Róóma 2:19 - Fayam Midhab Yiesu Kiristoká He Hol Af Iđiny Kaanaká

¹⁹ It gál Waag muogká gál hí af tatuoká hol hoyche-, ubaa gál kas Waag eiy ki nannasatká mánká hí édhúmle hol hoychéel!

Róóma 2:19 ပူးပေါင်းရင်းမြစ်များ

Matááyo 15:14

Gál Farisaayallá hayyíe, gálallá he gál bala maaman-, gállé bala maamanká gil met chichiratká. Tá máá bala mánká máállé bala mánká gíl mé chiˈdeka, gaal hullaalle đo ˈguoˈd hai ki okoˈde, muí gáál yie.

Matááyo 4:16

gálle bííy gaa ongʼoˈdeká gaa ijeká hé édhúm ˈdúwaká arge. Gaal hé lés gaa ongʼoˈde-, kufachiet-, gaa ijeká hé edhum hí gaa veere, chieká.

Matááyo 5:14

Hát ény gaalí gúm mé ˈdug gaa ˈdisse-, ereny mánkáka itín hí lésallá édhúmlé.

Matááyo 6:23

Tá in har ko ˈdeđíntaka, gónkú lulle af kinaalka, húˈdo he chie. Aaléka, har édhúm kuun ko gaa ijoká húˈd yieka, huˈd kinaallá ebá súm ˈdéen!

Márko 10:15

Yú hí hé ˈdúwaká geeye, máá Guch Waaˈgiet hát umut ninniká ma ka hilinyká hé Guch Waaˈgiet ma higiliny, yie.

Lúka 1:79

Édhúm kinaal gál bííy gaa ongʼoˈde-, bííyle súm húˈd chieká gaa ijoká yé hai ˈdu gáá ˈdeeme, tá úba ˈgaskúnno ˈgíérích naannáká hai nannaa, Sakaría hí yie.

Yuána 9:34

Gál guguđo Yuuˈdiká hatal muí yieká kieye, Kúún in ađaabano guđoká kí ˈdalaate háluke, tá har nyí ki ˈdiyeenne! gaalí mú yie. Gaal đo mú ˈbíl ˈdiiyiminyká gaa arie.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Róóma 2:18

It halúg gaalí hemuumurit Waaˈgiet onisie-, hí hát Waag hí feˈdoká óg-, hí hé ˈdúwaká eiy naasanle úba ógal!

Róóma 2:20

Héétí gál đéeská gállé hí af tatuoká hol hoyche-, gál ˈdaa ma lílenká gállé hí he oonisuoká hol hoychéel! It halúg ˈdaalím ubaa ˈdúúw lulle hát hemuumurit Waaˈgiet gaa iđoká ógal!

Korínto Erká 3:18

Máádhat hai hol nyiimísan. Itín mú tikiˈd hol máá ˈdaalléká ká dhaayka, máá kinaallá innum gál lesallokáka hí máá đeechká yeet, giri mu ˈdaalim Waaˈgiet ˈdaa ki liiletká.

Korínto Erká 4:10

ˈDaa giri nyiin nyí Kirísto hújíchle nanniyyáállá, innum gálaatka nyiin nyí gál đéeská. Itín íín kerka hí gál Kiristo ˈdaallelléká! Nyíín kerka nyí gál đááliská, tá itín kerka hí gál farguogoká. Itín kerka gál gaalí memeyoká, tá nyíín he gál gaalí egesheyoká.

Filíbi 2:15

Hí hát kinaallá ˈdiiyyeka, itín um Waaˈgiet ˈdeensen ubaa saas mán-, ˈdúwaká haí cheedhe. Taalle hí gál súm ˈdeew-, gaa nyakarichallá hí hurt gaa iđaká, hát hidhino urietkáka haí ká eedhdheye,