Róóma 2:8 - Fayam Midhab Yiesu Kiristoká He Hol Af Iđiny Kaanaká

⁸ Tá gál giri tákámle he hol ki fedo-, hé ˈdúwaká điđidhan-, hé ˈdeđewká el gaa igiroká, Waag idholle ubaa Waag he il ká argisinyle hai aargira.

Róóma 2:8 ပူးပေါင်းရင်းမြစ်များ

Róóma 1:18

Waag hé gálaat geeyche, giri idholle úr gáá haađicho-, gál Waag kian ka mán-, héllé gaa nyakarich-, gaa seseen-, hé ˈdúwaká mé ki yuyuoká lulle ˈdú iđimichoká.

Róóma 10:16

Tá hé kinaallá hé kieye, gál gaalí Fayam Midhaballá ki ˈdiiyimeká lullé fayám iiy yie muuniny. Hát káána héle Yisááya Waag yiete-, kieye, Máá Guđo, mááya fayam kuun hí ye ká shiiche-, yú gáál ki ˈdiiyimeká iiy yie? yieká.

Róóma 15:18

Tá yú yáá hújíchallá nímle fargogintle hol bal ma ki ˈdaraminy. Fargogint Kiristo in yú ˈdeem ki hogodhe, yú hujich ki nannie, in gál gál Yuuˈdi muuninyallá fayam Kiristóóllá iiy yie.

Róóma 6:17

Aalé it giri érléká hí hé ˈdeđew-, Waag hí ma fedinyká gedelle onnoyyeká, it káána he onisiny Waaˈgiet hí argiyyeká hol ˈdú hayche, hí el gaa veeˈde. Hé kinaal ˈdugaka Waag hí ˈdúúw eet!

Róóma 9:22

Tá Waag ííni fargogintle gálaat aargisicheká feˈde-, gál hí điidheká idholle ˈdú iđimicheká feˈdééllá, har hol tiiyye-, gál onnônyka he beđisate-, idholle ˈdú iđimiche kinaal har nog ki sieteka, hééllá meete ˈdeew ke gaa hogodho?

Korínto Erká 11:16

Tá har máádhat héél fálaam gaa iđimuoka, nyiin ubaa gál Kiristo Waaˈgiet alb eiy gaa ijoká ˈdéé hótéél ˈdaalleka, nyáá nyí nyátál éíy taaka ˈgayya-, nyí el gaa verenoká mán.

Korínto ki Naamaká 12:20

Hé geerle ye gaa ˈdeewká, he yú bííykícho ká yimieka, it kálmaréél hát yú hí ki fedoká ma ká iđiny, in aaléka hé yú hí geđuoká kálmareka hí ma fediny. Hé yú hí ma gaa fedinyká, he hol ki fálaam, hinááf, ídho, hol eiy gaa ˈgiiˈgisan, hol méé ˈdeeneny, heengʼeen, hol gál ˈdúwaká ká dhaany, tá hol shalal fiiny.

Galátia 5:20

héétí hé Waag muuninyká visan, gil ka he ním ˈgany, nebíti, hol af ká điiny, hinááf ˈgany, idho hol gáá mony mánká, hol he ki fedíti, hol eiy gaa ˈgiiˈgidhiny, he onisiny hódhoká,

Filíbi 1:17

Gál Kirísto hát hinaafietká ˈdiyeenallá, hé fayám hát ˈduwantiká ma ˈdiyíminy, gaal hát he hol ki feditiká he ˈdiyime, gaal kasleka, gaal kerka yáá hiigin gaa ijóóllá geđi ye súm geer gaa ˈdeđeneye.

Filíbi 2:3

He lullé hí ekemeychoká, haí tákámkícho he hol ki fédiny, ubaa hí hol gaa memêny. Tá hol ˈdúúw ría, gál eiy hát hí ˈdú ˈdúwaká ka dhaayyíe.

Dhesaloníke ki Naamaká 1:8

Mu íín ˈjiet boloonká hai kí yiimedhe, giri gál Waag điidhe-, Máá kúnnaa Guđo-, Yíésu lééllá Fayamlé Midhaballá met ma gaa kekeminyká lulle he il ká aargisuoká.

Títo 3:9

Aaléka, ˈdeem đeemo-, met mán-, gálaat hí hol ˈdú nannuoká, ubaa hol đuuram ˈdaakany shalalaamlé, héétí nyatalaam hol ki fálaam, mé af ˈgísso. Yaalmisanóóllá hé níínní ˈdiefo-, hí yé gáá ˈdeˈdeenká mán.

Héberew 10:27

Gál hatallóóllá hé hí kí ˈgiteká he ˈdeeny biiy met gaa igiro-, Waag hí gáál ki iđimichoká ubaa ˈjiet bolo-, gál Waag ka kídhká af ki shugunatká siermlé hí kí ˈgisate.

Héberew 11:8

Abirááyam iiy yeenle ˈdaalleka, af giri Waag hí geeyche-, Waag kieye, Keʼ, lés éíy taaka-, yú ko ka shigúóllá mé naʼ, Waag hí mú chieká, in mu Waag af ˈduwasie. Har káána úba ál muí mé nannie kinaal muí moonnoyka, mu hé Waag af ˈduway, kie.

Héberew 5:9

Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Yákob 3:14

Tá har hí hinaaf ˈdeewká ubaa he hol ki fedit gálle gálaat ˈdú ˈduuwawká ger ká ˈgayyaka, haí hé kinaallá hol ki memêny. Tá har hí hé kinaallá ekemeycheka, af kinaalka hé ˈdúwaká hí hol gaa layye, hí hé hódhoká hoyche.

Yákob 3:16

Aaléka, ál hí hinááf ubaa he hol ki fedit gálle gálaat ˈdú ˈduuwawká gaa ˈgayyaká ál kinaallá hé hol af ma maalít ubaa he lullé ˈdeđewká hé hí gaa ijo.

Bétiro Erká 3:1

ˈDége, hát tikiˈdééllá beelemkícho met gaa keekemíe, giri min bélle Fayam Midhaballá iiy ma yéenká, úba bélle ma geenyka, húgúmlé midhab he ˈgayyoká bélle Waag ˈdu gáá egewká.

Bétiro Erká 4:17

Aaléka, Waag aleđuđugul ˈbíl geerle ˈdéé ki iđimichoká ˈjóbo ali kí ˈdeenne. Tá he har múún Waag hí gáál mé kí kooteka, gál fayam Waaˈgiet met ma gaa kekeminyká, kor me hí ále?

Kí Edhesiny 14:10

máá kinaallá Waag idholle ˈduunylé kamadhe-, Waag kulullé idhoká gaa ijoká hai igima. Máá kinaallá Waag gállé ˈgasso-, urruká ubaa Élíny metle ˈjiet ubaa waar ˈjiet hí gaa boloonká haí maanyjasia.

Kí Edhesiny 16:19

Aalé ˈjien giri guđo-, Bábilon léká eiy seđ ká ˈgiiˈgite, tá kidh éíy taakáátíá ˈjienle úba eiy ˈgiiˈgite. Af kinaal Waag Bábilon Guđóóllá ˈdeentle táb ˈdoote, he ˈdú moyche, giri Waag kulullé ˈduu idho-, guđoká Bábilon hí igianká.