyyo ali he ija. ˈGuomééllá he gón chia yú suor hođuo-, les gálle hí luolmít ki aargiroká, Yíésu hí gáál yie.

Róóma 6:11

Aalé hát hí ađaabano farguoginsamle gim yé gáá ˈdiiyye-, luolmit kíchia hí ˈdaa Yiesu Kiristo ka ˈgayyáállá, hí Waag ki ˈduuwaychoká mé ka ˈgáa.

Róóma 6:14

ˈDaa giri itín hí hemuumurit Waag hí gál Yuuˈdi shiicheká hí gim ma gaa iđiny-, hí ˈdúˈjím Waaˈgiet gaa iđoká, hé Waag hí ma fedinyká hai hé hí he gil ki mumuroká yéen.

Róóma 6:2

Hé kinaal Waag hí điito! Múúni ki ađaabano gim yé gáá ˈdíéllá, háteeye geđi ki ađaabano hátle gim gaa ija?

Róóma 6:22

Aalé káána Waag hí ađaabano gim gáá eeyye-, hí Waag gedelle chíéllá, hééllá héllé ˈdúwa-, hí yé gáá ˈdeˈdeenká he giri gál hé Waag hí feˈdoká el gaa igiroká chegete-, el ˈdáˈdle hí luolmit biiyoká higiloká.

Róóma 7:3

Aaléka, min hátlé bélle mé waanich hí ˈdaraanká eetká, min kinaallá béllé he ˈdú hergiche, gaalí yeedhe. Tá bélle guraam hí guure-, máá eiy hí eedhdheka, af kinaalka hé hemurít hí ˈgas ma egeny, bééllo ˈdú hergiche, hé máá hí yegetká mán.

Róóma 7:6

Aalé ˈdaa giri ke hemuumurit gáál hiigitééllá gim yé gáá ˈdie-, hemuumurít geđi muun gáál he ma ki mumurinyallá, muun káána ke gede Waaˈgiet-, iđiny kaanaká ki ijo-, Hím Naasan Waaˈgiet hí gaa iđo-, hí af tatiyyoká. Iđiny kúnnaa kaanáállá hé hát iđiny héle ke ki ije-, múúnalle ke hemuumurit gaalí veerééllá gim gaa ijeká muuniny.

Róóma 8:2

Aalé itín ˈdaa Yiesu Kiristoka, fargogint Hím Naasan Waaˈgiet hí luolmít shigichóóllá hé fargogint ađaabano hí kúfach mé ki kokoyyoká hé hí gim yé gáá ˈdeeyche.

Korínto Erká 10:16

Af giri Máá kúnnaa Guđoká gólólleka kulu ke he gaa igian-, ke Waag gielmít hol ˈdú nannuoká, muun hé ke fás Kiristo gálle má yéen? Héétí, ke balashá eiy ˈgieˈguo-, ke kokuoká, hé ke gón Kiristo gálle ma yéen?

Korínto ki Naamaká 11:2

Yú hinaaf Waag hí ˈdaakícho ka ˈgayyoká úba ˈgaa. Itín hát ini ˈdúwa-, yú máádhat đarm kí sidheká. Máá yú hí đarm kí sidhe kinaallá he Kirísto.

Galátia 3:13

Múúni ke hemuumurít lulle hát ˈdabaanká el ma gaa igíriny-, ke ˈdór ˈgieká Kirísto hé gáál ˈdór kinaallá gaa eey. Mú gaalí ˈgór đarám yaalká ˈdú ˈdoyká mu hé ˈdór kúnnaa kinaallá luut kaadhdhe. Warˈgat Waaˈgiet hát chieká kieye, A meeny máá gaalí ˈgór ˈdú ˈdoyká ˈdórro he ˈgaa, he chie.

Galátia 5:18

Tá Hím Naasan Waaˈgiet atimle hí el gaa igiˈdaka, af kinaalka hemuumurít gim gaa iđinyle meete hí le?

Eféso 2:15

Mu hé hemuumurít ubaa nyatalaam gál Yuuˈdi-, gáál hol nebesicheká kúfáchle úba ali ki koy. Mu hééllá ekeyallá, he giri gál met hí naama-, hol ka kídh onnoyká mú ˈdaalleka, hol ˈdú fafaan-, gaal tikiˈd yegetká. Mu hatallá in gáál hol shimít ki mure.

Filíbi 1:11

Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Filíbi 4:17

Tá yáá íín hí hé shiicho ma gaa ˈgeˈgen, hé yú fedoká he giri gil kíchia hí eiy lalaannóóllá ˈdugaka hé shiicho Waag hí itín úr gáá shigichoká hegeroká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 1:22

Tá káánaka, ˈdaa Kirísto hí gón hát gón kúnnaallá kaadhdhe-, kuféélláka, it ubaa Waag hol hille, giri Waag innumleka hí saas ubaa ˈdeensen ˈdaabiyyoká.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Kolosááya 2:14

Hemuumurit múún ke ˈdeeđeneyká ˈdeensenle veeritle Waag hí ali gaa shugudiche, hí eete, hí ˈgór đarám yaalká ˈdug ˈdú ˈdoyye.

Kolosááya 2:20

Itín in hí húgúm lesalloká gíl sug ki hayche, hí Kirísto hol ˈgar kuyye háluke, tá háteka hátle hí gál nyatalaam lesalloká gim gaa ijoká ka iđáal?

Héberew 10:10

Aaléka, hát Waag hí feˈdeká in Kirísto hol sillie, mu gónle suor hoy, suor kinaal hát a tikiˈdeká muun gáál saas ˈdabsiche, gáál Waag gálle hoyche.

Bétiro Erká 2:24

Hé múún ki Waag ki ˈdeeđeneyká ˈdeentle mu ííni hí luut kaadhdhe, hí ˈgór đarám yaalká ˈdú eedhdhe, giri múún ki ađaabanokúnno ma gaa iđiny-, ke hát Waag hí feˈdoká yíéđianká. Aaléka, mú lilolle hé hí fayansie.

Kí Edhesiny 19:7

ˈDaa giri kúlích Eliny hí gaa egeetká ali kí ˈdiiyye-, mu inillé egeetká tág ká ˈdiiyyeká, kí geyyuo, ger hí gáál gaa meet, kí mú ˈdúúw shuo.

Kí Edhesiny 21:9

Aalé gál ˈgasso-, urru-, tiiya-, giri kedm tiiya-, hé biiy el ˈdaˈd-, tiiya-, hé gálaat ki ˈdeewká hí koch kochká ˈgieká mú tikiˈd ye ˈdu gáá yimie, ye geey, kieye, Káde, yú ko ini giri Élíny minle chegetká ká argisia, ye yie.