Róóma 7:15 - Fayam Midhab Yiesu Kiristoká He Hol Af Iđiny Kaanaká

¹⁵ Hé yú ekemeyóóllá yáá af ˈdabe. Yú máá máre? Yáá hé midhab-, onnônyka ekemeyoká ma ekemeny-, hé néb-, onnônyka ma ekemenyká ekemeyóol!

Róóma 7:15 ပူးပေါင်းရင်းမြစ်များ

Lúka 11:48

Aalé it hé eshim eshimkícho hí eekemey kinaal iiy chie, hol af gáá maalle. Hééllá he ˈdaa giri eshim eshimkícho gál Waag hí ˈdeem ka shigicheká yies-, tá gál kinaal uushimle itín hí ˈdiˈditaká.

Yuána 15:15

Yáá geđi hí géde ma yegen, ˈdaa giri gedech máállé hí hoteká héllé ekemeyoká muogká. Yáá káána hí sheelchú yie, ˈdaa giri he lullé yú ˈJaachú gaa maaleká, yú hí geeyká.

Róóma 12:9

Gielmitkícho hí gielmit ˈdúwaká onnoyyo. Hé gaa nyakarichká nebedhíe, hé ˈdabaan-, Waag hí feˈdoká ki kuongʼoˈdíe.

Róóma 14:22

Yaalmisanóóllá héllé iiy chie-, midhab-, geer ki sisitoká kúún ubaa Waag hol ki onnóo. Máá héllé geer ki sisidhoká hát midhabká óg-, hol ma ˈdú ˈdeđensenká, ebá Waag hí ˈdú ˈjiiy!

Róóma 7:16

Aaléka hé yú ma fediny-, onnônyka yú ma ekemenyká yú ekemeyoka, af kinaalka hemuumurít hát taglé-, yú íín he ˈdeeneyká yáá iiy yie.

Galátia 5:17

Balt goniet gaa nyakaridhééllá hé hé Hím Naasan Waaˈgiet hí feˈdoká muuniny. Hím Naasan Waaˈgiet héllé feˈdoká ubaa balt goniet gaa nyakaridheká héllé feˈdoká hol ká eiyye. Hím Naasan Waaˈgiet ubaa balt goniet gaa nyakaridheká íín hol oosó. Yaalmit kinaallá in álká hé midhab onnônyka itín hí feˈdo-, hí ekemeychoká hí ma ekemeny.

Tímote ki Naamaká 2:19

Tá Waag ˈduuwle állé he taalla, hát ár ˈbíl hurt gaa yaal-, ma niinginy-, ˈdugle gaalí ˈdéé hót kieye, Máá Guđo Waag gál he léká hé óg, héétí, Ameeny máá Máá Guđo Waag vivisatká hí ađaabanolle hayo, chieká, gaa veereká.

Héberew 1:9

Kó he ekeny ˈdúwaká giel, he ekeny gaa nyakaridheká néb. Aaléka, Waag giri Waagkúká hé ko sáláb ko geer gaa memeychoká mé ki liiyye, hé ko sheelkú ˈdú ˈduwayche, he chie.

Yákob 3:2

Múún lulkúnno hát burnayká ki he ˈdeđeneye. Máá kálta af ma koˈdosîny-, erelle aadh lulle mé raraatká, he máá súm hiray-, gónle lulle mé ki yaalká.

Yúúa 1:23

Gáál ˈjiet biiyoká af gáá saasaráa. Gáál ˈbaal hí geer guurá aargisichoká hol ˈgas met ˈdeeˈdemíe, gáál ađaabanolle hát sharim muˈgay-, ki ˈdug ma ˈdú chichiranká ka nebedhíe.