Róóma 5:17 - Fayam Midhab Yiesu Kiristoká He Hol Af Iđiny Kaanaká

¹⁷ Máá tikiˈde Áˈdamlééllá in ađaable gálaat lulle kúfach gim gaa iđiche. Tá Waag ˈdúˈjímle ubaa héllé shiicho-, innumleka gálaat ki ˈduuwaychóóllá ebá ˈdúwa! Ameeny gál hé shiichóóllá iiy yeget-, aargiroká in Waag hí kúfach gim gáá egeyye, gaal kúfach ká aađadhdha, luolmit biiyoká gaa yíéđima. Hééllá lúl mú tikiˈde ˈdaallé he ká nadhe, máá kinaallá he Yiesu Kirísto.

Róóma 5:17 ပူးပေါင်းရင်းမြစ်များ

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Yuána 10:10

Máá buraa léká ká yimieka, hé buruanká, hé yegeská, ubaa hé ˈdeđeneyoká tákáma hí ká egee. Tá yú ka yimíéllá he giri gál ye af maaleká luolmít aargiro-, luolmít ˈduuwle gaa yíéđianká.

Róóma 5:12

Aaléka, ađááb mú tikiˈde ˈdaallé he ká naate, les ká hille, tá kufach íín ađaab kinaallá he yé gáá ˈdie. Yaalmitééllá in gálaat lulle kúfach mé ki koyye, ˈdaa giri gálaat lulle ađaabano hileká.

Róóma 5:15

Áˈdam ađaable ubaa hé shiicho Waag hí gáál hállééllá ka shiichééllá hol ká eiyye. Áˈdam ađaablééllá in gálaat lulle kúfach mé ki koyye. Tá Waag hé shiicho gáál ka shiichééllá ebá guđáan! Hé shiichóóllá he Yiesu Kirísto, giri muí gálaat lulle ká shie-, gáál muí ˈdú ˈjeˈjeenká.

Róóma 5:20

Waag hemuumuritle af giri les ká hileká, in gálaat ađaabanolle ubaa nyuogimle ilshandhe. Tá ađaabano ubaa nyuogim ilshandheká, in Waag ˈdúˈjímle úba súm ilshante.

Róóma 6:14

ˈDaa giri itín hí hemuumurit Waag hí gál Yuuˈdi shiicheká hí gim ma gaa iđiny-, hí ˈdúˈjím Waaˈgiet gaa iđoká, hé Waag hí ma fedinyká hai hé hí he gil ki mumuroká yéen.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Róóma 8:39

úr gaa iđoká yíekaʼ, les geeréétí gaa iđoká yíekaʼ, héétí he met lullé Waag hí ka kuonnééllá hé hát níínní gielmit Waag hí muun gáál ka ˈgayyo-, ke ˈdaa Kiristo gaa argééllá gáál gaa ˈgiidhuoká mán.

Korínto Erká 15:49

Hát yaalmit máá Waag hí eeˈd tág gaa niiyyééllá yaalmitle káána ke ˈgúóllá, in aadh ˈdaatika, Máá úr gáá yimíéllá yaalmitle ke kaadhdha.

Korínto Erká 4:8

It kerka faaˈgiyyéel! It kerka kamurayyéel! Nyiini nyí gál kaansúoká muuniny, tá itíni kerka hí gál kaansúoká chie! Itín hí gál kansúoká ma onnônyal hemme, itín ubaa nyíín áwúlkúnno ke gál kansúoká ma yéénal!

Filíbi 3:9

mú nyí hol liiletká. ˈDuuw yú ˈguoká hai ˈduuw máálle nyatalaam el gaa igiroká onnôny, hí ˈduuw Waag hí máá Kirísto iiy yegetká shigichoká onnoyyo. ˈDuuw hatallóóllá Waago yé gáá ˈdeˈdeme, máá hí ˈguoká he máá Kirísto iiy yieká.

Tímote Erká 1:14

Tá Máá kúnnaa Guđo Waag hé ye ˈdúˈjímle hát ˈdabaanká ˈdú ookoˈdmie, ˈdaa Yiesu Kiristoka ye iiy yeen ubaa gielmít ká shie.

Tímote ki Naamaká 2:12

Muun ke mé ki chirteka, mú guchle áwle mú he ˈgarro ke hol mumura. Muun ke mú điidheka, mu úba hai gáál điidhma.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.

Kí Edhesiny 1:6

Mu hé muun gáál gugúch koy, gáál gál mú ˈJaallé Waag hujich ki nannuoká hoy. ˈDuuw ubaa gúch taalle bííyyo hí mú hélle yeet. Iiy-hí, he hí hát kinaallá yeet.

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.

Kí Edhesiny 20:6

Máá uushim yé gáá ˈdím erkoballá gaa ijoká ebá Waag hí ˈdú ˈjiiy! Mu he Waag máállé. Gálallá hé kúfách ki naamaká hí fargogintle mán, gaal Waag ubaa Kirísto gállé hí hujich ki nannuoká hai yeedhe, warram shíí tikiˈd Kirísto he ˈgarro hol mumura.

Kí Edhesiny 22:5

Biiy hé geđi ma chuchurany, tá ˈdaa giri Máá Guđo Waag íín he gáál édhúmléká gaal hé geđ nyátáá édhúmle ubaa aadh édhúmle ma hegesen. Aalé gaal taalle bííyyo lesso he gaa mumura.

Kí Edhesiny 3:21

Hát káána yú he lulle ká adhdhe-, káána ˈJaachú karallé guchiká nyí ˈdú iđáállá, máá hé lesalloká ká adhatká ˈduuw máálle nyí hol kara chia guchiká ˈgar yíéđianká úba ha yú shigia.