Róóma 5:18 - Fayam Midhab Yiesu Kiristoká He Hol Af Iđiny Kaanaká

¹⁸ Iiy-hí, he ˈdeeneny tikiˈde Aˈdamallá ˈdaalleka in gálaat lúl Waag hí ˈdeensete. Tá he ekeny tikiˈde Kiristo ˈdúwáállá ˈdaalleka in Waag gálaat lúl kár gáál ki ˈduuwaycho-, gaal hí rubach ki aargiroká shigicha.

Róóma 5:18 ပူးပေါင်းရင်းမြစ်များ

Yuána 1:7

Mu ka yimíéllá he giri mu édhúm kinaallá ˈduuwle gálaat geđuo-, gálaat lulle édhum iiy yegetká.

Yuána 12:32

Tá yú af giri gaal ye les gaa egewká gálaat lulle ha yú laadhdha, muí gáál yie.

Yuána 3:26

gaal đo Yuána hol ˈdú eedhdhe, mú geey, kieye, Máá gáál he oonisúóllo, máá giri hí hol wár Yorˈdan in ˈdaatí hol gaa ˈgayye-, fayamle kuuní gálaat shigicheká, gálaat lulle hí ˈdú seeseme, gáál bie gim nannáat! gaalí mú yie.

He Ekeny Gál Alb Fimiká 13:39

Aaléka, itín máá Yíésu iiy yeetká he lullé ˈdeeđeneyká ađaablé ubaa nyúógíchlé kinaal Waag haí gaa egeyye, Waag mú máá ˈdúwaká hai ká dhaˈgasanna. Hééllá he hé hemuumurit Moshe hí ma ekemenyká.

Róóma 3:25

Waag Yíésu ali gáá kaayyééllá, he giri mu suor yeget-, fásle okodmuo-, gál hí iiy yegetká ađaabano ubaa nyuogim gaa egewká. Waag mú ali gáá kaayyééllá, in he hát ˈdúwaká Waag hí gáál ká argisiche. Hé ˈdeđew-, héle gaalí eekemeyká hé muí il er nie.

Róóma 4:25

Waag Yíésu ká silliche-, gálaat gíl geer gaa kaayye-, gálaat mú yiesallá, he giri mu ađaabanokúnno gáál gáá bibisuoká. Héétí Waag geđi mú loonoyche-, mú uushich yé gáá ˈdeeychééllá, he giri mu múún gáál innum Waaˈgiet gaa ˈduuwasuoká.

Róóma 5:12

Aaléka, ađááb mú tikiˈde ˈdaallé he ká naate, les ká hille, tá kufach íín ađaab kinaallá he yé gáá ˈdie. Yaalmitééllá in gálaat lulle kúfach mé ki koyye, ˈdaa giri gálaat lulle ađaabano hileká.

Róóma 5:15

Áˈdam ađaable ubaa hé shiicho Waag hí gáál hállééllá ka shiichééllá hol ká eiyye. Áˈdam ađaablééllá in gálaat lulle kúfach mé ki koyye. Tá Waag hé shiicho gáál ka shiichééllá ebá guđáan! Hé shiichóóllá he Yiesu Kirísto, giri muí gálaat lulle ká shie-, gáál muí ˈdú ˈjeˈjeenká.

Róóma 5:19

ˈDaa giri máá tikiˈde Áˈdamlééllá Waag af đuˈduseká in gálaat lulle ađaabano hile. Héétí, ˈdaa giri máá tikiˈde Kirísto lééllá Waag af ˈduuwayká in gál gúúđo Waag hí gál ˈdúwaká hođicha.

Róóma 6:14

ˈDaa giri itín hí hemuumurit Waag hí gál Yuuˈdi shiicheká hí gim ma gaa iđiny-, hí ˈdúˈjím Waaˈgiet gaa iđoká, hé Waag hí ma fedinyká hai hé hí he gil ki mumuroká yéen.

Korínto Erká 15:22

Gálaat lulle ˈdaa giri Áˈdam yé gáá ˈdieká in kufach hí igira. Hát tikiˈdééllá ameeny gál lúl Kirísto hol ˈdú fafaanká kufeka, Waag geđi haí logolnoycho.

Héberew 2:9

Muun hé ke argóóllá he hát Yíésu Waag hí bár gáá gaawká gál urru-, ˈgassoká el koyyeká. Aalé ˈdaa giri mu he manyjay-, kúfach il hí argiyyeká in Waag mú ˈdúúw shiiche, mú ˈduwayche. ˈDaa giri Waag gálaat geer guurá ka ˈgayyoká in kúfáchallá Yíésu hí gálaat lulle ˈdú kufe.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yuána Erká 2:20

Tá itín it Máá saas mánká hé hí Hím Naasanle shie, lulkícho it hé ˈdúwaká óg.