Róóma 3:27 - Fayam Midhab Yiesu Kiristoká He Hol Af Iđiny Kaanaká

²⁷ Aaléka, meete ke ˈgaa, ke hol ki memeye? Gon hé mán. Tá Waag múún gáál gál ˈdúwaká chegetóóllá, he hemuumuríti ke el gaa igire? Híʼi. Hééllá he ˈdaa giri ke Kirísto iiy yieká, in mu gáál gál ˈdúwaká yie.

Róóma 3:27 ပူးပေါင်းရင်းမြစ်များ

Márko 16:16

Máá ye iiy yeet-, gaalí bie gim nuoká rubach hai aargira. Tá máá ye iiy ma yéenká kúlích Waag gálaat hol eiy gaa nanniyyoká hé ˈdeewká il haí aargiˈda.

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

Róóma 10:5

Móshe hemuumurít el gaa igiritle ubaa máádhat máá ˈdúwaká yegetká ˈdaalleka hé veereká kieye, máádhat hemuumurít lulle el gaa veere-, ˈduwasieka, luolmít hai aargira, he yie.

Róóma 11:6

Gaal hátle gál Waaˈgietallá he hé kieye, he símisso gaalí gaa dhiire muuniny, he Waago gáál ˈdú ˈjiiyye, gáál geer guurá argisiche. Tá ˈdúˈjímallá har hé gaalí símis gaa dhiireká kátaka, hé onnônyka hé shiicho halleelloká muuniny.

Róóma 2:17

It halúg hí gál Yuuˈdi-, hí kerka hí hemuumurit Waag hí shiicheká hát ˈdabaanká ki ˈgiiyya-, hí hol memeyche-, hí Waag gálle hol chegetóol!

Róóma 2:23

It hemuumurit Waaˈgiet hát hí súm ógká gálaat geđicháal! Hemuumurit Waaˈgiet hí ˈdeđeneychóóllá, hé kinaallá Waago hí egesheyche muuniny?

Róóma 3:19

Hééllá hé gaa édhká, hemuumurít gál Waag hí shiiche-, Yuuˈdííllá ˈdaallé he ki taalla, giri gálaat fálaam ká ririat-, gálaat lulle innum Waaˈgietka ˈdeensen ˈguoká.

Róóma 3:26

Hééllá muí il er níéllá, he ˈdaa giri mu gáál nog ki sesemeká. Tá báralka, suor Yiesúúllá Waag hát he ˈdúwaká gáál ká aargisicha. Héétí gál Yíésu iiy yegetká in Waag hí gál ˈdúwaká chegedhe.

Róóma 4:2

Har Abirááyam héllé eekemeyká ˈdaalle ˈdugaka Waag hí máá ˈdúwaká chieka, af kinaalka onnônyka hé hé hol ki memeyká ˈgie. Tá Waag hé hé kinaallá ˈdaalle ˈdugaka mú máá ˈdúwaká ma chéen.

Róóma 7:21

Yaalmit chia kinaal hé yú gaa kimiteká, he af giri yú hé midhabká ekemeyoká fedoká, in hé kinaal afle yú hé ˈdeđewká ekemeye.

Róóma 7:23

tá yáá hemuumurit éíy taaka gón chiallá gaa iđo-, ubaa kaschú hol oosó-, ye a mé kí ˈjeˈjeennoká hol ki shuunne. Hé kinaallá he ađaabano hemuumuritle gón chiallá gaa iđóóllá.

Róóma 7:25

Gón kufachietallá máá hí ye gaa ririanká he Máá kúnnaa Guđo Yiesu Kirísto! Aaléka, kí Waag gielmít hol ˈdú nuo! Aalé it yaalmit chia kissoká argiyye. Kaschú íín hemuumurit Waaˈgiet ki tielleká he feˈde, tá ˈdaa giri yú ađaabano gim gaa ijeká in yú ađaabano hemuumuritle af ˈduuwasie.

Róóma 8:2

Aalé itín ˈdaa Yiesu Kiristoka, fargogint Hím Naasan Waaˈgiet hí luolmít shigichóóllá hé fargogint ađaabano hí kúfach mé ki kokoyyoká hé hí gim yé gáá ˈdeeyche.

Róóma 9:11

Umééllá hátlé ma ka ˈdaláan-, hé midhabká ubaa hé ˈdeđewká ma ekênyká, gáál ˈjiellé Rebéka Waag hí geeyche, kieye, Um kuallá máá guđoká máá ninniká gédéchle hai yeedhe, chie. Hééllá hé kieye, máádhat héllé ekeyká ˈdaalle in Waag hí kí veveenne muuniny, Waag hátlé he feˈdoká in máádhat kí veveenne.

Róóma 9:31

Tá gál Yisirayel-, gál Yuuˈdi lééllá íín har káána úba Waag hí gál ˈdúwaká chegedheká fedeka, hé Waag hí gál ˈdúwaká ma chéen. Gáál hemuumurit el gaa igiritle hé hí gál ˈdúwaká ma hôny.

Róóma 9:32

Tá háteka hemuumurit Waag hí gáál ka shiichééllá el gaa igiritle gáál gál ˈdúwaká innum Waaˈgiet ma gaa hónyal? Hééllá he ˈdaa giri gaal hemuumurít hélle ekemeyká fede-, kor gaal Kirísto iiy ma yéenká. Gáál hé wár gálaat ˈgas mé ki ˈdaraanká hí riigirsie,

Korínto Erká 4:7

Mááya hí gálaat ˈdú ˈduwanay? Tá hé hí ˈgayyáállá lulle hé Waag hí ma ka shíiny? Har hé kinaal lulle hí Waag gaa argiyyeka, af kinaalka háteka hí he hol bal ki ˈdaraanno-, hí he hát hé shiichoká ma ká dhaˈgaminyal?

Galátia 2:16

hé ki onnodheká hééllá: Máádhat hemuumurít el gaa igiritle hé mú innum Waaˈgiet mú máá ˈdúwaká ma gaa hođiny. Máádhat Yiesu Kirísto iiy yieka in tákáma innum Waaˈgiet máá ˈdúwaká gaa yegedhe. Muun úba hé ke Yiesu Kirísto iiy yie, giri Waag innumle ˈdaa iiy yeen kúnnaa ke Kirísto iiy ki yiekáka ke gál ˈdúwaká gaa yegetká. Hemuumurít el gaa igiritle hé muun gáál gál ˈdúwaká ma hođiny. Hééllá he ˈdaa giri hemuumurít el gaa igiritle ˈdaalleka Waag máá níínní máá ˈdúwaká chegetoká mánká.

Galátia 3:22

Tá Warˈgat Waaˈgiet hé gálaat lullé les gaa ijoká hát ađááb hí hiigiteká huogote, giri ˈdúˈjím Waag hí gáál af iđicheká Waag hí gál Yiesu Kirísto iiy yieká shigichoká.