Róóma 6:17 - Fayam Midhab Yiesu Kiristoká He Hol Af Iđiny Kaanaká

¹⁷ Aalé it giri érléká hí hé ˈdeđew-, Waag hí ma fedinyká gedelle onnoyyeká, it káána he onisiny Waaˈgiet hí argiyyeká hol ˈdú hayche, hí el gaa veeˈde. Hé kinaal ˈdugaka Waag hí ˈdúúw eet!

Róóma 6:17 ပူးပေါင်းရင်းမြစ်များ

He Ekeny Gál Alb Fimiká 11:18

Aalé gaal ˈdeenyéél maaleká hol ki fálaam hay, Waag meey, kieye, Taglé, Waag úba hé kidh kár he héllé ˈdeđewká ki haađuo-, gaalí makan ki fafaanká shiiche, giri gaal luolmít aargiroká.

He Ekeny Gál Alb Fimiká 28:15

Gál nyaaram Yíésu iiy yie-, Roomaká hát nyí ˈgierich gaa igiˈdoká maaleká, nyí agim ká nadhe. Gaal ál gaalí Gabaaya Abiyu yegetká ubaa ál gaalí Súg Seđeká yegetká alble nyí gáá hile. Báulo gáál argeká geer hí gaa meedhe, Waag meey.

Róóma 1:5

Mu íín ˈdaalleka in Waag nyí ˈdúˈjímle ká shiiche, nyí gállé alb fimiká hosote, giri kidh hátlé met hí hol ká eiyyeká nyí Fayam Midhaballá ki ˈdiyeenne-, gaal fayám iiy yeget-, Waag met gaa kekeen-, meeny Kiristo ˈduuwayoká.

Róóma 1:8

Hé erkob yú hogodhoká, lulkícho ˈdaa kíchoka yáá Waagchú gielmít hol ˈdú nannuo. Hééllá he ˈdaa giri hát itín hí Yiesu Kirísto iiy chieká ˈdeenyle biiy lulle bash ki yieká.

Róóma 15:18

Tá yú yáá hújíchallá nímle fargogintle hol bal ma ki ˈdaraminy. Fargogint Kiristo in yú ˈdeem ki hogodhe, yú hujich ki nannie, in gál gál Yuuˈdi muuninyallá fayam Kiristóóllá iiy yie.

Róóma 16:26

Aalé hát warˈgasam gál Waag hí ˈdeem ka shigicheká hí huogodheká ubaa hát Waag bííyyo ali iđóóllá hí muˈdeká, Fayam Midhab Kiristóóllá hé káána gálaat hí kidh lúl mamalsuo, giri gaal Kirísto iiy yeget-, mú el gaa igiroká.

Róóma 2:8

Tá gál giri tákámle he hol ki fedo-, hé ˈdúwaká điđidhan-, hé ˈdeđewká el gaa igiroká, Waag idholle ubaa Waag he il ká argisinyle hai aargira.

Korínto Erká 1:4

Yáá aadh lulle ˈdaakíchoka Waagchú gielmít hol ˈdu nannuo, ˈdaa giri Waag hí ˈdúˈjímle ˈdaa Yiesu Kiristo kí shiichééllá.

Korínto Erká 14:6

Aaléka, nyaaramchú, har yú hí ˈdu gáá yimie-, afano Hím Naasan Waaˈgiet yé gáá ˈdeˈdeenká hogodhoka, hé kinaallá meete ˈdúwa hí gaa aargiˈda? Tá yú hí hé Waag hí ye kí edhesicheká yíekaʼ, ˈdéé hót ˈdaalimoká yíekaʼ, ˈdeeny Waag hí ye ká shiicheká yíekaʼ, héétí he onisiny yíekaʼ, hééllá hé mákártaká yú hí ˈdu gáá sidheka, ití bal mé ma ki kakaan?

Korínto ki Naamaká 2:14

Nyáá nyí Waag gielmít hol ˈdú nanniyya. Waag aadh lulle ˈdaa Kiristoka hé nyí met gaa igiˈdo, fufucho. Waag nyí hújíchle ki nannasata, giri nyí Fayam Kiristóóllá hát sáláb usiyyo-, usle biiy lúl bash ki chegetokáka nyí alb lulle bash ki hođichoká.

Eféso 1:16

ˈdaakíchoka, yáá aadh lulle Waag gielmít hol ˈdú nannuo, úba hí Waag visanchú táb gaa ˈdoˈdoot.

Dhesaloníke Erká 3:9

ˈDaakíchoka, Waag innumleka ger hé tág nyí gaa meedhe. Geer gaa meenkínyo nyí ˈdaakícho gaa argiyyééllá ˈdugaka, Waag kor gielmit hát ˈdáb aake nyí hol ˈdú nanniyya?

Dhesaloníke ki Naamaká 1:3

Nyaaramkínyo, ˈdaakíchoka aadh lulle Waag gielmít nyí hol ˈdú nanniyyoká taglé. Waag nyí gielmít hol ˈdú nanniyyáállá, he ˈdaa giri iiy yeenkícho súm higirayyo-, gielmit hí hol ká ˈgayyaká úba súm guuđanatallá.

Tímote ki Naamaká 1:13

Gálaat oonisichoká, he onisiny ˈdúwa-, ye gaa maallééllá yaalmitle énnig, Yiesu Kirísto taalle iiy áat, gielmit Kirísto hí ko aargisúóllá gálaat ki géélneb.

Fílemon 1:4

Fílemon, af giri yú ko Waag kí vivisatká, yáá aadh lulle ˈdaakúka Waag gielmít hol ˈdú nannuo.

Héberew 11:8

Abirááyam iiy yeenle ˈdaalleka, af giri Waag hí geeyche-, Waag kieye, Keʼ, lés éíy taaka-, yú ko ka shigúóllá mé naʼ, Waag hí mú chieká, in mu Waag af ˈduwasie. Har káána úba ál muí mé nannie kinaal muí moonnoyka, mu hé Waag af ˈduway, kie.

Héberew 5:9

Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.

Bétiro Erká 3:1

ˈDége, hát tikiˈdééllá beelemkícho met gaa keekemíe, giri min bélle Fayam Midhaballá iiy ma yéenká, úba bélle ma geenyka, húgúmlé midhab he ˈgayyoká bélle Waag ˈdu gáá egewká.

Bétiro Erká 4:17

Aaléka, Waag aleđuđugul ˈbíl geerle ˈdéé ki iđimichoká ˈjóbo ali kí ˈdeenne. Tá he har múún Waag hí gáál mé kí kooteka, gál fayam Waaˈgiet met ma gaa kekeminyká, kor me hí ále?

Yuána ki Naamaká 1:4

Yáá tág geer ye gaa meedhe, giri um kua yú argeká ˈdeeny ˈdúwáállá ki ijoká. Hééllá he hát ˈJaa kúnnaa Waag hí muun gáál kí mureká.

Yuána ki Seđeká 1:3

Af giri gál nyaaramká ká fame-, yaalmit kua kúólle ˈGierich ˈDúwáállá aadh lulle ki taalká ye fayamle ka shieká, yáá tág geer ye gaa meedhe.