Róóma 6:13 - Fayam Midhab Yiesu Kiristoká He Hol Af Iđiny Kaanaká

¹³ Héétí haí gónkícho hé gaa nyakarichká ˈdú hâny, hí hé ˈdeđewká ekêny. ˈDaa giri yaalmit kíchia kissoká kuyye-, Waag hí luolmit kaanaká shiichééllá hol Waag ˈdú hayyíe, gónkícho hí hé ˈdúwa-, Waag ˈdúúw shiguoká yeet.

Róóma 6:13 ပူးပေါင်းရင်းမြစ်များ

Lúka 15:24

Iny chiallá érléká hai kufe, yú yie, káána lúol! Hai bađayyo, yú yie, káána hé yé ká ˈdie! íny ˈjaalle hí gedelle yie. Aalé gaal lulle aaˈdume.

Lúka 15:32

Kí aaˈduan, ger hí gáál gaa meet. Nyár kuallá érléká hai kufe, ke yie, káána lúol! Hai bađayyo, ke yie, káána hé yé ká ˈdie! muí inylé guđo kinaal yie, Yíésu hí gáál yie.

Yuána 5:24

Yú hí hé ˈdúwaká geeye, máá ˈdeenychú maalo-, Máá ye ali gáá kaayká iiy yeetká, hé luolmit biiyoká ˈguo, mú álle hé ˈdéé ki iđiny mán. Máá kinaallá kisso kúfach yé gaa ˈdie, luolmít hile.

Róóma 1:29

Gáál saas ˈgany, ađááb, he hol ki fedíti, hé gaa nyakarichká, gajálti, nyuogich, hol oosó, ubaa hódho, tá điđám hí koch. Gaal gálaato heengʼeedhe,

Róóma 12:1

Aaléka, nyaaramchú, gillo yú hí ki efe, ˈdaa giri Waag hí geer guurá argisichééllá, gónkícho hol suor luol-, hé Waag hí feˈdoká ekemeycho-, Waag geer gaa memeychoká Waag ki hoyyíe. ˈGíérích ˈdúwa-, hí Waag ki ˈduuwaychoká hééllá.

Róóma 6:11

Aalé hát hí ađaabano farguoginsamle gim yé gáá ˈdiiyye-, luolmit kíchia hí ˈdaa Yiesu Kiristo ka ˈgayyáállá, hí Waag ki ˈduuwaychoká mé ka ˈgáa.

Róóma 6:16

Itín hí máádhat ˈdú siete-, hí mú hemuumuritle iiy chie-, hí el gaa veeˈdeka, hát hí mú gedelle chieká, it múog? Aalé itín har hí hé ˈdeđew-, Waag hí ma fedinyká gedelle chieka, kúfacho hí hol mé ki koyye. Tá har hí Waag gedelle chieka, innum Waaˈgietka gál ˈdúwaká hí chie, luolmit biiyoká haí higilla.

Róóma 6:19

Yú hí af gálaat ki geđúóllá, he ˈdaa giri tawunykícho tawuny gálaatká. Itín kíssóótíá it metkícho ki seseenne, hé gaa nyakarichká gedelle chie, it ađaabano hí ki fiidhe. Aalé káánaka gede Waaˈgiet hé ˈdúwaká ekemeyo-, saas mánká yeedhíe.

Róóma 7:23

tá yáá hemuumurit éíy taaka gón chiallá gaa iđo-, ubaa kaschú hol oosó-, ye a mé kí ˈjeˈjeennoká hol ki shuunne. Hé kinaallá he ađaabano hemuumuritle gón chiallá gaa iđóóllá.

Róóma 7:5

Muun af giri yaalmit kúnnaa hele-, ke ki ijeká gónkúnno balt gaa nyakaridheká hí gaa iđe. Hemuumuritééllá in súm baltééllá gáál gaa verenne, giri hé ˈdeđew-, Waag hí ma fedinyká saanolle muun gáál yé gáá ˈdeˈdeme-, gáál kúfach mé ki kokoyká.

Korínto Erká 6:15

Itín gónkícho hát gón Kiristo ˈbáálká it múog? Aalé máádhat gónlé gón Kiristo ˈbáálallá geđi gón sharmuutallá hol higilsuoka, hé kín taglê? Hóbá! Hé kinaal Waag hí điito!

Korínto Erká 6:20

ˈdaa giri Waag hí hím guđoká les gaa fiiyyeká. Aaléka, gónkícho Waag ki ˈduwayyíe.

Korínto Erká 6:9

Tá gál hé ˈdúwaká ma gaa seseminyká hát Guch Waaˈgiet ma higilinyká it múog? Aaléka, ha máádhat hí nyimísan, gál herginy buraaká gaa seseenká, gál waagam hódhoká vivisatká, gál hol ˈdú hergisanká, héétí herginy gál hol ki yaabká hí hol hergisanká gálle hé Guch Waaˈgiet ma higiliny.

Korínto ki Naamaká 10:4

ˈGulo ooso-, nyí ˈgayyáállá hé ˈgulo ooso-, lesalloká muuniny. ˈGulo ooso-, nyí ˈgayyáállá he fargogint Waag yé gáá ˈdiiyye-, nyí Sátan điđamle ubaa kas lesallóóllá kí aađaatká.

Korínto ki Naamaká 5:14

Nyiin hé nyí af tatuoká he gielmit Kiristo. Hééllá he ˈdaa giri ke óg-, mú tikiˈd tákámle gálaat lulle ˈdú kufeká. Aaléka, múúnííllá hé ke mú hol ˈgar kufe, ke húgúm kúnnaa kissoká ke yé gaa ˈdie.

Korínto ki Naamaká 5:15

Kirísto gálaat lulle ˈdú kufééllá, he giri gál les ˈdug ˈdú ijóóllá mú iiy yeget-, hát hol ki fedoká ma yíéđiminy-, Máá hí ˈdú kufe-, geđi loolnodhééllá hol ˈdú silmuoká.

Korínto ki Naamaká 8:5

Gaal hé úba nyiin nyí mé ka mannayyeká ekey, gaal hát Waag hí ki feˈdeká er Máá kúnnaa Guđoká hol ˈdú sillie, in úba nyíín nyí hol ˈdú gáá sillie.

Eféso 2:5

Af giri hátle ađaabanokúnno ˈdugaka ki gál kufachiet onnoyká, Waag hé muun gáál Kirísto hol ˈgar loolnoyche. Aaléka, itín ˈdúˈjím Waaˈgieto hí ki biiyye.

Eféso 5:14

ˈdaa giri edhum íín he lulle ka eedhesuoká. Yaalmitééllá ˈdugaka in gálaat kieye, Kó rafanannóóllo, in eiy ˈdéesh, kúfach yé gáá ˈdé, Kirísto édhúmle hí ko gaa veero, gaalí yegedhe.

Filíbi 1:20

Hé yú súm fedo-, yú gófle ˈguoká, he giri hé yú ˈdú seseenká chiralle yú ˈguo-, kern ye ma ˈgiˈgin-, har káána yú kuf yíekaʼ, má kufiny yíekaʼ, yaalmit chia yú lésallá ki ijóóllá taalle Kirísto hí ˈdúúw gaa aargiroká.

Kolosááya 2:13

Itín hátlé hí ađaabanokícho ˈgayye-, Kirísto hí ađaabano kíchia kinaal ma gaa ˈgidhíiny-, hí gál kufachiet onnoyyeká, in Waag hí Kirísto hol ˈgar loolnoyche. Mu ađaabanokúnno ubaa nyuogimkúnno lulle gáál gaa eey.

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Dhesaloníke ki Naamaká 2:12

Gál hatallóóllá lulle in Waag hí ˈdéé ki iđimicha, ˈdaa giri gaal hé ˈdúwaká iiy yegetká điđidhan-, hé ˈdeđewká gaa geyyeenká.

Tímote ki Naamaká 2:15

Hát ˈdabaanká laađámo, giri Waag innumle kí ˈdeˈdeenno-, Waag geer gaa memesichoká. Máá hújíchlé nannuoká midhab-, kern hí ma ˈgiˈgin-, ˈdeeny Waaˈgiet ˈdúwáállá hát ˈdabaanká eiy nannasat-, gálaat oonisuoká áat.

Yákob 4:1

Hurt kíchiallá oosom ubaa hol ídho meete hí yé ká ˈdeđia? Hé kinaal hé he fedit gónkícho hí ká lalaanal yé ma gáá ˈdeˈdemîny?

Bétiro Erká 2:24

Hé múún ki Waag ki ˈdeeđeneyká ˈdeentle mu ííni hí luut kaadhdhe, hí ˈgór đarám yaalká ˈdú eedhdhe, giri múún ki ađaabanokúnno ma gaa iđiny-, ke hát Waag hí feˈdoká yíéđianká. Aaléka, mú lilolle hé hí fayansie.

Bétiro Erká 4:2

Máá gon hí hatallá boloyyeká iđinylé lésallá ˈdú ijoká hé hát gálaat hí fedoká ma enniminy, mu hát Waag hí feˈdoká he yíéđima.

Yuána Erká 1:9

Tá ke Waag makan fame-, hát ke he ˈdeeneyká ke Waag geeyka, Waag he Máá ˈdúwa-, taglé-, nyuogimkúnno ubaa ađaabanokúnno ˈdaalleka, gáál ˈdú ˈjeˈjeen-, gáál nyuogim ubaa ađaabano lulle gaa dhidhiroká.