Róóma 7:14 - Fayam Midhab Yiesu Kiristoká He Hol Af Iđiny Kaanaká

¹⁴ Hemuumuritééllá hát Waag yé gáá ˈdiiyyeká hé ki óg. Tá kálmaréélka yú yaalmit chia héle kissoká hátle ki íđinyka, af kinaalka yaalmitchú hééllá: yú he ađááb gédéchlé.

Róóma 7:14 ပူးပေါင်းရင်းမြစ်များ

Matááyo 16:23

Yíésu Bétiro gaa dhaay, kieye, Sátan, ye innum gaa sí! Kuun he mé ilchú. Tawuny ˈgayyóóllá hé tawuny Waaˈgiet muuniny, tawuny gálaat, Yíésú hí mú yie.

Matááyo 18:25

Aalé ˈdaa giri gédéch kinaal êw ˈdáb kinaalloká hin ma urinyká, máá kansichká đo ˈdéé mure, giri gedech ubaa minle, tá umle, tá héllé lulle ˈguoká gaalí hím ˈdaraan-, êw yíé ˈdeennoká.

Matááyo 5:22

Tá yú íín hí geeye, máá nyárle ˈdú idhanoká hé ˈdéé ki iđiny hí met egeto. Máá nyárle chaaro-, kieye, Kó đeechal, yeetká, hé ˈdéé ki iđiny Waaˈgiet hí met egeto. Tá máá nyárle chaaro-, kieye, Kó ˈdúúw mánnal, yeetká hí ˈjiet biiyoká met gaa onnow.

Matááyo 5:28

Tá yú íín hí geeye, máá min eiy hí il hergisato-, min baltle ˈguoká, gon hát máá minle ˈdú buraay.

Lúka 5:8

Símon giri Bétiro léká héél argeká, Yíésu ˈgas met les gaa ˈdoy, kieye, Máá Guđo, yú he máá hemuumurit Waaˈgiet ˈdeđeneyoká. Yaash, sí, mú yie.

Lúka 7:6

Aalé Yíésu gáál hol eedhdhe. Mu é kí ˈjobondheká máá yuoy kúˈd mé ki yiel kinaal sheelle Yíésu ali ˈdú fie, giri gaal héél Yíésu geđuo-, kieye, Máá Guđo, ha hállééllá hol héf kí chíésiny. Yú yáá máá ˈdúwa-, ˈbílle kuun hí ká higilloká muuniny.

Róóma 3:9

Aaléka, múúni ki gál Yuuˈdííllá, Waag innumleka, hé ke gálaat ˈdú ˈdúwa, ke hol yegedhe? Híʼi, he hé hát kinaallá muuniny. Hé ke hí geeyká kieye, gálaat lulle, gál Yuuˈdi yíekaʼ, gál gál Yuuˈdi muuninyká yíekaʼ, lulle ađaabano he gim gaa ija, muunîny?

Róóma 6:6

Aaléka, hééllá onnóo, muun yaalmit kúnnaa kisso-, ke ki ijeká hé ubaa Kirísto ˈgór đarám yaalká ˈdú kufe, giri muun balt gonniet fargogintle ke gim yé gáá ˈdeˈdeen-, ke geđi ađaabano gim ma gaa iđinyká.

Róóma 7:18

Hát hé níínní midhab-, ye gaa ijo-, mánká yáá óg. Yú hé ˈdúwaká ekemeyoká fede, kor fargogint hé kinaal ki ekemeyoká yáá mán.

Galátia 4:3

Múún úba hát tikiˈdééllá ke ije, af giri ke Kirísto moonnoyká muun hát ke um nigini-, nyatalaam lesalloká hí gedelle hoteká.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Héberew 4:12

Aalé ˈdeeny Waaˈgiet he ˈdeeny luolmiti-, fargogínt ˈguo-, faaˈd ˈdinnam hullaalle gáá alléká ˈdú alléká. Hát faaˈd laf hol af eiy gaa okodmicho-, ubaa hát faaˈd lafit muˈdeka ˈdiiny ˈdú ˈjeˈjeennokáka, ˈdeeny Waaˈgiet máádháto geer higila, mú tawunyle ubaa mu héllé geer ka ˈguoká og. Héétí mu héllé he geer ka ˈguo-, fedoká har hé Hím Naasan Waaˈgiet hí fedoká kátaka he eiy nannaa.