Róóma 5:10 - Fayam Midhab Yiesu Kiristoká He Hol Af Iđiny Kaanaká

¹⁰ Har káána úba ke Waag hol ka kídh onnoyka, Waag kúfách Inylééllá hé muun ubaa Waag gáál hol hilsie. Aalé káána ke Waag hol ka kídh muuninyallá, hát gon ke rubach aargiroká hé ke óg. Waag Inylé luolallá in muun gáál luolmit biiyoká shigia.

Róóma 5:10 ပူးပေါင်းရင်းမြစ်များ

Yuána 14:19

Aleđuđugul gálaat hí ye ma gaa aargirinyká hé ma faganany, tá itín geđi haí ye aargiˈda. ˈDaa giri yú ali ijoká itín úba taalle ali haí iđa.

Yuána 5:26

Íny ˈJaalle dhúrle hát fargogint gálaat luolmít ki shiguoká ˈgúóllá, in Inyle fargogint he gálaat luolmít ki shiguoká shie.

Yuána 6:40

Hé ˈJaachú hí fedoká hééllá: Máá yáá Ínyííllá ye bala ˈdu gáá nuo-, ye iiy yeetká, luolmit biiyoká hai gaa yíéđima, tá kúlích biiy el ˈdaˈdká úba uushich yé ha yú gáá ˈdeđia, Yíésu hí gáál yie.

Yuána 6:57

Hát káána ˈJaa chia luolallá ye ali gáá kaay-, tá yú ˈJaachú ˈdaalle ki luolallá, in máá gónchú kuoká úba ˈdaachú ki luol.

Róóma 11:28

Gál Yisirayel ˈbaal ˈdaa giri Fayam Midhab Kiristóóllá điidheká káána hé Waag hol ka kídh yie. Hééllá in hé hí ki midhabká hí yé gáá ˈdie. Tá Waag hé hátle gál Yisirayelallá giel, ˈdaa giri gáál eshim eshimle waarateká.

Róóma 5:11

Héétí, ˈdaa Máá kúnnaa Guđo Yiesu Kirísto giri múún ubaa Waag gáál hol hilsíélláka in muun káána úba ke Waag gaa geyyime.

Róóma 5:6

Af giri hátle ke hát mannayká, in Kirísto múúni giri ke ˈgierim Waag hí ma fedinyká gaa sesemeká gáál ˈdú kufe. Kúfách Kirísto hí gáál ˈdú kufe kinaal aleđuđugullé Waag hí muˈdeká ali kí ˈdie.

Róóma 8:32

Waag Inyle ma kulnásan-, ˈdaa kúnnoka ká sillichééllá hé úba he met lulle hát geer gaa midhantiká gáál ma ká shígîny?

Róóma 8:34

Máá muun gáál innum Waaˈgiet gaa ˈdeđensetká he mááya? Hé mán. Muun Yiesu Kirísto tikiˈde-, gáál ˈdú kufe-, Waag hí geđi loolnoyche-, hí uushich yé gáá ˈdeeyche-, káána Waag gíl ˈdaa naaniet ijóóllá, in múún gáál ˈdéé ˈdú hogodho.

Róóma 8:7

Hééllá he ˈdaa giri kas balt gonniet hí he gaa mumuˈdoká Waag nébká. Kas hatallóóllá hé hemuumurit Waaˈgiet met ma gaa kekeminy, ˈdaa giri fargogint níínní ˈgayyo-, Waag af ki ˈduuwasichoká mánká.

Korínto ki Naamaká 5:20

Aaléka, nyiin nyí Kirísto gállé nannoká. Nyiin nyí gálaat fayam Kiristo ki ˈdiyeennoká he hát Waag íín gálaat gil ki egefiyyo. Gáál gillo nyí ki egefiyya, in nyí geđicha, ˈDaa Kiristoka Waag hol hiláa, nyí gáál chegedhe.

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Eféso 2:16

Mú kúfáchlé muí ˈgór đarám yaalká ˈdú kufe kinaallá ˈdaalleka in gón tikiˈde-, gálle met hí naama-, hol ka kídh onnoyká muí Waag hol ˈdu gáá nie, nebitle muí mé ˈgidhie.

Eféso 2:3

Múún lulkúnno érléká yaalmit tikiˈde gal kinaallóóllá ke ki ije, giri gónkúnno baltle ki geymisie-, he feditle ubaa kasle ki el gaa igireká. Hát tikiˈde Waag gál hí af đuˈdusanká ˈdú iiđidhanno-, gáál bár ˈdaatika he il ka aargisichóóllá, hé úba érléká idhokúnno ˈgayye.

Héberew 2:17

Héél ˈdugaka in Waag mú hát lullé nyaaramle hí ˈgieká hoyche, giri mu Waag metle Máá méte suoryo-, ˈdúwa-, geer ka guurá ˈguoká yeget-, gálaat nyuogimle ubaa ađaabanolle ewle higidhoká.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Yuána Erká 2:1

Um chiallo, ˈdeenyééllá yú hí ˈdu gáá verenóóllá he giri hí nyuogim ubaa ađaabano ma higilinyká. Tá máádhat har nyuogich yíekaʼ, ađááb yíekaʼ hileka, af kinaalka muun hé ke Máá ˈJaa kúnnaa Waag hol af ijo-, gáál ˈdéé ˈdú hogodhoká ˈguo. Máá kinaallá he Yiesu Kirísto, giri tikiˈde-, ˈdúwaká.

Yuána Erká 4:10

Waag gielmitle he hatallá, hé muun erro ke Waag geelnedhe muuniny, Waago muun gáál er geelnete, Inyle ali gáá kaayye, giri mu suor yeget-, mu ađaabanokúnno ubaa nyuogimkúnno ewle higidhoká.

Kí Edhesiny 1:18

Máá bííyyo ali ijoká. Yáá kufe, tá bá dháash, yáá káána luol. Yú taalle bííyyo ali ha ija. Yú yáá kúfach ubaa ál gál kufeká hí mé nannuoká kúlfílle ˈguo.