Róóma 3:5 - Fayam Midhab Yiesu Kiristoká He Hol Af Iđiny Kaanaká

⁵ Tá kálmaréel máádhat kieye, Ađaabano kúnnaa ke higilóóllá hé gáál midhant Waaˈgiet aargisuo, tá Waag har múún gáál he il ká aargisichoka, af kinaalka Waag hé ˈdeew, yieka, tá múún háte ke yeedhe? Hééllá hé gáál ˈbaal hí taawuoká yú hogodho.

Róóma 3:5 ပူးပေါင်းရင်းမြစ်များ

Róóma 12:19

Sheelchú, haí hala kakáany, Waag idholle kar shiigía, hí hala ká naanniyyo, hát Warˈgat Waaˈgiet hí chie-, kieye, Hala kaany yaa hí le, hí ká nannaa, Máá Guđo Waag hí yie, warˈgát hí chieká.

Róóma 2:5

Aaléka, ˈdaa giri hí met ki guogo-, hí hé kíchia ˈdeđewká ma haađinykáka, in hí Waag kúlíchlé gálaat ˈdéé ki iđimicho-, gálaat he il ká aargisichoká ali kí ˈdeennoká idhollé hí áár kaate.

Róóma 3:19

Hééllá hé gaa édhká, hemuumurít gál Waag hí shiiche-, Yuuˈdííllá ˈdaallé he ki taalla, giri gálaat fálaam ká ririat-, gálaat lulle innum Waaˈgietka ˈdeensen ˈguoká.

Róóma 3:7

Héétí kálmaréel máádhat hatal hai faalma, kieye, ˈDeeny chia hódho-, yú hogodhóóllá hé Waag hát hódho mán-, ˈdúwaká gálaat aargisuo. Tá Waag háteeye geđi ye ˈdeđensete, ye máá ađááb ˈguoká cheedhe? hai yeedhe.

Róóma 4:1

Aaléka, eshi eshim kúnnaa gál kúnnaa Yuuˈdííllá hí yé gáá ˈdie-, Abirááyam lééllá ˈdaalleka, kor háteeye?

Róóma 5:8

Tá Waag gielmitlé gáál gielká hátlé gáál ka argisicheká hééllá: Af giri hátle ki ađaabano ubaa nyuogimkúnno gaa ijeká in Kirísto gáál ˈdú kufe.

Róóma 6:1

Aaléka, háte ki ˈdeeme? He in taalle ađaabano ke higilla, ki gaa ija, giri Waag ˈdúˈjímlé gáál ˈdú ˈjeˈjeennoká súm iilshanatkâ?

Róóma 6:19

Yú hí af gálaat ki geđúóllá, he ˈdaa giri tawunykícho tawuny gálaatká. Itín kíssóótíá it metkícho ki seseenne, hé gaa nyakarichká gedelle chie, it ađaabano hí ki fiidhe. Aalé káánaka gede Waaˈgiet hé ˈdúwaká ekemeyo-, saas mánká yeedhíe.

Róóma 7:7

Aalé háte ke yeedhe? Hemuumurít káána he ađáábo ke yeedhe? Híʼi, hemuumurít gon hé ađááb muuniny. Biiy héle hemuumurít mannânyka, yáá onnônyka hé Waag hí ma fedinyká ma kiimísan. Hát káána hemurit kieye, ha hé gálaat gajaltle ˈgíiny, chieká mannânyka, yáá onnônyka gajált hát Waag hí ma fedinyká eiy ma náásan.

Róóma 8:31

Aalé káána, hé midhab hatallóóllá ˈdeeny máre ke hol gaa nannaa? Waag har ˈdaakúnno ki taalka, meete ke kikiadha?

Róóma 9:30

Aalé hééllá háte ki gaa yeedhe? Har káána úba gál gál Yuuˈdi muuninyká Waag hí gál ˈdúwaká chegetoká kis mé ma ká ˈgiinyka, ˈdaa giri he Kirísto iiy yieká in Waag hí gál ˈdúwaká chie.

Korínto Erká 15:32

Yú onnônyka har máá kufeka, Waag geđi hí ma logolnonyká kátaka, af kinaalka laat yú ubaa gál bíne kach ˈguo-, ˈjien Efeso gaa ijóóllá nyí hol ki lađaanneká ˈduuw máre he ˈgayye? Har gál kufeká Waag hí geđi ma logolnonyka, af kinaalka ˈdéé hót giri kieye, Beríka in ke kufuma háluke, kí he kuo, kí he ˈjio, chegetóóllá, ki el gaa veereka kalat máámaʼ?

Korínto Erká 9:8

Yú ˈdaalim gálaato ˈdéé ki hogodho? Hemurit Waaˈgiet hé úba hééllá ma hôn?

Korínto ki Naamaká 6:4

ˈDaa kinaallá in hát lullé nyí iđaká ubaa he lullé nyí ekemeychoká ˈdaalleka gálaat hát nyiin nyí gede Waaˈgietká kiimita. Hatallá in hééllá lulle nyí mé ki chichirsata: gálaat nyí maanyjasia, nyí aayˈgasia, nyí he il ká aargisia,

Korínto ki Naamaká 7:11

Tá bá dhaayyíe, ger gaa ˈdeenen Waag hí ki feˈdééllá, hát hí hé midhabká hí yé ˈdú ˈdeeychééllá, it argiyye? It góf hé tagléká ekemeycheká ˈgayye. It Waag hí ˈdeđenseteká ma fédiny. It hé hurtkícho yé gáá ˈdieká ˈdú idhanne, he il ká argisinyle kiate, ađaab kinaal hí hol yé gaa ˈdeđicheká it úba feˈde, hí ki ˈgađasanne. It máá he ˈdeeney kinaal ˈdéé ki iđiche. It ˈdeenyééllá Waag innumle hát tagléká gaa beesete.

Galátia 2:18

Tá hemuumurít el gaa igiritle he onisinylé kis yú eiy fufueká geđi yú hol ˈdú nannaatka, yú gon af kinaalka máá ađááb ˈguoká.

Galátia 3:15

Nyaaramchú, ebá gálaat hélle yú hí ká geeye. Gálaat hol ˈdéé af iđieka, ˈdeeny kinaallá hé máá hí ˈdéé um gaa haađuo-, muuninyka, hí ˈdéé um af ˈdú fafuoká mán.

Kí Edhesiny 15:3

Gaal Waag ubaa Élíny ár hát ár gédéch Waaˈgiet Móshe léká hí ˈdoyká ki meey, aar kieye, Máá Guđo Waag fargogínt lulle ˈgúóllo, hé kuuní ekemeychoká ebá guđáan, tá ke af ˈdaˈdaba! Kó kidh lulle Kánsích lééllo, ˈgierimkú ebá ˈdúwa, tá tagle ˈgee!

Kí Edhesiny 18:20

Úrru, geer hí ko gaa meet! It gál Waaˈgietallo, it gál alb fimííllo, it Waag hí ˈdeem ka shigichééllo, ger hí gaa meet! ˈDaa giri ˈdéé hót ˈjienééllá hí itín ˈdú iđicheká Waag hí geđi ˈjienééllá ˈdú iđicheká, ger hí gaa meet! ˈdéé hót hí chie.