Róóma 4:16 - Fayam Midhab Yiesu Kiristoká He Hol Af Iđiny Kaanaká

¹⁶ Aaléka, he af iđiny Waag hí Abirááyam af iđiche kinaallá iiy yeen ˈdaallé he ká nannaata. He af iđinyééllá ˈdúˈjím Waaˈgieto he yé gáá ˈdeˈdeenne. He af iđinyééllá hé gál Waag hí hemuumurít ka shiicheká tákámle hí ma lileny, gál iiy yeen Abirááyam hí ˈgieká ˈgúóllá úba haí aargira, ˈdaa giri Abirááyam gál Waag iiy yegetká lulle ˈjaalléká.

Róóma 4:16 ပူးပေါင်းရင်းမြစ်များ

Lúka 19:9

Aalé Yíésu kieye, ˈBílallá kúlíchallá hé rubach arge, ˈdaa giri máállá úba iny Abiraayamká.

Róóma 15:8

Yú hí geeye, Yíésu ka yimíéllá, gál Yuuˈdi-, ubaa gál gál Yuuˈdi muuninyallá met hullaallé he ˈdu gáá riebe. Mu hé Waag hí héle gál Yuuˈdi eshim eshimle af iđicheká he ˈduuwasia. Tá mu gál gál Yuuˈdi muuninyallá ˈdu gáá riebééllá he giri geer guura Waag hí gáál argisichééllá ˈdaalleka gaal Waag memeyoká. Hát Warˈgat Waaˈgiet hí hote-, kieye, Yú kidh hurt ha ko gaa meeye, gáál hurtle arram yú ko ki memeyoká ha yú gaa ˈdarama, chieká.

Róóma 3:22

Kar ˈdaa Yiesu Kiristo he ki taalla. Gálaat lulle Yiesu Kirísto iiy yeget-, har káána úba gál kídh mákártaká kátaka, Waag saas haí gaa egeyye, innum Waaˈgietka gaal gál ˈdúwaká hai yegedhe.

Róóma 3:30

Waag íín tikiˈde biiy gaa iđoká. Gál Yuuˈdi yíekaʼ, gál gál Yuuˈdi muuninyká yíekaʼ, máálle Kirísto iiy yieka, in Waag hí máálle hođisata.

Róóma 4:11

Aalé mu hermite. Hedh kinaallá hélle kieye, mu hátlé ma hermísanká mú iiy yeenle ˈdaalle ˈdugaka mú Waag hí máá ˈdúwaká chie. Aaléka, mu hé gál ma hermísan-, kor Waag iiy yieká lulle ˈjaalle yie, giri gál kinaallá úba Waag hí gál ˈdúwaká chegetoká.

Róóma 5:1

Aaléka, ˈdaa giri ke Yíésu iiy yie-, Waag innumleka muun gáál gál ˈdúwaká chíélláka, muun káána hé ke Waag hol naanná ki ijo. Naanna kinaallá Máá kúnnaa Guđo Yiesu Kirísto ˈdaallé he ká naate.

Róóma 9:8

Hééllá kieye, gál ˈbíl íl Abiraayam yé gáá ˈdíéllá ˈbaal tákáma hí um Waaˈgiet. Um Waaˈgiet he gál hé Waag hí gálaat af iđicheká iiy yieká. Gálallá in Waag hí um Abiraayam ˈdúwaká ká dhaˈgasanna.

Galátia 3:14

Kirísto ˈdórkúnno luut kaadhdhééllá, he giri ˈdúˈjím Waag hí Abirááyam ˈdú ˈguunuanneká úba gál gál Yuuˈdi muuninyká hí ˈdaa Yiesu Kiristoká ki aargiro-, muun lulkúnno iiy yeen ke Kirísto ka ˈguoká ˈdaalleka ke Hím Naasan Waag hí muun gáál af iđicheká ke ki aargiroká.

Galátia 3:16

Waag he af iđinyle Abirááyam ubaa umutlé he af iđiche. Warˈgat Waaˈgiet hé um ma chéen, umute he chie. Waag kieye, ˈDúˈjímchú ˈdaa umut kua he ká naata, Abirááyam chie. ˈDúˈjím hé gál burnayká ˈdaalle ma ká nannaan, ˈdaa umute he ká naata. Umut kinaallá he Kirísto.

Galátia 3:22

Tá Warˈgat Waaˈgiet hé gálaat lullé les gaa ijoká hát ađááb hí hiigiteká huogote, giri ˈdúˈjím Waag hí gáál af iđicheká Waag hí gál Yiesu Kirísto iiy yieká shigichoká.

Eféso 2:5

Af giri hátle ađaabanokúnno ˈdugaka ki gál kufachiet onnoyká, Waag hé muun gáál Kirísto hol ˈgar loolnoyche. Aaléka, itín ˈdúˈjím Waaˈgieto hí ki biiyye.

Eféso 2:8

Itín meka ˈdúˈjím Waaˈgieto hí ki biiyye. ˈDúˈjím hí argiyyééllá he ˈdaa giri hí Yiesu Kirísto iiy chieká. Hééllá hé ˈdaakícho yé ma gáá ˈdíiny, Waago hí ká shiiche,

Títo 3:7

giri ˈdúˈjímallá ˈdaalle Waag muun gáál iiy cheget-, ke luolmit biiyo-, muí gálle af iđie-, ke met egessóóllá ke aargiroká.

Bétiro ki Naamaká 1:10

Aaléka, nyaaramchú, laađamíe, hát ˈdabaanká yíéđía, hát itín Waag hí ká viiyye-, hí waarate-, hí gálle hosoteká kiimitíe, gálaat hí argo. Yaalmisano hatallóóllá hí ˈgayyoka, it ma riiteen, les ma ˈdaraminy.