Róóma 5:6 - Fayam Midhab Yiesu Kiristoká He Hol Af Iđiny Kaanaká

⁶ Af giri hátle ke hát mannayká, in Kirísto múúni giri ke ˈgierim Waag hí ma fedinyká gaa sesemeká gáál ˈdú kufe. Kúfách Kirísto hí gáál ˈdú kufe kinaal aleđuđugullé Waag hí muˈdeká ali kí ˈdie.

Róóma 5:6 ပူးပေါင်းရင်းမြစ်များ

Róóma 11:26

Ebá gál Yísirayel hát lulle Waag hí rubach shigichoká yú hí ká geeye, hát káána giri Warˈgat Waaˈgiet hí hote-, kieye, Máá gálaat rianká Síyonno yé gáá ˈdeeme, mu ˈbíl íl Yakob Waag điinle yé hai gáá ˈdeđia.

Róóma 4:25

Waag Yíésu ká silliche-, gálaat gíl geer gaa kaayye-, gálaat mú yiesallá, he giri mu ađaabanokúnno gáál gáá bibisuoká. Héétí Waag geđi mú loonoyche-, mú uushich yé gáá ˈdeeychééllá, he giri mu múún gáál innum Waaˈgiet gaa ˈduuwasuoká.

Róóma 4:5

Tá máádhat hé hújíchlé nieká ˈdaalle ˈdugaka Waag hí máá ˈdúwaká ma chegen. He ˈdaa mu Waag iiy yieká in Waag mú máá ˈdúwaká chegedhe. Waag íín gál ađaabano ˈguo-, tá hí iiy yieká ađaabano gaa egeyye, gáál gál ˈdúwaká hođicha.

Róóma 5:10

Har káána úba ke Waag hol ka kídh onnoyka, Waag kúfách Inylééllá hé muun ubaa Waag gáál hol hilsie. Aalé káána ke Waag hol ka kídh muuninyallá, hát gon ke rubach aargiroká hé ke óg. Waag Inylé luolallá in muun gáál luolmit biiyoká shigia.

Róóma 5:7

Urgúaka máádhat hé máá ˈdúwaká ma ˈdú kufuminy, tá kálmaréélka, máádhat máá geerka guurá ˈguoká haí ˈdú kufuma.

Róóma 5:8

Tá Waag gielmitlé gáál gielká hátlé gáál ka argisicheká hééllá: Af giri hátle ki ađaabano ubaa nyuogimkúnno gaa ijeká in Kirísto gáál ˈdú kufe.

Róóma 8:32

Waag Inyle ma kulnásan-, ˈdaa kúnnoka ká sillichééllá hé úba he met lulle hát geer gaa midhantiká gáál ma ká shígîny?

Róóma 8:34

Máá muun gáál innum Waaˈgiet gaa ˈdeđensetká he mááya? Hé mán. Muun Yiesu Kirísto tikiˈde-, gáál ˈdú kufe-, Waag hí geđi loolnoyche-, hí uushich yé gáá ˈdeeyche-, káána Waag gíl ˈdaa naaniet ijóóllá, in múún gáál ˈdéé ˈdú hogodho.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Galátia 4:4

Tá Waag aleđuđugullé feˈdeká ali kí ˈdiiyyeká, in Waag Inyle ali gáá kaayye, ini hí ˈdalle, hemuumurít gim gáá ˈdalidhe,

Eféso 5:2

Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.

Kolosááya 2:13

Itín hátlé hí ađaabanokícho ˈgayye-, Kirísto hí ađaabano kíchia kinaal ma gaa ˈgidhíiny-, hí gál kufachiet onnoyyeká, in Waag hí Kirísto hol ˈgar loolnoyche. Mu ađaabanokúnno ubaa nyuogimkúnno lulle gáál gaa eey.

Dhesaloníke Erká 5:9

Waag múún gáál gálle hosotééllá, idhollé he gáál ˈdú iđimicha muuniny, he giri muun ke Máá kúnnaa Guđo Yiesu Kirísto rubach gaa aargiroká.

Tímote Erká 1:9

Hé ke ógká kieye, hemuumurít máá hí gál hé ˈdúwaká ekemeyoká ˈdaalle tág ki koyká mán, he ˈdaa gál hé ˈdeđewká ekemeyo-, gálaat met ma gaa kekeminyká, ubaa ˈdaa gál Waag ma kikian-, ađaabano higiloká, tá ˈdaa gál Waag eesheyo-, hé lesietká el gaa igiroká, héétí ˈdaa gál idhaamle ubaa eelle tá gál éíy taaka yegeská in ˈdaalle gaalí hemuumurít tág ki koy.

Títo 2:12

ˈDúˈjím Waaˈgietallá hé gáál oonisichoká he húgúm Waag hí nébká ubaa balt lesalloká ke hol ka ririat-, ki kás kakaat-, ˈgíérích ˈdúwa-, Waag hí feˈdoká ki báral ke ki ijoká.

Héberew 8:3

Ameeny gál méte suoryo-, Waag hí hujich mé ki koyyééllá, he giri gaal hé shiicho ubaa suoryam Waag shiguoká. ˈDaa kinaallá ˈdugaka in Máá kúnnaa méte suoryóóllá úba héllé shiichoká Waag shie.

Héberew 9:26

Kirísto hát gál méte suoryóótíá onnônyka, af kinaalka biiy mé gáá koonle tá ˈjíig káána đigallá af burnayká he ki maanyjay, ki kufume. Aalé káána-, biiy el ˈdaalka mu ká yimie, hol a tikiˈd suor ki hoy, giri gálaat ađaabano ubaa nyuogim gaa egewká.

Bétiro Erká 1:20

Waag hátlé les ma ka kúóninyká in Kirísto galayche, bár biiy el ˈdaˈd kaanallóóllá mú lésallá ali ˈdu gáá kaayye. Hééllá ˈdaa kíchia muí ki ekey.

Bétiro ki Naamaká 3:7

Waag ˈdéé hótle úba in ur kaanallóóllá ubaa lés kaanallóóllá Waag hí taak ki koyye, giri ˈjiet hí af ki shugunatká. Hé kinaallá hé Waag hí ali koyye, ˈdaab kúlích Waag gálaat ˈdeem ki iđimichoká ubaa gál Waag af điđidhanká af ki beesenle-, ali ma kí ˈdíinyká.

Yúúa 1:15

Mu ka yiimetallá he giri mu gálaat lulle ˈdéé ki iđimuo-, gál Waag kian ka mánká lulle héllé ˈdeđew-, eekemeyká ˈdú ˈdeđenset-, gáál he il ká aargisuoká. Héétí mu gál Waag kian ka mán-, ađaabano ˈguo-, ˈdeem lullé kullaʼ-, Waag ki huogodheká úba ˈdeđenset-, gáál he il ká aargisuoká, he yie.

Yúúa 1:18

Itín hé gaalí geeyká, gaal kieye, Bár biiy el ˈdáˈdle ali kí ˈdeˈdeenká gál af ka fichilít ˈguo-, Waag kian ka mán-, baltle el gaa igiroká biiy yiem hai gáá ˈdeeme, gaalí hí yie.

Yúúa 1:4

Onnóo, gáál mé tikiˈd hé hí hurt kí hure, gálallá hé Waag kian ka mán. Gaal hé Waag ˈdúˈjímlé muun gáál mé fuˈdeká hol gaa lay, ˈdúˈjím héllé ˈdeđew-, gaa seseenká hoy. Héétí, gaal hé Máá kúnnaa Guđo-, gáál mé ki yaal-, Yiesu Kirísto điidhe. Gálallá he gál héle ˈdeenyle warˈgát gaa ije-, giri Waag hí ˈdéé ki iđiche-, hí ˈdeensenteká.