Róóma 2:4 - Fayam Midhab Yiesu Kiristoká He Hol Af Iđiny Kaanaká

⁴ Bá he taalle Waag geer guuralle ubaa nog ki sienle, tá geer gaa guchlé guđo-, hí itín aargisichóóllá hí egesheyche? Mú geer guuralle hát hí af tatiyyo-, giri hí hé kíchia ˈdeđewká haađicha-, tá hí mú makan fafaannaká it eiy ma náásan?

Róóma 2:4 ပူးပေါင်းရင်းမြစ်များ

Róóma 10:12

Hééllá ˈdaa gál Yuuˈdi-, ubaa gál gál Yuuˈdi muuniny-, Yiesu Kirísto iiy yieká ˈdaallé he ki yaalla. Gáál Máállé Guđoká íín tikiˈde. Ameeny gál mú veveenká ha muí ˈdú ˈjeeme.

Róóma 11:22

Aaléka, ití argiyye? Waag hé geer ka guurá ˈgayyo, tá gál hí af đuˈdusanká he illo ká aargisicha. Tá itín mu hé hí geer guurá argisie. Aalé har taalle hí mú el gaa igiˈdoka, mu geer guurálle taalle haí aargisia. Tá har hí mú sug ki niiyye-, hí mú điiteka, af kinaalka hát kolm biime-, muí murekáka, ha muí muura.

Róóma 11:33

Waag kamurle ubaa ˈdaalimle, tá he onyle, ebá guđáan! Mú kasle hé tág kaskúnno ˈdú guđo! Mú ˈgierimlé ˈdúwáállá eiy naasanle hé tág gáál far ˈdú gogo!

Róóma 3:25

Waag Yíésu ali gáá kaayyééllá, he giri mu suor yeget-, fásle okodmuo-, gál hí iiy yegetká ađaabano ubaa nyuogim gaa egewká. Waag mú ali gáá kaayyééllá, in he hát ˈdúwaká Waag hí gáál ká argisiche. Hé ˈdeđew-, héle gaalí eekemeyká hé muí il er nie.

Róóma 6:1

Aaléka, háte ki ˈdeeme? He in taalle ađaabano ke higilla, ki gaa ija, giri Waag ˈdúˈjímlé gáál ˈdú ˈjeˈjeennoká súm iilshanatkâ?

Róóma 6:15

Aalé háte ke ˈdeeme? ˈDaa giri muun hemuumurit Waag hí gál Yuuˈdi shiicheká ke gim gaa láʼ-, ki ˈdúˈjím Waaˈgiet gaa ijóóllá, he in taalle ađaabano ke higila? Hé kinaal Waag hí điito!

Korínto ki Naamaká 8:2

Gaal har úba manyjasiny guđoká il hí aargiˈdo-, gál he maamanká úba kátaka, hé tág ger hí gaa meedhe, in ger gaa meen kinaallá gáál ger gaa ˈdabínt yé ˈdú ˈdeeyche.

Eféso 1:18

Hé úba yú Waag rogononká, he giri Waag hí in eiy ˈdeđicho-, hé ˈdabaan biiy met gaa ijo-, Waag hí kí viiyyeká hát hí aargiˈdaká hí kiimisata-, Waag kamurlé ˈdúúw ˈgayyo-, gál Kirísto iiy yieká hílléká hí oonootoká.

Eféso 1:7

Múúni giri ke Kirísto gállééllá Kirísto fáslé gáál ki rie, gáál nyuogim ubaa ađaabano gaa eey. Waag ˈdúˈjímle hát fargogoká hééllá.

Eféso 2:4

Tá Waag geer guuralle hé tág guđo, Waag hé tág muun gáál giel.

Eféso 2:7

Hééllá Waag hí ekeychééllá, he giri bár ˈdaatika, Waag ˈdúˈjímle hát ˈdúˈjím lulle af mé iđoká gálaat aargisichoká. Múúni ki Kirísto hol liladhééllá Waag hát gáál ki midhabká gálaat hí argeka, Waag ˈdúˈjímlé ˈdúwáállá gálaat haí kiimita.

Eféso 3:16

Hé yú hí Waag kí rogononká, he giri Waag hí kamurlé uriet-, ˈdúwaká ˈdaalleka, hí fargogintle shigicho-, tá mú Hím Naasanle hodhinaamkícho far googonoychoká.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Filíbi 4:19

Waag yú gédéchle yieká, kamurlé uriet-, guđo-, ˈdúúw ˈgayyo-, Yiesu Kirísto yíé gáá ˈdeˈdeenká hé hí ki ˈgierˈgereká lúl haí kí đuusicha.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Kolosááya 2:2

Laatééllá yú hatallá lađaanallá he giri lulkícho hí gofononno-, hí hol gielmít ka ˈgayya-, hí ˈdúˈjím Waaˈgiet aargiˈda-, giri Waag héllé geer geđi-, ˈdaa Kirístoká hí hát ˈdabaanká eiy nannasataká.

Tímote Erká 1:16

Hééllá ˈdugaka in Yiesu Kirísto ye geer guurá argisie, giri geer gaa guchlé yáá gálaat súm ađááb ˈdú ˈgúóllá ye argisíéllá ˈdaalleka, gál hí iiy yegetká hát geer gaa guchle gaal íín úba aargisuoká gaalí ki kiimisat-, gaal luolmit biiyoká higiloká.

Tímote Erká 6:17

Gál lésalláka kaamúreká af táátaʼ, gaal hai hol egêny, hai kamur el mé mánnallá ˈdúúw hóson. Gaal hí Waag gáál he met lulle ká shigicho-, ke gaa geyyeenallá ˈdúúw hosot.

Bétiro Erká 3:20

Gál Waag hí hiigitééllá he gál bár giri Nówa kádích guđoká tág nannieká Waag hol tatiyye-, Waag hí egete-, kor íín Waag af đuˈduseká. Kadich gál iraam mán-, síet-, hí gaa ijeká, bie hí ká taarsie, in ká bie.

Bétiro ki Naamaká 1:11

Tá Máá kúnnaa Guđo-, Rubachiet-, Yiesu Kirísto Guchlé biiyoká hí higilloká, Waag hát ˈdabaanká mé guđáan haí cheedhe.

Bétiro ki Naamaká 3:15

Hééllá mé ka ˈgáa, Máá kúnnaa Guđoká geer guurallé ˈguoká in hol ki momoyo, gál burnayká hí rubach ki aargira. Nyár kúnnaa ki giel-, Báulo lééllá, ˈdaalim Waag hí shiicheká ˈdugaka in hí ˈdéé hót tikiˈdééllá úba ˈdu gáá veere.

Bétiro ki Naamaká 3:3

Er hééllá onnóo: Biiy bár el met ˈdáˈdle ka ˈjoobonotoká gál af ka fichilít ˈguo-, baltlé gaa nyakaridheká el gaa igiroká les yiem hai gáá ˈdeeme.

Bétiro ki Naamaká 3:9

Waag héllé gáál af iđicheká gáál ˈbaal tala ki manítaka, íín he af iđinylé kinaallá hé tala ma gaa mannany. Waag ˈdaa kíchoka hé geer gaa guđo, gálaat lulle hí makan fafaanká he feˈde, hé máádhat hol eiy gaa ˈgiˈgisatká ma fediny.

Kí Edhesiny 2:21

Yáá min kár héllé gaa nyakarich kinaal haađicho-, ye makan ka ˈjeˈjeennoká shie, kor min hé hé kinaal điite.

Kí Edhesiny 3:20

Bá dhaayyíe, yáá ˈbíl af yaal, ˈbíl máálle veveen. Máá ye af maalo-, ye ˈbíl af kí eewká ˈbílle ha yú higila, ˈgarro nyí hol golmosoto.