Róóma 5:1 - Fayam Midhab Yiesu Kiristoká He Hol Af Iđiny Kaanaká

¹ Aaléka, ˈdaa giri ke Yíésu iiy yie-, Waag innumleka muun gáál gál ˈdúwaká chíélláka, muun káána hé ke Waag hol naanná ki ijo. Naanna kinaallá Máá kúnnaa Guđo Yiesu Kirísto ˈdaallé he ká naate.

Róóma 5:1 ပူးပေါင်းရင်းမြစ်များ

Lúka 19:38

kieye, Kánsích meeny Máá Guđo Waag kí yimíéllá ebá Waag hí ˈdú ˈguunúánne! Ur naanná! Waag Úr Iđoká kí meeyo, gaalí yie.

Lúka 19:42

kieye, Kúlích ki gaa ijóóllá hé ko naanná shiguoká kuun hí ma onnônyal hemme! Aalé káána kó hé kinaal ma kiimisan.

Lúka 2:14

Waag Úr Iđoká gaalí meeyo, gál lesallo-, muí ˈdú iifoká hí naanná yíéđuo, gaalí yie.

Yuána 14:27

Yáá hí naanná af kí hay, naanná chia yú hí shie. Naanna yú hí shíéllá, hé hát naanna gál lesalloká hí hol shiguoká muuniny. Ha ger hí gaa ˈdéénen, hí seerêny.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 5:24

Yú hí hé ˈdúwaká geeye, máá ˈdeenychú maalo-, Máá ye ali gáá kaayká iiy yeetká, hé luolmit biiyoká ˈguo, mú álle hé ˈdéé ki iđiny mán. Máá kinaallá kisso kúfach yé gaa ˈdie, luolmít hile.

He Ekeny Gál Alb Fimiká 10:36

ˈDeeny Waag hí gállé Yisirayelká ali ˈdu gáá kaayyeká it óg. ˈDeeny kinaal he Fayam Midhab naanna-, ˈdaa Yiesu Kiristo ka naateká. Yiesu Kirísto kinaallá he gálaat lulle Máállé Guđoká.

Róóma 1:17

Fayam Midhaballá héllé gáál geđichoká he ˈgíérích Waag hí gálaat ki ˈduuwaychoká. ˈGíérích kinaallá he iiy yeen kúnnaa er ke Kirísto iiy yie-, tá taalle ke mú iiy yegetallá tákáma, hát giri káána Warˈgat Waaˈgiet hí hote-, kieye, He ˈdaa iiy yeen máádhat hí Waag iiy yie-, hí ˈgúóllá in Waag mú máá ˈdúwaká chie, mú luolmít shiiche, chieká.

Róóma 1:7

Warˈgatééllá it Waag hí giel-, Waag hí ká viiyye-, hí gálle hosote-, hí Róóma gaa iđoká yú hí ˈdu gáá veere. ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Róóma 10:10

Aalé máá Yiesu Kirísto geerle iiy ki yeget-, afle he ki hogodho-, kieye, Yiesu Kirísto he Máá chia Guđoká, yegetká in Waag hí máá ˈdúwaká chegedhe, máá kinaallá rubach hai aargira.

Róóma 10:15

Tá gál gálaat ki ˈdiyeenká ˈdaab gaalí alb ma fíinyká háteeye gáál fayamééllá ki ˈdiyime? Hát Warˈgat Waaˈgiet hí hote-, kieye, Gál fayam midhabká hol gaa sisidhoká ebá ˈgas met hí mídhab! chieká.

Róóma 14:17

Guch Waaˈgiet héllé ˈdúwaká hé he kóony ubaa he ím muuniny, Guch Waaˈgiet he hát Waag hí feˈdoká ekenylé, héétí naanná ubaa geer gaa meen ke hol ki ijoká. Hééllá lulle Hím Naasan Waaˈgieto ˈdaalle yé gáá ˈdeˈdeme.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Róóma 15:33

Aaléka, Waag kúnnaa naanná ˈgayyóóllá hí lulkícho gaa yíéđiyyo. Iiy-hí, hé hí hát kinaallá yeet.

Róóma 3:22

Kar ˈdaa Yiesu Kiristo he ki taalla. Gálaat lulle Yiesu Kirísto iiy yeget-, har káána úba gál kídh mákártaká kátaka, Waag saas haí gaa egeyye, innum Waaˈgietka gaal gál ˈdúwaká hai yegedhe.

Róóma 3:30

Waag íín tikiˈde biiy gaa iđoká. Gál Yuuˈdi yíekaʼ, gál gál Yuuˈdi muuninyká yíekaʼ, máálle Kirísto iiy yieka, in Waag hí máálle hođisata.

Róóma 4:5

Tá máádhat hé hújíchlé nieká ˈdaalle ˈdugaka Waag hí máá ˈdúwaká ma chegen. He ˈdaa mu Waag iiy yieká in Waag mú máá ˈdúwaká chegedhe. Waag íín gál ađaabano ˈguo-, tá hí iiy yieká ađaabano gaa egeyye, gáál gál ˈdúwaká hođicha.

Róóma 5:11

Héétí, ˈdaa Máá kúnnaa Guđo Yiesu Kirísto giri múún ubaa Waag gáál hol hilsíélláka in muun káána úba ke Waag gaa geyyime.

Róóma 5:18

Iiy-hí, he ˈdeeneny tikiˈde Aˈdamallá ˈdaalleka in gálaat lúl Waag hí ˈdeensete. Tá he ekeny tikiˈde Kiristo ˈdúwáállá ˈdaalleka in Waag gálaat lúl kár gáál ki ˈduuwaycho-, gaal hí rubach ki aargiroká shigicha.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Róóma 9:30

Aalé hééllá háte ki gaa yeedhe? Har káána úba gál gál Yuuˈdi muuninyká Waag hí gál ˈdúwaká chegetoká kis mé ma ká ˈgiinyka, ˈdaa giri he Kirísto iiy yieká in Waag hí gál ˈdúwaká chie.

Galátia 2:16

hé ki onnodheká hééllá: Máádhat hemuumurít el gaa igiritle hé mú innum Waaˈgiet mú máá ˈdúwaká ma gaa hođiny. Máádhat Yiesu Kirísto iiy yieka in tákáma innum Waaˈgiet máá ˈdúwaká gaa yegedhe. Muun úba hé ke Yiesu Kirísto iiy yie, giri Waag innumle ˈdaa iiy yeen kúnnaa ke Kirísto iiy ki yiekáka ke gál ˈdúwaká gaa yegetká. Hemuumurít el gaa igiritle hé muun gáál gál ˈdúwaká ma hođiny. Hééllá he ˈdaa giri hemuumurít el gaa igiritle ˈdaalleka Waag máá níínní máá ˈdúwaká chegetoká mánká.

Galátia 3:25

Aalé káána iiy yeenééllá les ka hileká, muun hé ke hemuumurít gim gaa láʼ.

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Eféso 2:7

Hééllá Waag hí ekeychééllá, he giri bár ˈdaatika, Waag ˈdúˈjímle hát ˈdúˈjím lulle af mé iđoká gálaat aargisichoká. Múúni ki Kirísto hol liladhééllá Waag hát gáál ki midhabká gálaat hí argeka, Waag ˈdúˈjímlé ˈdúwáállá gálaat haí kiimita.

Filíbi 3:9

mú nyí hol liiletká. ˈDuuw yú ˈguoká hai ˈduuw máálle nyatalaam el gaa igiroká onnôny, hí ˈduuw Waag hí máá Kirísto iiy yegetká shigichoká onnoyyo. ˈDuuw hatallóóllá Waago yé gáá ˈdeˈdeme, máá hí ˈguoká he máá Kirísto iiy yieká.

Kolosááya 1:20

Héétí Inyle ˈdaalleka, he met lullé les gaa ijóóllá yíekaʼ, úr gaa ijoká yíekaʼ, shimít muuˈdoká. Shimitééllá mú Inylé ˈgór đarám yaalká ˈdú kufeká fáslé okoˈdeká hé yé gáá ˈdeˈdeenne, Waag ubaa he met lulle hol shimít ki mumura.

Kolosááya 3:15

ˈDaa giri hí gon tikiˈde-, Waag hí naanná kí viiyyeká, Kirísto naannalle hí gaa yíéđiyyo, hí he gaa muumuˈdo, Waag gielmít hol ˈdú naannáa.

Dhesaloníke Erká 5:23

Waag naannaká dhúrle hí gál iđiny ˈdúwa-, Waaˈgietká ki ijoká hoycho, hí tawunykícho ubaa sidhamkícho tá gónkícho hát ˈdabaanká chirat, giri Máá kúnnaa Guđo Yiesu Kirísto ká ˈjieka hí ˈdeensen mánká.

Dhesaloníke ki Naamaká 3:16

Máá kúnnaa Guđo naanná hí yé gáá ˈdeˈdeennoká dhúrle hí itín yaalmisano lulle naanná gaa shiiguo, mu lulkícho hí gaa yíéđuo.

Héberew 13:20

Aaléka, Waag Máá kúnnaa Guđo-, ˈdúwa-, wála ˈdeˈdeen-, Yíésu lé-, ˈdaa fásleka he hol af iđiny biiyóóllá ˈduwayallá uushich yé gáá ˈdeeyche. Waag ííni naanná ˈgayyóóllá hí he lullé ˈduuˈdúwaká gerkícho fiiyyo, giri hé midhab muí itín gaa fedoká hí ekemeychoká. Waag hí ˈdaa Yiesu Kiristoka gerkúnno hujich gaa naanniyyo, hí muun gál mú geer gaa memesuoká hoycho. Aaléka, kí Yiesu Kirístóóllá taalle bííyyo meemeyo. Iiy-hí, he hí hát kinaallá yeet.