Róóma 5:21 - Fayam Midhab Yiesu Kiristoká He Hol Af Iđiny Kaanaká

²¹ Gálaat lulle érléká ađaabano ubaa nyuogimmo he gim gaa ije. Tá káána, gál Máá kúnnaa Guđo Yiesu Kirísto iiy yegetká, in Waag hí gál ˈdúwaká chegedhe, Waag hí ˈdúˈjímle gim gaa iđimicha, gaal luolmit biiyoká aargira.

Róóma 5:21 ပူးပေါင်းရင်းမြစ်များ

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Yuána 1:14

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Yuána 10:28

Hé yáálle hí luolmit biiyoká shiguo, hé ma kufuminy. Hé máá níínní hí ye af ki ririat-, hí ye gíl geer yé gaa ˈdeđisatká mán.

Róóma 4:13

He af iđiny Abirááyam ubaa ˈbíl ílle Waag hí af iđiche-, giri gaal lésal liiletkáka hé hemuumurít ˈdaalle yé ma kí ˈdíiny, he ˈdaa giri mu Waag iiy yieká ˈdaallé he yé kí ˈdie. Aalé mú Waag iiy yeenlééllá, in Waag mú máá ˈdúwaká chie.

Róóma 5:12

Aaléka, ađááb mú tikiˈde ˈdaallé he ká naate, les ká hille, tá kufach íín ađaab kinaallá he yé gáá ˈdie. Yaalmitééllá in gálaat lulle kúfach mé ki koyye, ˈdaa giri gálaat lulle ađaabano hileká.

Róóma 5:14

Tá bár giri Aˈdam-, ˈjíig bár Moshe đigká gál bár kinaal ali ijeká hé lúl kúfách gim gaa ije. Gaal har úba ađaab Áˈdam hí hile-, máálle hemurít ˈdeeneyká ma ˈdeenenyka, lulle hé kufe. Áˈdam Máá bár kinaal hátle ma ka yímenká yaalmitlé ke ki ekemeye.

Róóma 5:17

Máá tikiˈde Áˈdamlééllá in ađaable gálaat lulle kúfach gim gaa iđiche. Tá Waag ˈdúˈjímle ubaa héllé shiicho-, innumleka gálaat ki ˈduuwaychóóllá ebá ˈdúwa! Ameeny gál hé shiichóóllá iiy yeget-, aargiroká in Waag hí kúfach gim gáá egeyye, gaal kúfach ká aađadhdha, luolmit biiyoká gaa yíéđima. Hééllá lúl mú tikiˈde ˈdaallé he ká nadhe, máá kinaallá he Yiesu Kirísto.

Róóma 6:12

Aaléka, ađaabano hai gón kíchia-, aadh ˈdaatika kufunannóóllá he ki mumúriny, hí gon baltle híliny.

Róóma 6:14

ˈDaa giri itín hí hemuumurit Waag hí gál Yuuˈdi shiicheká hí gim ma gaa iđiny-, hí ˈdúˈjím Waaˈgiet gaa iđoká, hé Waag hí ma fedinyká hai hé hí he gil ki mumuroká yéen.

Róóma 6:16

Itín hí máádhat ˈdú siete-, hí mú hemuumuritle iiy chie-, hí el gaa veeˈdeka, hát hí mú gedelle chieká, it múog? Aalé itín har hí hé ˈdeđew-, Waag hí ma fedinyká gedelle chieka, kúfacho hí hol mé ki koyye. Tá har hí Waag gedelle chieka, innum Waaˈgietka gál ˈdúwaká hí chie, luolmit biiyoká haí higilla.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Róóma 8:10

Aalé káána Kirísto hí gaa ijóóllá, gónkícho har káána úba ˈdaa ađaabanokáka kufunannoka, Hím Naasan Waaˈgiet hé hí luolmit biiyoká shiiche, itín káána Waag innumleka, hí gál ˈdúwaká.

Títo 2:11

Waag hé gálaat lulle ˈdú ˈjiiyye, hé kár gálaat hí rubach ki aargiroká yé ká ˈdeeyche.

Héberew 4:16

Aaléka, kí Waag karallé kansimo-, álle ke ˈdúˈjím gaa aargiroká hát sierm mantiká ˈdú siet, giri muun ke Waag geer guurá ubaa ˈdúˈjím gaa aargiro-, tá Waag aleđugul giri tagléká muun gáál gíl kí helmichoká.

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yuána Erká 2:25

Kirísto hé muun gáál af iđieká he luolmit biiyóóllá.