Róóma 6:22 - Fayam Midhab Yiesu Kiristoká He Hol Af Iđiny Kaanaká

²² Aalé káána Waag hí ađaabano gim gáá eeyye-, hí Waag gedelle chíéllá, hééllá héllé ˈdúwa-, hí yé gáá ˈdeˈdeenká he giri gál hé Waag hí feˈdoká el gaa igiroká chegete-, el ˈdáˈdle hí luolmit biiyoká higiloká.

Róóma 6:22 ပူးပေါင်းရင်းမြစ်များ

Matááyo 13:40

Ísh gaalí met hol ki higidho-, gaalí ˈjiet gaa verenóóllá, hé kinaallá yaalmit Waag hí kúlích biiy el ˈdaˈdká gál ađaabano ˈguoká ki ekemeychoká.

Matááyo 13:43

Gál giri Waag gálléká ˈJaa kúnnaa Waag Guchle hai gaa yíéđima, hát aadhka hai ˈjiimiˈda. Máá nee ˈguoká hí hééllá maalo, Yíésu hí lalille yie.

Matááyo 19:29

Ameeny máá ˈdaa meenychúka ényle yíekaʼ, nyaaramle yíekaʼ, ˈjaalle yíekaʼ, ˈjielle yíekaʼ, umle yíekaʼ, tá léslé fafuoká yíekaʼ hayoká, héllé hay kinaallá hé éíy taaka hat kinaallo-, hí af ˈdú gíri-, kúˈd nyuoroká hai aargira. Héétí mu luolmit biiyoká hai aargira ubaa hai gaa yíéđima.

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Yuána 15:16

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Yuána 15:2

Mu kolm ye ki ˈgie-, saano hí ma gaa higisinyká ali hai gaa muura, kolm saano hí gaa higissoká íín in hollo hol ki nannaa, giri saano hí hát ˈdabaanká gaa higissoká.

Yuána 4:36

Máá ˈguom mé ˈdaraanká hé símísle he gaa arge, ˈguom ˈdaa luolmit biiyoká ki đuorie. Hatallá in máá ˈguom fafuoká ubaa máá ˈguom mé ˈdaraanká hol ˈgar geyyime.

Yuána 8:32

tá hé ˈdúwaká eiy haí naasata, hé ˈdúwa kinaal mé haí fuura, Yíésu hí gáál yie.

Róóma 6:14

ˈDaa giri itín hí hemuumurit Waag hí gál Yuuˈdi shiicheká hí gim ma gaa iđiny-, hí ˈdúˈjím Waaˈgiet gaa iđoká, hé Waag hí ma fedinyká hai hé hí he gil ki mumuroká yéen.

Róóma 6:18

Aalé káánaka, it ađaabano gim yé gáá ˈdiiyye, it gede Waaˈgiet-, hé ˈdúwa-, Waag hí feˈdoká ekemeyoká chie.

Róóma 6:21

Tá hé hí af kinaallá ekeyche-, káána kernle hí ˈgidhééllá, meete ˈdúwa hí gaa argiyye? Yaalmisano kinaallá el ˈdáˈdle hé kúfach muunîny?

Róóma 7:25

Gón kufachietallá máá hí ye gaa ririanká he Máá kúnnaa Guđo Yiesu Kirísto! Aaléka, kí Waag gielmít hol ˈdú nuo! Aalé it yaalmit chia kissoká argiyye. Kaschú íín hemuumurit Waaˈgiet ki tielleká he feˈde, tá ˈdaa giri yú ađaabano gim gaa ijeká in yú ađaabano hemuumuritle af ˈduuwasie.

Róóma 7:4

Aaléka, nyaaramchú, itín úba af giri hí gón Kiristo hol ˈdú faanne-, hí Kirísto hol ˈgar kuyyeká, it hemuumurit Waag hí gál Yuuˈdi ka shiichééllá gim yé gáá ˈdiiyye. Aalé káánaka, it Kirísto Waag hí loolnoyche-, hí uushich yé gáá ˈdeeycheká gálle chie, giri hé midhab Waag hí feˈdoká saanolle muun gáál yé gáá ˈdeˈdeenká.

Róóma 8:2

Aalé itín ˈdaa Yiesu Kiristoka, fargogint Hím Naasan Waaˈgiet hí luolmít shigichóóllá hé fargogint ađaabano hí kúfach mé ki kokoyyoká hé hí gim yé gáá ˈdeeyche.

Korínto Erká 7:22

Gédéch Máá kúnnaa Guđo hí ká vieká, Máá kúnnaa Guđoká ˈdaalleka, he máá Waag hí mé fuˈdeká. Hát tikiˈdééllá máá af giri Máá Guđoká hí ká vevemeká gedech ma onnônyká, íín káánaka, he gédéch Kiristo.

Korínto ki Naamaká 3:17

Aalé Máá kúnnaa Guđóóllá hé Hím Naasanle muun gáál ká shie. Héétí ál Hím Naasan Máá kúnnaa Guđóóllá hí gaa iđoká hé mé furit Waaˈgiet ˈgayyo.

Galátia 1:10

Yú hatallá yegetallá in gálaato ger gaa memeyee? Ebá Waago geer gaa memeye? Yú meeny gálaat hí ye memeyoká hol gaa ˈgéˈgédhe? Híʼi, yú hátle meeny gálaat hí ye memeyoká hol gaa ˈgéˈgenka, yáá onnônyka gédéch Kiristo ma yégen.

Galátia 5:13

Nyaaramchú, itín mé furinyo Waag hí kí viiyye. Tá mé furitkícho haí kár giri hí balt gón kíchia gaa nyakaridheká ki geymisichoká hôny, hí mé furit gálle hol giel-, hol he ˈdú chichiratká onnoyyo.

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Eféso 5:9

Édhum saanolle he midhánti, saas mánti, tá ˈduwánti.

Filíbi 1:11

Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Filíbi 4:17

Tá yáá íín hí hé shiicho ma gaa ˈgeˈgen, hé yú fedoká he giri gil kíchia hí eiy lalaannóóllá ˈdugaka hé shiicho Waag hí itín úr gáá shigichoká hegeroká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Títo 1:1

Yú he Báulo, gédéch Waaˈgiet. Yú Waago ye máá ali gaa kaany-, Yiesu Kiristoká hoyche, giri gál Waag hí waarateká ki ˈdiyeen-, gaal Kirísto iiy yeget-, ˈdeeny ˈdúwa Waaˈgietallá lulle gaalí hát ˈdabaanká chiirat-, gaal hát Waag hí feˈdoká yíéđianká.

Héberew 12:14

Itín gálaat lulle hol naanná ki yíéđinyle ˈdú laađamíe. Héétí iđiny ˈdúwa-, Waag hí ki feˈdeká ˈdú laađamíe. Har máádhat iđiny ˈdúwa-, Waaˈgiet kinaal manítaka, hé Máá Guđo Waag ma aargiriny.

Yákob 1:1

Yú he Yákob, Waag ubaa Máá Guđo Yiesu Kirísto gédéchlé. Warˈgatééllá it é meet tomon a naama-, biiyano hí ma lilenyká gaa iđáállá yú hí ˈdu gáá verene. Náa!

Bétiro Erká 1:9

Héétí iiy yeen kíchiallá hélle it aargiˈda. Iiy yeenkícho héllé kinaallá he rúbách sidhamkícho.

Bétiro Erká 2:16

Hát gál Waag hí mé fuˈdeká ka yíéđía, tá mé furit kíchia kinaallá hai mé furit hé ˈdeđewká met yuyuyyoká onnôny, gede Waaˈgiet ka yíéđía.

Kí Edhesiny 7:13

Aaléka gál káruká mú tikiˈd ye yiete, kieye, Gál gielo eegedhallá fadhdhééllá he gálya? Gaal ále he gáá yimie? ye yie.