Róóma 2:7 - Fayam Midhab Yiesu Kiristoká He Hol Af Iđiny Kaanaká

⁷ Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Róóma 2:7 ပူးပေါင်းရင်းမြစ်များ

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Lúka 21:19

Hééllá hí mé ki chichirsatoka, luolmit biiyoká haí aargiˈda.

Lúka 8:15

Ár giri máá les fafuoká hí ál máálká gaa fieká hélle he hát gál ˈdeeny Waaˈgiet maaleka, ˈdéé ger ˈdúwa-, midhabká hát ˈdabaanká ki chiirat-, hol tatuo-, ˈdeeny Waaˈgiet ki higirawká, Yíésu hí lalille yie.

Yuána 4:36

Máá ˈguom mé ˈdaraanká hé símísle he gaa arge, ˈguom ˈdaa luolmit biiyoká ki đuorie. Hatallá in máá ˈguom fafuoká ubaa máá ˈguom mé ˈdaraanká hol ˈgar geyyime.

Yuána 5:44

Itín hí hol eiy memeychoká hí feˈde, tá Waag ali ka takachká hí itín memeychoká in hí mé ká man háluke, tá háteeye hí ye iiy chegedhe?

Róóma 2:10

Tá ameeny máá hé midhabká ekemeyoká Waag haí meeyche, máá ˈdúwaká Waag haí cheedhe, naanná ha muí shigia. Hééllá erkob gál Yuuˈdi hí aargira, el gaa igíˈdelle gál gál Yuuˈdi muuninyká úba hí aargira.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Róóma 8:18

ˈDuuw bár ˈdaatika Waag hí gáál ka shigichóótíá hé manyjany ke lésallá gaa maanyjawallá ke hol ma ki ekemeny. Manyjanyééllá hát hé káta mánká yú ká dhaˈgama.

Róóma 9:23

Waag hééllá ekemeychóóllá, he giri guchlé ˈdúúw ˈgayyóóllá gál he waarateká aargisichoká. Tá Waag har gálallá he gál geer guuralle aargisicho-, ubaa hí guchle higiloká hođichoka, hééllá meete ˈdeew ke gaa hogodho?

Korínto Erká 15:42

Gál kufeká Waag hí uushim yiem gáá ˈdeđichoká yaalmisanolle úba hát kinaallá. Gón gálaat gaalí ˈgoˈgodhóóllá he gón mooˈdoyyoká, tá gón gál Waag hí uushim yiem gáá ˈdeđichoká hí aargiroká he gón ma kufuminy-, ma mooˈdonyká.

Korínto Erká 15:50

Nyaaramchú, hé yú hogodhoká hééllá: Gón kúnnaa ke ˈgúóllá hé Guch Waaˈgiet ma higiliny, héétí hé kufunan-, mooˈdowká hé ál luolmit biiyóótíá úba ma lileny.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.

Galátia 6:9

Hé midhab-, ki ekemeyoká hai gáál ˈgorosîny. Muun ki ma ginnanyka, hé midhab kinaal héllé hí yé gáá ˈdeˈdeenká aleđuđugulle ali kí ˈdiiyyeka ha ki aargira.

Eféso 6:24

Ameeny gál Máá kúnnaa Guđo Yiesu Kirísto gielmit af mé mánká ki gielká Waag hí ˈdú ˈjeeˈjeen.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Tímote Erká 1:17

Aaléka, Kánsích taalle bííyyo ali ijo-, ki il ma ki argiriny-, íín tákámle Waagallá, taalle bííyyo gaalí meemeyo, gaalí ˈdúúw shiiguo. Iiy-hí, he hí hát kinaallá yeet.

Tímote ki Naamaká 1:10

Aalé káánaka, ˈdaa Máá kúnnaa Rubachiet-, gáál ˈdu gáá yimie-, Yiesu Kirísto léélláka, Waag hé muun gáál ˈdúˈjímle yé ˈdu gáá ˈdeeyche. Yiesu Kirístóóllá ííni kúfach fargogintle mán hoy, ˈdaa Fayamlé Midhaballáka, gálaat ˈgíérích luolmit biiyoká kí edhesie.

Héberew 2:7

Kó bár gáá gaawallá gálaat gál ˈgasso-, urruká el koyye. Kó gálaat ˈdúúw shiiche, gáál ˈduwayche,

Héberew 6:12

Hát kinaallá hí ˈgiiyyaka, it gál he ma urinyká ma chegen, yaalmit gálle Waag iiy yeen ká ˈguo-, he met ki chichirsat-, hé Waag hí af iđicheká aargiroká hí cheedhe.

Héberew 6:15

Aaléka Abirááyam hé ma ˈgorôny, hé Waag hí hotéél af yíéđie, in el ˈdaal hé Waag hí af iđichééllá arge.

Yuána Erká 2:25

Kirísto hé muun gáál af iđieká he luolmit biiyóóllá.