Róóma 4:17 - Fayam Midhab Yiesu Kiristoká He Hol Af Iđiny Kaanaká

¹⁷ Hééllá he hé Warˈgat Waaˈgiet hí hote-, giri Waag Abirááyam geeyche-, kieye, Yú é meet burnayyeká ˈjaallé ko hođia, mú chieká. Waag Abirááyam hééllá af iđichééllá he Waag tikiˈde gál kufeká luolmít shigicho-, hé kálta biiy ma gaa íđinyká ˈdéé hótle yé kí ˈdeđichóóllá. Aalé Abirááyam Waag iiy yie.

Róóma 4:17 ပူးပေါင်းရင်းမြစ်များ

Matááyo 3:9

Tá haí taawûny, hí hol geđîny, hí kieye, ˈJaakúnno he Abirááyam, hí chégen. Yú hí geeye, Waag hé fargogint waarééllá um Abiraayam ki hođichoká ˈgayyo.

Yuána 5:21

Hát Íny ˈJaalle gál kufeká uushim yiem gáá ˈdeđuo-, gáál logolnoyóóllá, hát tikiˈde kinaallá in Iny gál he fedoká logolnoyo.

Yuána 5:25

Yú geđi hí ˈdúúw geeye, bar ali hai kí ˈdeenne, tá káána hé úba ali kí ˈdiiyye, giri gál kúfach gaa ijoká Waag Inyle af maalo-, tá gaal Íny af maaleka loogolnotká.

Yuána 6:63

Hím Naasan Waaˈgieto gálaat luolmít shigicha. Gon hé uˈdoká mán. ˈDeeny yú hí geeyallá he Hím Naasan Waaˈgiet sidhamkícho luolmít shigichoká.

Róóma 3:29

Waag íín he Waag gál Yuuˈdi tákáma? Hé úba gál gál Yuuˈdi muuninyká Waagle muuniny? Iiy-hí, Waag úba he Waag gál gál Yuuˈdi muuninyká.

Róóma 4:18

He af iđiny Waag hí Abirááyam af iđiche-, máálle Waag hí é meet burnayyeká ˈjaalle hođichoká chíéllá, har káána úba Abirááyam far ˈdú gogonoyyeka, Abirááyam hé Waag ˈdéé hótle ˈdúúw hote. Waag úba kieye, ˈBíl ílkú burnatle hát ˈdaab hidhinóóllá, chie.

Róóma 4:2

Har Abirááyam héllé eekemeyká ˈdaalle ˈdugaka Waag hí máá ˈdúwaká chieka, af kinaalka onnônyka hé hé hol ki memeyká ˈgie. Tá Waag hé hé kinaallá ˈdaalle ˈdugaka mú máá ˈdúwaká ma chéen.

Róóma 8:11

Aaléka, Hím Naasan Waaˈgiet Yíésu uushich yé gáá ˈdeeychééllá hé hí gaa iđo. Hát káána Yiesu Kirísto Waag hí geđi loolnoyche-, hí uushich yé gáá ˈdeeychééllá, gón kíchia kufunannóóllá úba mú Hím Naasanlé hí gaa iđóóllá ha muí ki loolnoyo.

Róóma 9:11

Umééllá hátlé ma ka ˈdaláan-, hé midhabká ubaa hé ˈdeđewká ma ekênyká, gáál ˈjiellé Rebéka Waag hí geeyche, kieye, Um kuallá máá guđoká máá ninniká gédéchle hai yeedhe, chie. Hééllá hé kieye, máádhat héllé ekeyká ˈdaalle in Waag hí kí veveenne muuniny, Waag hátlé he feˈdoká in máádhat kí veveenne.

Róóma 9:26

Hoséya úba hé veereká kieye, Ál Waag hí gáál gaa geeyche-, Waag kieye, Itín it gálchú muuniny, muí gáál yieká, ál kinaal gál hí gaa ijoká Waag haí geđicha, Waag kieye, Itín he um Waag bííyyo ali iđoká, ha muí yegedhe, Hoséya hí yie.

Korínto Erká 1:28

Gál lésalka gaalí gál ˈdúúw mánká ka dhaˈgasanká ubaa hé gaalí il bís ki dhaˈgasan-, gaalí egesheyóóllá hé Waag hí waarate, giri hé gál lesalloká hí hé ˈdúwaká ka dhaˈgasanká Waag hí hé káta mánká hođichoká.

Korínto Erká 15:45

Warˈgat Waaˈgiet kieye, Áˈdám erkoballá hé máá sidh ˈguoká yie, he chie. Tá Yiesu Kirísto-, ke Áˈdám biiy el ˈdaˈdká yegetallá, he máá uriet-, Hím Naasanle gálaat luolmít shigichoká.

Tímote Erká 6:13

Waag ííni he lulle luolmít shigichóóllá metle ubaa Yiesu Kirísto giri gaalí Bónti Bilááto ˈdú eey-, mú innumle ˈduuwle gaa huogodheká metle afo yú ko gaa tie,

Héberew 11:12

In aaléka, har káána úba Abirááyam vinadhe-, ˈdal af yé gaa ˈdieka, hé hídh guđoká hí yé gáá ˈdie. Mú hídhlé kinaallá burnatle hát hidhino urruká, héétí hát yóch ilungo ke ma totonyallá.

Héberew 11:3

Iiy yeenkúnno ˈdaalleka in Waag hát ˈdéé hótle biiy kí kuonneká ke og. Aaléka, he lullé káána ke argóóllá hé ke il ma ki arginyallá ˈdaallé he yé kí ˈdie.

Héberew 11:7

Nówa iiy yeenle ˈdaalleka in kádích hí ˈbíl geerle ririanká ˈdisse. Kadich muí ˈdissééllá he ˈdaa giri hé kálta gálaat hí ma árginyká hát ka yiimetká Waag hí mú geeyche-, mu Waag af iiy yie-, Waag hát mú gaa feˈdeká muí el gaa veereká. Hé Nówa hí ekeyallá hé gál lesalloká ˈdeente. Aalé Nówa iiy yeenlééllá ˈdaalleka in Waag mú máá ˈdúwaká chie.

Bétiro Erká 2:10

Itín érléká it é méé muuniny, kor káána it Waag é meenyle chie. Waag hé érléká hí geer guurá ma aargisîny, kor káána hé hí geer guurá argisiche.

Bétiro ki Naamaká 3:8

Sheel chia yú gielallo, tá ˈdéé umutééllá haí in ka bađâny: ˈdaa Máá kúnnaa Guđokáka, kulich tikiˈd he hát warram shíí tikiˈde, tá warram shíí tikiˈd he hát kulich tikiˈde.