Róóma 2:17 - Fayam Midhab Yiesu Kiristoká He Hol Af Iđiny Kaanaká

¹⁷ It halúg hí gál Yuuˈdi-, hí kerka hí hemuumurit Waag hí shiicheká hát ˈdabaanká ki ˈgiiyya-, hí hol memeyche-, hí Waag gálle hol chegetóol!

Róóma 2:17 ပူးပေါင်းရင်းမြစ်များ

Matááyo 3:9

Tá haí taawûny, hí hol geđîny, hí kieye, ˈJaakúnno he Abirááyam, hí chégen. Yú hí geeye, Waag hé fargogint waarééllá um Abiraayam ki hođichoká ˈgayyo.

Lúka 10:28

Yíésu mú geey, kieye, Taglé hote. Aalé hat kinaallá ˈdé, luolmit biiyoká ha aargiˈda, mú yie.

Yuána 5:39

Itín it tág Warˈgat Waaˈgiet totoycho. Tawunykíchoka, he veerít luolmit biiyoká ha nyí gaa aargiˈda, hí chegedhe, kor he veerít íín ˈduuw chia he hogoto.

Yuána 5:45

Tá haí taawûny, hí kieye, mu ˈJaalle metle hai nyí gaa kaatasia, hí chéen. Móshe giri hí taawuyya-, hai nyí riima, hí chegetoká ííni hí kaatasia.

Yuána 7:19

Itín Móshe hí hemuumurit Waaˈgiet ma shíiny? Har úba hát kinaal kátaka it máá níínní hemuumurít ki yielká mán. Tá háteka hí ye oos ˈgayyáal? Yíésu hí gáál yie.

Yuána 8:33

Aalé gál Farisaay Yíésu oosle ˈgieká Yíésu geey, kieye, Nyiin nyí hídh Abiraayam, nyáá nyí kálta gálaat nyí mé les ma ki tíiny, nyí géde ma hóson. Tá háteeye, kúún kieye, hé kinaallá mé haí fuura, nyí chegedhe? gaalí Yíésu yie.

Yuána 8:41

Itín hé ˈjaakícho hí ekemeyoká hí ekemeyche, Yíésu hí gáál yie. Gaal falme, kieye, Nyiin nyáá nyí um afoká muuniny, nyiin ˈJaakínyo tikiˈde, Waag tákáma, gaalí yie.

Róóma 2:23

It hemuumurit Waaˈgiet hát hí súm ógká gálaat geđicháal! Hemuumurit Waaˈgiet hí ˈdeđeneychóóllá, hé kinaallá Waago hí egesheyche muuniny?

Róóma 3:27

Aaléka, meete ke ˈgaa, ke hol ki memeye? Gon hé mán. Tá Waag múún gáál gál ˈdúwaká chegetóóllá, he hemuumuríti ke el gaa igire? Híʼi. Hééllá he ˈdaa giri ke Kirísto iiy yieká, in mu gáál gál ˈdúwaká yie.

Róóma 9:32

Tá háteka hemuumurit Waag hí gáál ka shiichééllá el gaa igiritle gáál gál ˈdúwaká innum Waaˈgiet ma gaa hónyal? Hééllá he ˈdaa giri gaal hemuumurít hélle ekemeyká fede-, kor gaal Kirísto iiy ma yéenká. Gáál hé wár gálaat ˈgas mé ki ˈdaraanká hí riigirsie,

Korínto ki Naamaká 11:22

Gaal har gál Heberew kátaka, yú úba he máá Heberew. Gaal har gál Yisirayel kátaka, yú úba máá Yisirayel. Gaal har hídh Abiraayam yé gáá ˈdieka, yú úba máá hídh Abiraayam.

Galátia 2:15

Múúni ki gál Yuuˈdi honyir-, ke gál kidhdho-, hemuumurit Waaˈgiet el ma gaa igirinyatíá muuninyallá

Eféso 2:11

It halúg gál gál Yuuˈdi muuninyká hí ˈdalóóllá, gál Yuuˈdi hol gál hermisatká yegetallá itín gál ma hermisanká hí yegedhe. Hermisan yú hogodhóóllá he hermisan gálle gaalí tudaam gaa mumuroká. Aaléka, onnóo! Itín érléká it Kirísto hol ma lilêny, it úba gál hí gál Yuuˈdi yegieká mán. Af iđiny Waag hí gálle af iđicheká it úba gaa lalayye. Lésallá hí gaa iđe, kor it Waag moonnoyye, it úba hé midhab hí táb ˈdoˈdoote-, hí met egeteká mán.

Kí Edhesiny 2:9

Yú yáá manyjanykícho ubaa he mantkícho óg, tá it kamurayye. Gál hol gál Waaˈgiet yeget-, kor gál Waaˈgiet muuninyallá hé ˈdeđew-, ˈdaakíchoka huogodheká yáá óg. Gálallá he gál Satan.

Kí Edhesiny 3:1

Gál Kiristo ˈjien Sartis gaa ijoká máállé urru-, ˈgassoká ˈdeenyééllá ˈdú véer. Máá giri hím naasan tiiya-, Waaˈgietká ubaa hidhino tiiya ˈguoká ˈdeenyle hééllá: Yú yáá húgúmkícho óg. Itín kerka meeny gál luogolká hí ˈgayya, kor it kuyye.

Kí Edhesiny 3:9

Bá dhaayyíe, gál ˈbíl ˈdiiyiminy Satanká hođomlé-, hol gál Waaˈgiet yeget-, kor gál Waaˈgiet muuninyallá héllé yú ki ekemeyoká onnóo. Gáál ha yú ká egee, gaal metkícho les kurram hai gaa ˈdarama, gaal hát yú hí gielká hai kiimita.