Róóma 2:13 - Fayam Midhab Yiesu Kiristoká He Hol Af Iđiny Kaanaká

¹³ Aaléka, gál hemuumurit kinaal mamalo-, kor hemuumurít el ma gaa igirinyká, innum Waaˈgietka hé gál ˈdúwaká muuniny. Tá gál hemuumurit kinaal el gaa igiro-, ekemeyoká in Waag innumleka, Waag hí gál ˈdúwaká chegedhe.

Róóma 2:13 ပူးပေါင်းရင်းမြစ်များ

Lúka 18:14

Aaléka Yíésu geđi gáál geey, kieye, Yú hí geeye, hé máá Farisaayatíá muuniny, máá gibíre gugusatallá ííni ˈdúˈjím Waaˈgiet ki gale. Máá hol máá ˈdúwaká ka dhaˈgasanká, Waag ˈdúúw haí rianna. Máá hol máá ˈdúwaká ma ka dhaˈgaminyká, Waag haí ˈduuwaycha, Yíésu hí gáál yie.

Lúka 8:21

Yíésu gáál geey, kieye, ˈJiechú ubaa nyaaramchú he gál ˈdeeny Waaˈgiet mamalo-, ˈdéé ki ˈgíéllá, yie.

Yuána 13:17

Aalé hééllá hí óíyta-, hí ekemeychoka, Waag haí ˈdú ˈgunnuanna.

He Ekeny Gál Alb Fimiká 13:39

Aaléka, itín máá Yíésu iiy yeetká he lullé ˈdeeđeneyká ađaablé ubaa nyúógíchlé kinaal Waag haí gaa egeyye, Waag mú máá ˈdúwaká hai ká dhaˈgasanna. Hééllá he hé hemuumurit Moshe hí ma ekemenyká.

Róóma 10:5

Móshe hemuumurít el gaa igiritle ubaa máádhat máá ˈdúwaká yegetká ˈdaalleka hé veereká kieye, máádhat hemuumurít lulle el gaa veere-, ˈduwasieka, luolmít hai aargira, he yie.

Róóma 2:25

It gál Yuuˈdííllá, har hí hemuumurit Waaˈgiet ki ˈgiiyyaka, af kinaalka hermisankícho hé ˈdúúw ˈgayyo. Tá har hí hemuumurit Waaˈgiet ma ki ˈgiinyka, af kinaalka hermisankícho hé hermisan kátaká mán.

Róóma 3:20

Aaléka, hé máá níínní innum Waaˈgietka hemuumurít ki yaalitle ˈdaalleka Waag hí máá ˈdúwaká chegetoká mán. Hemuumurít gálaato hát saas ˈguoká he gáál ká aargisicha.

Róóma 3:23

Gálaat lulle hé ađaabano hile, muun hé ˈdúwa-, Waag hí gáál gaa feˈdoká hé ke ma ekêny.

Róóma 3:30

Waag íín tikiˈde biiy gaa iđoká. Gál Yuuˈdi yíekaʼ, gál gál Yuuˈdi muuninyká yíekaʼ, máálle Kirísto iiy yieka, in Waag hí máálle hođisata.

Korínto Erká 4:4

Yú yáá hé níínní ˈdeeney-, hol ki ógká mán, tá hé kinaal hé kieye, yáá ˈdeensen mán ma yegen. Máá ye ˈdéé eiy kí nannuoká he Máá kúnnaa Guđoká.

Galátia 2:16

hé ki onnodheká hééllá: Máádhat hemuumurít el gaa igiritle hé mú innum Waaˈgiet mú máá ˈdúwaká ma gaa hođiny. Máádhat Yiesu Kirísto iiy yieka in tákáma innum Waaˈgiet máá ˈdúwaká gaa yegedhe. Muun úba hé ke Yiesu Kirísto iiy yie, giri Waag innumle ˈdaa iiy yeen kúnnaa ke Kirísto iiy ki yiekáka ke gál ˈdúwaká gaa yegetká. Hemuumurít el gaa igiritle hé muun gáál gál ˈdúwaká ma hođiny. Hééllá he ˈdaa giri hemuumurít el gaa igiritle ˈdaalleka Waag máá níínní máá ˈdúwaká chegetoká mánká.

Galátia 5:4

It halúg hí kieye, hemuumurít el gaa igiritle innum Waaˈgietka gál ˈdúwaká he gáál hođicha, hí chegetallá, it Kirísto af gaa taanne, ˈdúˈjím Waaˈgiet gaa ˈgisate.

Yákob 1:27

ˈGíérích ˈdúwa-, Waaˈgiet-, saas mán-, ˈJaa kúnnaa Waag hí fedoká hééllá: um híyeská ubaa ˈdeg híyeská héllé hí ki ˈgierˈgereká ke ˈdú chichirat-, ubaa yaalmit lesallo-, gaa nyakaridheká ke hol gáá faaganayoká.

Yuána Erká 2:29

ˈDaa giri mu íín hát ˈdúwaká hí ógká, itín úba gál hé ˈdúwaká ekemeyoká lulle hát ˈdalmaat mú yé gáá ˈdiiyyeká ˈdalidheká it óg.

Yuána Erká 3:7

Umééllo, ha máádhat hí bađisîny. Hát Kirísto íín ˈdúwáállá, máá hé ˈdúwaká ekemeyoká úba hé ˈdúwa.