Róóma 5:8 - Fayam Midhab Yiesu Kiristoká He Hol Af Iđiny Kaanaká

⁸ Tá Waag gielmitlé gáál gielká hátlé gáál ka argisicheká hééllá: Af giri hátle ki ađaabano ubaa nyuogimkúnno gaa ijeká in Kirísto gáál ˈdú kufe.

Róóma 5:8 ပူးပေါင်းရင်းမြစ်များ

Yuána 15:13

Gielmit máálle sídhle sheelle ˈdú sillieká, hé gielmit níínní guđo-, hí a mé iđoká mán.

Yuána 3:16

ˈDaa giri Waag gálaat lullé les gaa ijoká súm gielká in gáál Inylé ali ka takachká ká shiiche. Máá Íny iiy yeetká sídhle hé ma baađany, taalle luolmit biiyoká hai gaa yíéđima.

Róóma 3:5

Tá kálmaréel máádhat kieye, Ađaabano kúnnaa ke higilóóllá hé gáál midhant Waaˈgiet aargisuo, tá Waag har múún gáál he il ká aargisichoka, af kinaalka Waag hé ˈdeew, yieka, tá múún háte ke yeedhe? Hééllá hé gáál ˈbaal hí taawuoká yú hogodho.

Róóma 4:25

Waag Yíésu ká silliche-, gálaat gíl geer gaa kaayye-, gálaat mú yiesallá, he giri mu ađaabanokúnno gáál gáá bibisuoká. Héétí Waag geđi mú loonoyche-, mú uushich yé gáá ˈdeeychééllá, he giri mu múún gáál innum Waaˈgiet gaa ˈduuwasuoká.

Róóma 5:20

Waag hemuumuritle af giri les ká hileká, in gálaat ađaabanolle ubaa nyuogimle ilshandhe. Tá ađaabano ubaa nyuogim ilshandheká, in Waag ˈdúˈjímle úba súm ilshante.

Róóma 5:6

Af giri hátle ke hát mannayká, in Kirísto múúni giri ke ˈgierim Waag hí ma fedinyká gaa sesemeká gáál ˈdú kufe. Kúfách Kirísto hí gáál ˈdú kufe kinaal aleđuđugullé Waag hí muˈdeká ali kí ˈdie.

Róóma 5:7

Urgúaka máádhat hé máá ˈdúwaká ma ˈdú kufuminy, tá kálmaréélka, máádhat máá geerka guurá ˈguoká haí ˈdú kufuma.

Róóma 8:32

Waag Inyle ma kulnásan-, ˈdaa kúnnoka ká sillichééllá hé úba he met lulle hát geer gaa midhantiká gáál ma ká shígîny?

Róóma 8:39

úr gaa iđoká yíekaʼ, les geeréétí gaa iđoká yíekaʼ, héétí he met lullé Waag hí ka kuonnééllá hé hát níínní gielmit Waag hí muun gáál ka ˈgayyo-, ke ˈdaa Kiristo gaa argééllá gáál gaa ˈgiidhuoká mán.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Eféso 2:7

Hééllá Waag hí ekeychééllá, he giri bár ˈdaatika, Waag ˈdúˈjímle hát ˈdúˈjím lulle af mé iđoká gálaat aargisichoká. Múúni ki Kirísto hol liladhééllá Waag hát gáál ki midhabká gálaat hí argeka, Waag ˈdúˈjímlé ˈdúwáállá gálaat haí kiimita.

Eféso 5:2

Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.

Tímote Erká 1:16

Hééllá ˈdugaka in Yiesu Kirísto ye geer guurá argisie, giri geer gaa guchlé yáá gálaat súm ađááb ˈdú ˈgúóllá ye argisíéllá ˈdaalleka, gál hí iiy yegetká hát geer gaa guchle gaal íín úba aargisuoká gaalí ki kiimisat-, gaal luolmit biiyoká higiloká.

Héberew 8:3

Ameeny gál méte suoryo-, Waag hí hujich mé ki koyyééllá, he giri gaal hé shiicho ubaa suoryam Waag shiguoká. ˈDaa kinaallá ˈdugaka in Máá kúnnaa méte suoryóóllá úba héllé shiichoká Waag shie.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Yuána Erká 3:16

Gielmít yaalmitééllá ke eiy ki naate: He hát káána Yiesu Kirísto sídhle sillie-, gáál ˈdú kufééllá. Muun onnônyka sidhamkúnno úba gál nyaaramallá ke ˈdú silmia.