Róóma 2:27 - Fayam Midhab Yiesu Kiristoká He Hol Af Iđiny Kaanaká

²⁷ Kidh ma hermisan-, kor hemuumurit Waaˈgiet el gaa igiroká, it Yuuˈdi-, hí heermisato-, hí hemuumurit Waaˈgiet warˈgasamle ˈgayya-, kor hí hemuumurít ˈdeđeneychóóllá haí ˈdeđente.

Róóma 2:27 ပူးပေါင်းရင်းမြစ်များ

Matááyo 3:15

Yíésu Yuána ˈdéé hol ˈdú nie, kieye, Ye hash, he hí káána hatallá yeet. Hatallá ke ekeyka, in hé ˈduwanti-, Waag hí feˈdoká ke đusie, Yíésu hí Yuána yie. Aalé Yuána đo iiy yie.

He Ekeny Gál Alb Fimiká 13:22

Aalé Waag Sáwul kansím gaa leesicheká, ˈDáwuˈd gáál kánsíchle hoyche. Mú ˈdeenyle huogote, kieye, Iny Yeshay giri ˈDáwuˈd léká hát he máá ye geer gaa memesuo-, he lullé yú fedoká ye ki ekemeyoká yáá geer ki shuunne, chie.

Róóma 13:10

Máá máá olle gielká hé mú ma gáá ˈdeđenen. Hát kinaallá in gielmít hemuumurit Waaˈgiet đuusicha.

Róóma 2:15

Gálallá húgúmle hemuumurit kinaal hát gaal íín ger gaa iđoká he gálaat ká aargisia. Gáál úba hé kasle hí af tatiyyo. Aalé kúlích gaal Waag met ki ˈdeenká, gaal héllé ˈdeđew-, eekemeyká, tawunyle haí ˈdeđensete, héétí héllé midhab-, eekemeyká, tawunylé kinaal úba he hát midhabká haí geđicha.

Róóma 2:20

Héétí gál đéeská gállé hí af tatuoká hol hoyche-, gál ˈdaa ma lílenká gállé hí he oonisuoká hol hoychéel! It halúg ˈdaalím ubaa ˈdúúw lulle hát hemuumurit Waaˈgiet gaa iđoká ógal!

Róóma 2:25

It gál Yuuˈdííllá, har hí hemuumurit Waaˈgiet ki ˈgiiyyaka, af kinaalka hermisankícho hé ˈdúúw ˈgayyo. Tá har hí hemuumurit Waaˈgiet ma ki ˈgiinyka, af kinaalka hermisankícho hé hermisan kátaká mán.

Róóma 2:26

Tá gál gál Yuuˈdi muuniny-, ma heermisanallá hemuumurit Waaˈgiet ki ˈgieka, hé Waag hí hát gálle ma ká dhaˈgaminy?

Róóma 2:29

He Waag geer ubaa mé ki sinno in máádhat máá Waaˈgiet hođia. Hermisan ˈdúwaká hé kinaallá. Hermisan ˈdúwáállá hé hemuumurít el gaa igiritle yé ma gáá ˈdeˈdeminy, Hím Naasan Waaˈgiet af maalíti he yé gáá ˈdeˈdeenne. Hermisanééllá gál hí hermisatká gálaat hí memeyoká hé ma fediny, Waag hí memeychoká he fede.

Róóma 3:30

Waag íín tikiˈde biiy gaa iđoká. Gál Yuuˈdi yíekaʼ, gál gál Yuuˈdi muuninyká yíekaʼ, máálle Kirísto iiy yieka, in Waag hí máálle hođisata.

Róóma 8:4

Aalé múúni káána ke Hím Naasan Waaˈgiet atimle el gaa igiro-, ke balt gónkúnno el ma gaa igirinyallá, in hemuumurit Waaˈgiet héllé gáál gaa feˈdoká ki đuusinyle ura.

Korínto Erká 7:19

Máádhat hermíte yíekaʼ, má hermisan yíekaʼ, hééllá lulle hé kátaká mán. Hé muun gáál ki ˈdúwa-, ke ekemeyoká, he giri muun ke hemuumurit Waaˈgiet el gaa igiroká.

Korínto ki Naamaká 3:6

Nyiin Waago úba nyí he hol af iđinylé kaanáállá hújíchle nímle uritle shiiche. He hol af iđiny kaanáállá hé hemuumurit Móshe hí veereká ˈdaalle ma ki taaliny, Hím Naasan Waaˈgieto ˈdaalle ki taalla. Hemuumurít íín kúfacho gáál mé ki kokoyyo, Hím Naasan Waaˈgiet íín luolmíti gáál yé ˈdú ˈdeđicha.

Galátia 5:14

Hemuumurit Waaˈgiet lulle ke mé hol ˈdú eeyka, hé hogotoká tikiˈde, Máá olkú hát kúún hol gielallá úba géélnebo, he chie.

Eféso 2:11

It halúg gál gál Yuuˈdi muuninyká hí ˈdalóóllá, gál Yuuˈdi hol gál hermisatká yegetallá itín gál ma hermisanká hí yegedhe. Hermisan yú hogodhóóllá he hermisan gálle gaalí tudaam gaa mumuroká. Aaléka, onnóo! Itín érléká it Kirísto hol ma lilêny, it úba gál hí gál Yuuˈdi yegieká mán. Af iđiny Waag hí gálle af iđicheká it úba gaa lalayye. Lésallá hí gaa iđe, kor it Waag moonnoyye, it úba hé midhab hí táb ˈdoˈdoote-, hí met egeteká mán.

Tímote ki Naamaká 3:15

Kuun Warˈgat Waaˈgietallá níínénti gáá onnote. Warˈgatééllá hé fargogínt ˈgayye, giri ko ˈdaalím shiiche-, rúbách ˈdaa iiy yeen kuuní Yiesu Kirísto iiy ki chieká ki argiyyeká.

Héberew 11:3

Iiy yeenkúnno ˈdaalleka in Waag hát ˈdéé hótle biiy kí kuonneká ke og. Aaléka, he lullé káána ke argóóllá hé ke il ma ki arginyallá ˈdaallé he yé kí ˈdie.