Róóma 3:31 - Fayam Midhab Yiesu Kiristoká He Hol Af Iđiny Kaanaká

³¹ Aaléka, ˈdaa giri ke Kirísto iiy yíéllá, he hemuumurit Waag hí gál Yuuˈdi ka shiichééllá kí gadho, ke yeedhe? Híʼi, he hé hát kinaallá muuniny. Hemuumurít hélle ha ke đuusia.

Róóma 3:31 ပူးပေါင်းရင်းမြစ်များ

Matááyo 15:6

Hééllá in kín yaalmit gál gáál ˈdaloká ke ki kikiatkâ? Itín it nyátálkícho ˈderneyche, hí ˈdeeny Waaˈgiet eesheyche.

Matááyo 3:15

Yíésu Yuána ˈdéé hol ˈdú nie, kieye, Ye hash, he hí káána hatallá yeet. Hatallá ke ekeyka, in hé ˈduwanti-, Waag hí feˈdoká ke đusie, Yíésu hí Yuána yie. Aalé Yuána đo iiy yie.

Matááyo 5:17

Aaléka, haí kieye, mu ka yimíéllá mu hemuumurit Waag hí Móshe ka shiicheká ubaa ˈdeem gál Waag hí ˈdeem ka shigicheká hí veereká he les gaa beđia, hí ye chéen. Yú ka yimíéllá yáá hé kinaallá les ma gaa beđiny, yú hemuumurit kinaallá ubaa ˈdeem kinaallá héllé đuđusia.

Matááyo 5:20

Aaléká, yú hí geeye, itín har hát Waag hí feˈdoká hí hát ˈduwantiká el ma gaa igiriny-, hí gál Farisaay ubaa gál gálaat nyatalaam oonisuoká hí af mé ma ˈgisanka, af kinaalka itín gon Guch Waaˈgiet ál níínní hí ki higillaká mán.

Lúka 20:16

Mu hai ká yiimedhe, gál kinaal af hai ki beđita, les gál eiy af hai iđimia. Yíésu hí gáál yie. Gálaat ˈdeenyéél maaleká, kieye, Hé kinaal Waag hí điito! yie.

Róóma 10:4

ˈGíérích Waag hí feˈdóóllá he Kirísto. Af giri Kirísto ka yimieká in hemuumurít bárle me hí ˈgidhe. Aalé káána ameeny gál Kirísto iiy yegetká lulle Waag innumleka gál ˈdúwaká hai yegedhe.

Róóma 2:20

Héétí gál đéeská gállé hí af tatuoká hol hoyche-, gál ˈdaa ma lílenká gállé hí he oonisuoká hol hoychéel! It halúg ˈdaalím ubaa ˈdúúw lulle hát hemuumurit Waaˈgiet gaa iđoká ógal!

Róóma 3:4

Híʼi, he hé hát kinaallá muuniny. Har gálaat lulle úba hođom líítaka, Waag íín hát lullé he ˈdúwa, hát káána ˈDáwuˈd hí Waag geey-, mu kieye, Hé kuuní hogotoká taglé, ˈdeensenkú hé ˈdúwa, yieká.

Róóma 3:6

Tawuny hat kinaallóóllá Waag hí điito! Waag hé hé níínní ˈdeeneycheká mán. Tá Waag har gál he ˈdeđeneyoká he il ma ká aargisinyka, af kinaalka ˈdéé ki iđinyle hé tagle muuniny.

Róóma 4:14

Tá gál hemuumurít el gaa igiro-, kor iiy yeen mánká har gál af iđiny Waaˈgiet aargiroká kátaka, af kinaalka iiy yeen hé ˈdúúw mán, he af iđiny Waaˈgiet úba hé kátaká mán.

Róóma 7:22

Hemuumurit Waaˈgiet kaschúka yáá tág giel,

Róóma 7:25

Gón kufachietallá máá hí ye gaa ririanká he Máá kúnnaa Guđo Yiesu Kirísto! Aaléka, kí Waag gielmít hol ˈdú nuo! Aalé it yaalmit chia kissoká argiyye. Kaschú íín hemuumurit Waaˈgiet ki tielleká he feˈde, tá ˈdaa giri yú ađaabano gim gaa ijeká in yú ađaabano hemuumuritle af ˈduuwasie.

Róóma 8:4

Aalé múúni káána ke Hím Naasan Waaˈgiet atimle el gaa igiro-, ke balt gónkúnno el ma gaa igirinyallá, in hemuumurit Waaˈgiet héllé gáál gaa feˈdoká ki đuusinyle ura.

Korínto Erká 9:21

Hát tikiˈdééllá af giri yú gál gál Yuuˈdi muuniny-, hemuumurit Waag hí Móshe ka shiicheká mánnallá hurt gaa ijoká, yú hát máá hemuumurit kinaal mánká ká ija, giri gál kinaal yú Kirísto ˈdú gáá egewká. Tá yú hééllá ekemeyóóllá hé kieye, yáá hemuumurit Waaˈgiet mán ma yegen. Yáá hemurit Kiristo gim gaa ijo.

Galátia 2:19

Hemuumurít ˈdaalleka yáá hemuumurít gim yíé gaa ˈdie, giri yú Waag ˈdaalle ki yaalká.

Galátia 2:21

Yáá gielmit Waag hí muun gáál ka ˈgayyoká ma egesheny. Gálaat hemuumurít el gaa igiritle hí saas ˈdaˈdabsînyka, af kinaalka Kirísto hállééllá he kufe, yú Bétiro yie.