Róóma 2:14 - Fayam Midhab Yiesu Kiristoká He Hol Af Iđiny Kaanaká

¹⁴ Gál kidhdho-, hemuumurit Waag hí gál Yuuˈdi shiicheká muog-, kor hé midhab-, hemuumurit kinaal hí hogotoká ekemeyoká, gál kinaallá dhúrle hé hemuumurit kinaal hí gaa iđo.

Róóma 2:14 ပူးပေါင်းရင်းမြစ်များ

He Ekeny Gál Alb Fimiká 10:35

É meet lulle gál Waag kikiat-, hé ˈdabaanká gaa seseenká Waag iiy haí chegedhe.

He Ekeny Gál Alb Fimiká 14:16

Kíssóótíá mu kidh mé ki hay, giri gaal hátlé fedeká sesemeká.

He Ekeny Gál Alb Fimiká 17:30

Bííy heleká Waag hé gálaat đeemléél hol ma héésen, kor káána hé gálaat he ki muˈde, giri gaal héllé ˈdeđew-, gaa seseenká haađuo-, mú makan fafaanká.

Róóma 1:32

Har úba káána gaal hemuumurit Waaˈgiet-, giri gál hé hatallóóllá ekemeyoká hát he kufunanká óíytaka, gaal hé hééllá ekenyle tákámle el ma gaa igiriny, gaal gál hééllá ekemeyoká gál ˈdúwa hé ˈdeeney mánká he ká dhaˈgama.

Róóma 2:12

Gál hemuumurit Waag hí gál Yuuˈdi shiicheká muog-, hé ˈdeđewká gaa seseenká, úba káána hemuumurít moonnônyka, sidhamle hai baađaa. Tá gál hemuumurit Waag hí gál Yuuˈdi shiicheká óg-, kor hé ˈdeđewká gaa seseen-, hemuumurit kinaal ˈdeđeneyoká Waag ˈdéé haí ki iđimicha.

Róóma 2:15

Gálallá húgúmle hemuumurit kinaal hát gaal íín ger gaa iđoká he gálaat ká aargisia. Gáál úba hé kasle hí af tatiyyo. Aalé kúlích gaal Waag met ki ˈdeenká, gaal héllé ˈdeđew-, eekemeyká, tawunyle haí ˈdeđensete, héétí héllé midhab-, eekemeyká, tawunylé kinaal úba he hát midhabká haí geđicha.

Róóma 2:27

Kidh ma hermisan-, kor hemuumurit Waaˈgiet el gaa igiroká, it Yuuˈdi-, hí heermisato-, hí hemuumurit Waaˈgiet warˈgasamle ˈgayya-, kor hí hemuumurít ˈdeđeneychóóllá haí ˈdeđente.

Korínto Erká 11:14

Yaalmit aađakáka, máá yab mé dhúúr ˈdeˈdernítaka, hé kinaallá hé mú ˈdúúw ma ˈdaabsîny?

Korínto Erká 9:21

Hát tikiˈdééllá af giri yú gál gál Yuuˈdi muuniny-, hemuumurit Waag hí Móshe ka shiicheká mánnallá hurt gaa ijoká, yú hát máá hemuumurit kinaal mánká ká ija, giri gál kinaal yú Kirísto ˈdú gáá egewká. Tá yú hééllá ekemeyóóllá hé kieye, yáá hemuumurit Waaˈgiet mán ma yegen. Yáá hemurit Kiristo gim gaa ijo.

Eféso 2:3

Múún lulkúnno érléká yaalmit tikiˈde gal kinaallóóllá ke ki ije, giri gónkúnno baltle ki geymisie-, he feditle ubaa kasle ki el gaa igireká. Hát tikiˈde Waag gál hí af đuˈdusanká ˈdú iiđidhanno-, gáál bár ˈdaatika he il ka aargisichóóllá, hé úba érléká idhokúnno ˈgayye.

Filíbi 4:8

Nyaaramchú, hé eiy taaka-, úba yú hí ka geđuoká hééllá: Hé ˈdúwaká, hé gaalí kian ka ˈguoká, hé tagléká, hé saas mánká, hé gielmít hí gaa iđoká, tá hé gaa ˈdabaanká aadh lulle mé ka ˈgáa. Iiy-hí, hé súm midhab-, ubaa hé ˈdúwa-, gaalí memeyo-, hatallóóllá, aadh lulle mé ka gáa.