Róóma 4:6 - Fayam Midhab Yiesu Kiristoká He Hol Af Iđiny Kaanaká

⁶ ˈDáwuˈd hé úba gál ˈdaa héllé eekemeyká muuninyká Waag hí gál ˈdúwaká ki chieká hélle hodhe. Mu gálallá hát Waag hí ˈdú ˈjiiyyeká úba hodhe, kieye,

Róóma 4:6 ပူးပေါင်းရင်းမြစ်များ

Matááyo 25:19

Aalé biiy hol ki sieteká, gede kinaal máállé guđoká hol ká nadhe, gedelle hát taataká vie, giri gáál bíre ˈdeenyle hol gáá beđisatká.

Róóma 1:17

Fayam Midhaballá héllé gáál geđichoká he ˈgíérích Waag hí gálaat ki ˈduuwaychoká. ˈGíérích kinaallá he iiy yeen kúnnaa er ke Kirísto iiy yie-, tá taalle ke mú iiy yegetallá tákáma, hát giri káána Warˈgat Waaˈgiet hí hote-, kieye, He ˈdaa iiy yeen máádhat hí Waag iiy yie-, hí ˈgúóllá in Waag mú máá ˈdúwaká chie, mú luolmít shiiche, chieká.

Róóma 3:27

Aaléka, meete ke ˈgaa, ke hol ki memeye? Gon hé mán. Tá Waag múún gáál gál ˈdúwaká chegetóóllá, he hemuumuríti ke el gaa igire? Híʼi. Hééllá he ˈdaa giri ke Kirísto iiy yieká, in mu gáál gál ˈdúwaká yie.

Róóma 4:11

Aalé mu hermite. Hedh kinaallá hélle kieye, mu hátlé ma hermísanká mú iiy yeenle ˈdaalle ˈdugaka mú Waag hí máá ˈdúwaká chie. Aaléka, mu hé gál ma hermísan-, kor Waag iiy yieká lulle ˈjaalle yie, giri gál kinaallá úba Waag hí gál ˈdúwaká chegetoká.

Róóma 4:24

He múúni giri Waag Máá kúnnaa Guđo Yíésu uushich yé gáá ˈdeeycheká ke iiy yie-, Waag múún gáál gál ˈdúwaká chegetóóllá hé úba ˈdaakúnno ki taal.

Róóma 4:5

Tá máádhat hé hújíchlé nieká ˈdaalle ˈdugaka Waag hí máá ˈdúwaká ma chegen. He ˈdaa mu Waag iiy yieká in Waag mú máá ˈdúwaká chegedhe. Waag íín gál ađaabano ˈguo-, tá hí iiy yieká ađaabano gaa egeyye, gáál gál ˈdúwaká hođicha.

Róóma 4:7

Gál Waag hí ađaabano gaa eeyye-, ađaabanollé kinaal Waag hí gíl sug ki haychéél, ebá Waag hí ˈdú ˈjiiy!

Róóma 4:9

ˈDúˈjím Waaˈgietallá gál hermisat-, Yuuˈdííllá ˈdaalle tákáma ki taallaa? Ebá hé kidh ma hermisanká ˈdaalle úba ki taal? Warˈgat Waaˈgiet kieye, Abirááyam Waag iiy yie, iiy yeenlé kinaallá ˈdaalle ˈdugaka in Waag hí máá ˈdúwaká chie.

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Galátia 3:14

Kirísto ˈdórkúnno luut kaadhdhééllá, he giri ˈdúˈjím Waag hí Abirááyam ˈdú ˈguunuanneká úba gál gál Yuuˈdi muuninyká hí ˈdaa Yiesu Kiristoká ki aargiro-, muun lulkúnno iiy yeen ke Kirísto ka ˈguoká ˈdaalleka ke Hím Naasan Waag hí muun gáál af iđicheká ke ki aargiroká.

Galátia 4:15

Aaléka, geer gaa meenkícho ále siete? Af giri ke hol ˈgieká yáá gon óg, máádhat héle hol in gáá babîny-, in máá eiy shigînyka, it onnônyká ye in kí biiyye.

Eféso 1:3

Máá kúnnaa Guđo Yiesu Kirísto ˈJaallé Waag gáál hé ˈdúwa-, hodhinne-, uratiká lulle gáál Kirísto ˈdaalle kí shieká, gaalí meeyo.

Filíbi 3:9

mú nyí hol liiletká. ˈDuuw yú ˈguoká hai ˈduuw máálle nyatalaam el gaa igiroká onnôny, hí ˈduuw Waag hí máá Kirísto iiy yegetká shigichoká onnoyyo. ˈDuuw hatallóóllá Waago yé gáá ˈdeˈdeme, máá hí ˈguoká he máá Kirísto iiy yieká.

Tímote ki Naamaká 1:9

Waagééllá in muun gáál rubach shiiche, gáál yíéđiny hí geer gaa memesichoká kí viiyye. Hééllá Waag hí muun gáál ki ekeychééllá he hé kieye, muun hé mákárta-, midhabká ki ekey, muuniny. Waag hátlé les ma ka kúóninyká hé hééllá mé ka ˈgayye, giri ˈdúˈjímle ˈdaa Yiesu Kiristoka muun gáál ka shigichoká.

Yákob 2:18

Tá kálmareka, mú tikiˈd hatallá hai yeedhe, Kúún kó iiy yeen ˈgayyo, yú yáá he ekeny ˈguo, hai yeedhe. Ebá iiy yeen kua hé gaa ekemeycho-, mánnallá ye ka argísish, tá yú íín hé chia ekemeyoká iiy yeenchú hai ko aargisicha.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.