Róóma 3:19 - Fayam Midhab Yiesu Kiristoká He Hol Af Iđiny Kaanaká

¹⁹ Hééllá hé gaa édhká, hemuumurít gál Waag hí shiiche-, Yuuˈdííllá ˈdaallé he ki taalla, giri gálaat fálaam ká ririat-, gálaat lulle innum Waaˈgietka ˈdeensen ˈguoká.

Róóma 3:19 ပူးပေါင်းရင်းမြစ်များ

Yuána 15:25

Tá hééllá hé gaalí Warˈgat Waaˈgiet gaa veere-, giri kieye, Gaal hállééllá ye nebedhe, chieká, he ˈduwasie.

Yuána 8:9

Aalé gál min ka ˈgiliˈgayká héél maaleká hát taataká eiy yíé ˈdeeˈdeme, karu erkob yíé ˈdie, ˈjíig gaal lulle el gaa ˈgidhe. Yíésu ubaa min tákámle nyesebich hurt kí ˈgite.

Róóma 1:20

Ameeny Waag les ka kuonneká fargogintlé biiyoká ubaa íín hát he lúl hí ki ijoká lúl hé édh-, kaany mánká tákáma. He met lullé Waag hí ka kuonnééllá in Waag ke il ma ki argirinyallá ˈduuwle gálaat aargisia. Aaléka gálaat Waag ˈduuwle hé hát níínní gaa faalanká mán.

Róóma 3:2

Iiy-hí, gál Yuuˈdi hé gál kidhdhoká hé hé ˈdúwa-, burnayká ˈdú ˈguo. Hé súm ˈdúwa-, gaalí gál kidhdhoká ˈdú ˈgúóllá, he ˈdaa giri gaal íín Waag hí ˈdeenyle gíl geer gaa kaayyeká.

Róóma 3:23

Gálaat lulle hé ađaabano hile, muun hé ˈdúwa-, Waag hí gáál gaa feˈdoká hé ke ma ekêny.

Róóma 3:4

Híʼi, he hé hát kinaallá muuniny. Har gálaat lulle úba hođom líítaka, Waag íín hát lullé he ˈdúwa, hát káána ˈDáwuˈd hí Waag geey-, mu kieye, Hé kuuní hogotoká taglé, ˈdeensenkú hé ˈdúwa, yieká.

Róóma 3:9

Aaléka, múúni ki gál Yuuˈdííllá, Waag innumleka, hé ke gálaat ˈdú ˈdúwa, ke hol yegedhe? Híʼi, he hé hát kinaallá muuniny. Hé ke hí geeyká kieye, gálaat lulle, gál Yuuˈdi yíekaʼ, gál gál Yuuˈdi muuninyká yíekaʼ, lulle ađaabano he gim gaa ija, muunîny?

Korínto Erká 1:29

Waag hééllá ekeychééllá, he giri innumleka máá níínní hol memeyoká mánká.

Galátia 3:10

Gál kieye, Hemuumurít el gaa igiritle he ˈgíérích muun innum Waaˈgietka ke ki gál ˈdúwaká hol yegetká, ˈdórro he ˈgaa, ˈdaa giri hé Warˈgat Waaˈgiet hí hote-, kieye, A meeny máádhat he lullé Warˈgat Hemuumuritiká gaa ijoká el ma gaa igirinyká ˈdórro he ˈgaa, chieká.

Galátia 4:21

Ebá, it giri hí hemuumurít gim gaa iđaká feˈdoká ye ka geeyyíe, hemuumurít hát chegetoká it múog?

Galátia 4:5

giri gál hemuumurít gim gaa ijoká yé ká ˈdeđisat-, Waag muun gáál umle hođisatoká.

Galátia 5:18

Tá Hím Naasan Waaˈgiet atimle hí el gaa igiˈdaka, af kinaalka hemuumurít gim gaa iđinyle meete hí le?