Róóma 4:15 - Fayam Midhab Yiesu Kiristoká He Hol Af Iđiny Kaanaká

¹⁵ Hemuumurít ˈdeeneny in máádhat idho Waaˈgiet ubaa he il ká argisinyle gim gaa iđimicha. Tá hemuumurít mannânyka, af kinaalka biiy hé hemuumurít ˈdeeneny mán.

Róóma 4:15 ပူးပေါင်းရင်းမြစ်များ

Yuána 15:22

Yú onnônyka ma ká yimen-, gáál ma geenyka, gaal hé onnônyka ađaabano mán. Tá káánaka, gaal hé hát níínní ađaabano gaa faalanká mán.

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

Róóma 1:17

Fayam Midhaballá héllé gáál geđichoká he ˈgíérích Waag hí gálaat ki ˈduuwaychoká. ˈGíérích kinaallá he iiy yeen kúnnaa er ke Kirísto iiy yie-, tá taalle ke mú iiy yegetallá tákáma, hát giri káána Warˈgat Waaˈgiet hí hote-, kieye, He ˈdaa iiy yeen máádhat hí Waag iiy yie-, hí ˈgúóllá in Waag mú máá ˈdúwaká chie, mú luolmít shiiche, chieká.

Róóma 5:13

Hemuumurít hátle Waag hí gál Yuuˈdi má ká shiiny, ađaabano ubaa nyuogim hé les gaa ije. Bár kinaallá ˈdaa hé ˈdeđew-, gaalí eekemeykáka Waag hé kieye, Gaal hemuumuríti he ˈdeeđeney, ma chéen, ˈdaa giri les hátle hemuumurit Waaˈgiet mannayyeká.

Korínto Erká 15:56

Kufach fargogintlé gálaat innum ˈdéént ˈdú iđimicheká nyuogim ubaa ađaabano he yé gáá ˈdeˈdeme. Nyuogim ubaa ađaabano íín fargogintle hemuumuríti he yé gáá ˈdeˈdeme.

Galátia 3:10

Gál kieye, Hemuumurít el gaa igiritle he ˈgíérích muun innum Waaˈgietka ke ki gál ˈdúwaká hol yegetká, ˈdórro he ˈgaa, ˈdaa giri hé Warˈgat Waaˈgiet hí hote-, kieye, A meeny máádhat he lullé Warˈgat Hemuumuritiká gaa ijoká el ma gaa igirinyká ˈdórro he ˈgaa, chieká.

Galátia 3:19

Tá af kinaalka, hemuumurít hélle meete? Gálaat ˈdaa giri hé ˈdeđewká gaa seseenká in Waag gálaat hemuumurít kí muˈde, ˈdaab umut Waag hí Abirááyam af iđicheká ma ka ˈdaláanká. Hemuumurit Waag hí gálaat ka shigicheká Waag gállé ˈgasso-, urruká hí ká sisidhe, hí máá Waag ubaa gálaat toom gaa sesemeká shigie.

Eféso 5:6

ˈDaa giri Waag gál hí af đuˈduse-, hé ˈdeđew kinaal gaa seseenká ˈdú idhanne-, gáál he il ká aargisichoká, máádhat haí ˈdeem nyag maamanká ki nyiimísan.

Kolosááya 3:6

Yaalmisanóóllá ˈdaalle ˈdugaka, Waag idholle hé geđ igiˈdo.

Yuána Erká 3:4

Ameeny máá hé ˈdeđewká ekemeyoká úba hemuumurit Waaˈgieto he ˈdeđeneye. Hé ˈdeđewká eekemeny, he hemuumurit Waaˈgiet ˈdeeneny.

Kí Edhesiny 19:15

Mú ageerle faaˈd órof-, alléká hí gáá fuoriche, giri kidh mú hol yegeská muí ki beđisatká. Mu gasar síbilká kidh af hai ki tataa. Hát káána gálaat saano vinna ˈdú ˈdiđian-, ˈdúú gaa ˈduˈdúóllá, mu Waag fargogínt lulle ˈgayyoká idhollé guđoká hai kí yiimedhe, gál mú hol ka kídhká ha muí ˈdú ˈdiđima.