Róóma 6:21 - Fayam Midhab Yiesu Kiristoká He Hol Af Iđiny Kaanaká

²¹ Tá hé hí af kinaallá ekeyche-, káána kernle hí ˈgidhééllá, meete ˈdúwa hí gaa argiyye? Yaalmisano kinaallá el ˈdáˈdle hé kúfach muunîny?

Róóma 6:21 ပူးပေါင်းရင်းမြစ်များ

Róóma 1:32

Har úba káána gaal hemuumurit Waaˈgiet-, giri gál hé hatallóóllá ekemeyoká hát he kufunanká óíytaka, gaal hé hééllá ekenyle tákámle el ma gaa igiriny, gaal gál hééllá ekemeyoká gál ˈdúwa hé ˈdeeney mánká he ká dhaˈgama.

Róóma 5:12

Aaléka, ađááb mú tikiˈde ˈdaallé he ká naate, les ká hille, tá kufach íín ađaab kinaallá he yé gáá ˈdie. Yaalmitééllá in gálaat lulle kúfach mé ki koyye, ˈdaa giri gálaat lulle ađaabano hileká.

Róóma 6:16

Itín hí máádhat ˈdú siete-, hí mú hemuumuritle iiy chie-, hí el gaa veeˈdeka, hát hí mú gedelle chieká, it múog? Aalé itín har hí hé ˈdeđew-, Waag hí ma fedinyká gedelle chieka, kúfacho hí hol mé ki koyye. Tá har hí Waag gedelle chieka, innum Waaˈgietka gál ˈdúwaká hí chie, luolmit biiyoká haí higilla.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Róóma 7:5

Muun af giri yaalmit kúnnaa hele-, ke ki ijeká gónkúnno balt gaa nyakaridheká hí gaa iđe. Hemuumuritééllá in súm baltééllá gáál gaa verenne, giri hé ˈdeđew-, Waag hí ma fedinyká saanolle muun gáál yé gáá ˈdeˈdeme-, gáál kúfach mé ki kokoyká.

Róóma 8:13

Har hí balt gonnietká el gaa igiˈdoka, hí kuyyeka, it luolmit biiyoká ma higiliny. Tá ˈdaa Hím Naasan Waaˈgietka, hí hé kinaal hol ká riateka, luolmit biiyoká haí higilla.

Róóma 8:6

Kas máádhat har balt gonniet hí he ki mumuˈdoka, af kinaalka kúfacho he yé ˈdú ˈdeˈdeme. Tá har Hím Naasan Waaˈgiet hí he ki mumuˈdoka, af kinaalka luolmít ubaa naanna Waaˈgieto he yé ˈdú ˈdeˈdeme.

Korínto ki Naamaká 4:2

Nyíín nyáá nyí hé kern manti-, ubaa hé điđám gaa ijoká gaa láʼ. Nyáá nyí gálaat ma nyiimisan, fayam Waaˈgiet nyí hol ma gaa lalaminy. Nyiin innum Waaˈgietka ˈdeeny ˈdúwa-, leđuđugulleká nyí gálaat met gaa hogoto, giri gálaat lulle ˈduuwkínyo hát ˈdabaanká eiy nannasatká.

Korínto ki Naamaká 7:11

Tá bá dhaayyíe, ger gaa ˈdeenen Waag hí ki feˈdééllá, hát hí hé midhabká hí yé ˈdú ˈdeeychééllá, it argiyye? It góf hé tagléká ekemeycheká ˈgayye. It Waag hí ˈdeđenseteká ma fédiny. It hé hurtkícho yé gáá ˈdieká ˈdú idhanne, he il ká argisinyle kiate, ađaab kinaal hí hol yé gaa ˈdeđicheká it úba feˈde, hí ki ˈgađasanne. It máá he ˈdeeney kinaal ˈdéé ki iđiche. It ˈdeenyééllá Waag innumle hát tagléká gaa beesete.

Filíbi 3:19

Gál kinaallá mé đigle he mé ˈginlé, gáál waagle he gáál gerlé, tá gáál geer gaa meenle hé kern manti-, gaalí ekemeyoká he yé gáá ˈdeˈdeme. Gáál kasle hé lesalloká ˈgar aayaˈgiyya.

Héberew 10:29

Aaléka háte hí dhaayche? Máá Iny Waaˈgiet eesheyo-, he hol af iđiny fáslé hí dhiireká hé aađa-, ˈdúúw mánká ká dhaˈgasan-, Hím Naasan Waaˈgiet ˈdúˈjím ˈgayyoká méé ˈdeđeneyoká, máá hat kinaallóóllá hé il hí aargiˈdoká kor hát ˈdáb aake?

Héberew 6:8

Lés hii tákámle hí gáá ˈdeˈdeenká hé ˈdúúw mán. Máá hí fieká ál ˈjóbo hí ki waaˈgata, hí jiet gaa verene.

Yákob 1:15

He feditééllá in seenne, he ekeny ˈdeewká ˈdaalla. Tá he ekeny ˈdeewká máádhat ˈgaaˈgaateka, đo kúfach hai ˈdalle.

Yákob 5:20

hééllá mé ki eedhdhíe: Máá mú ˈgíérích ˈdúwáállá hol ˈdu gáá nannúóllá, mú kúfacho ká riridhdha, tá mú héllé ˈdeđew-, met hí hol ká burnayká ˈdeensenle mú Waag haí gaa egeyye.

Bétiro Erká 4:17

Aaléka, Waag aleđuđugul ˈbíl geerle ˈdéé ki iđimichoká ˈjóbo ali kí ˈdeenne. Tá he har múún Waag hí gáál mé kí kooteka, gál fayam Waaˈgiet met ma gaa kekeminyká, kor me hí ále?

Yuána Erká 2:28

Aaléka, umééllo, mú gaa yíéđía, giri mu hol ká nadhe-, ke mú il ki argeka, ke sierm mán-, mú metle kern hí gáál ma gaa ˈgiˈginká.

Kí Edhesiny 16:6

ˈDaa giri gaal gál kua ko iiy yieká ubaa gál kua ˈdeem ka shigiche-, ˈdeem ˈdiyimeká fásle okodieká, in kuun gáál fás ím mé ki tiiyye. Hé kinaallá hé gálle hí hol ki ˈgeˈgedheká, muí yie.

Kí Edhesiny 20:14

Aalé kufach ubaa ál kufachietká Waag hí bás ˈjieteká ki laalaanne. Bás ˈjietééllá he kúfách ki naamaká.