Róóma 2:10 - Fayam Midhab Yiesu Kiristoká He Hol Af Iđiny Kaanaká

¹⁰ Tá ameeny máá hé midhabká ekemeyoká Waag haí meeyche, máá ˈdúwaká Waag haí cheedhe, naanná ha muí shigia. Hééllá erkob gál Yuuˈdi hí aargira, el gaa igíˈdelle gál gál Yuuˈdi muuninyká úba hí aargira.

Róóma 2:10 ပူးပေါင်းရင်းမြစ်များ

Matááyo 10:13

Har gál ˈbil kinaalloká hí rokoˈd ki goleka, naannakícho hí gaal íín gaa yíéđiyyo. Har gaal hí rokoˈd ma ki golinyka, naannakícho itle hí hol ˈdu gáá naat.

Lúka 1:79

Édhúm kinaal gál bííy gaa ongʼoˈde-, bííyle súm húˈd chieká gaa ijoká yé hai ˈdu gáá ˈdeeme, tá úba ˈgaskúnno ˈgíérích naannáká hai nannaa, Sakaría hí yie.

Lúka 12:37

Gál gédeká máállé guđoká hol ká nadheka, íín in bano-, karaf gaa ˈgieka, ger haí gaa meedhe. Hé ˈdúwaká yú hí geeye, máá guđo kinaallá đafaraam gede hí ˈguoká hai higita, gáál kara ˈguomietká álle hai iđimia, gáál hai golmia.

Lúka 19:42

kieye, Kúlích ki gaa ijóóllá hé ko naanná shiguoká kuun hí ma onnônyal hemme! Aalé káána kó hé kinaal ma kiimisan.

Lúka 22:14

Aadh ˈgas ali kí ˈdiiyyeká Yíésu ubaa gállé alb fimi kinaal gólól kinaal gaa yíéđie.

Lúka 9:48

gáál geey, kieye, ˈDaa meenychú ˈdugaka, máá veel ninnííllá rokoˈd ki goloká, yaa ye rokoˈd kí gole. Máá ye rokoˈd kí goloká, Máá ye ali gáá kaayká he rokoˈd ki gole. Máá lulkícho hí ˈdú ninniká, máá kinaallá in lulkícho hí ˈdú guđo, gáál yie.

Yuána 12:26

Máá hújíchchú nannuoká, hí ye el gáá veero. Ál yú ijoká in gédéchchú úba hí ija. Máá hújíchchú nannuoká, ˈJaachú haí ˈduuwaya.

Yuána 14:27

Yáá hí naanná af kí hay, naanná chia yú hí shie. Naanna yú hí shíéllá, hé hát naanna gál lesalloká hí hol shiguoká muuniny. Ha ger hí gaa ˈdéénen, hí seerêny.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

He Ekeny Gál Alb Fimiká 10:35

É meet lulle gál Waag kikiat-, hé ˈdabaanká gaa seseenká Waag iiy haí chegedhe.

Róóma 14:17

Guch Waaˈgiet héllé ˈdúwaká hé he kóony ubaa he ím muuniny, Guch Waaˈgiet he hát Waag hí feˈdoká ekenylé, héétí naanná ubaa geer gaa meen ke hol ki ijoká. Hééllá lulle Hím Naasan Waaˈgieto ˈdaalle yé gáá ˈdeˈdeme.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Róóma 2:7

Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Róóma 2:9

Ameeny máá hé ˈdeđewká gaa seseenká manyjasiny ubaa gon bólo il haí aargiˈda. Hééllá erkob gál Yuuˈdi il hí aargiˈda, el gaa igíˈdelle gál gál Yuuˈdi muuninyká il hí aargiˈda.

Róóma 5:1

Aaléka, ˈdaa giri ke Yíésu iiy yie-, Waag innumleka muun gáál gál ˈdúwaká chíélláka, muun káána hé ke Waag hol naanná ki ijo. Naanna kinaallá Máá kúnnaa Guđo Yiesu Kirísto ˈdaallé he ká naate.

Róóma 8:6

Kas máádhat har balt gonniet hí he ki mumuˈdoka, af kinaalka kúfacho he yé ˈdú ˈdeˈdeme. Tá har Hím Naasan Waaˈgiet hí he ki mumuˈdoka, af kinaalka luolmít ubaa naanna Waaˈgieto he yé ˈdú ˈdeˈdeme.

Róóma 9:21

Máá ibilaam tág nannuoká sháˈd he iyaayká hé héllé fedoká tág ma gaa nanniny? Ibilaam naam tág nieka, har fedoka hé ibil tikiˈd ibil he naasanká ma hođisan? Ibilléétí ibil aađaká ma hođisan?

Róóma 9:23

Waag hééllá ekemeychóóllá, he giri guchlé ˈdúúw ˈgayyóóllá gál he waarateká aargisichoká. Tá Waag har gálallá he gál geer guuralle aargisicho-, ubaa hí guchle higiloká hođichoka, hééllá meete ˈdeew ke gaa hogodho?

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Filíbi 4:7

Tá naanna Waaˈgiet giri kas gálaat lulle af mé ˈdú gíriká ger kíchia ubaa kas kíchia itle ubaa Yiesu Kirísto hí hol ˈdú faannééllá in hai ki ˈdeenne.

Tímote Erká 1:17

Aaléka, Kánsích taalle bííyyo ali ijo-, ki il ma ki argiriny-, íín tákámle Waagallá, taalle bííyyo gaalí meemeyo, gaalí ˈdúúw shiiguo. Iiy-hí, he hí hát kinaallá yeet.

Héberew 2:7

Kó bár gáá gaawallá gálaat gál ˈgasso-, urruká el koyye. Kó gálaat ˈdúúw shiiche, gáál ˈduwayche,

Yákob 2:22

Mú iiy yeenle ubaa hé muí ekeyká hát hol hujich ˈgar nie-, mú iiy yeenle hé muí ekeyká hí ˈduwayká, kó argiyyê?

Yákob 3:13

Itín mááya ˈdaalle, hé burnayká og? Máá kinaallá yaalmitlé midhab ki ijoká ubaa héllé ˈdabaan ekemeyo-, máálle hol ˈdúúw rieká hí gáál ˈdaalimlé kinaallá gáá argisuo. Hol ˈdúúw rím hatallóóllá ˈdaalímmo yé gáá ˈdeˈdeenne.

Bétiro Erká 1:7

Hát hórkí ˈjiet hí ˈgeesicheka ˈdúúwáálláka, manyjany kíchiallá iiy yeenkícho hai ˈduuwasicha. Hórkí íín el met haí ˈgiidha, tá iiy yeen kíchia-, hórkí ˈdú ˈdúwáállá íín hé el met hí ma ˈgiˈgin. Tá af giri Yiesu Kirísto hol ká nannaat-, Waag hí ká eedhesichoká itín meeny ubaa ˈdúúw haí aargiˈda.

Bétiro Erká 5:4

Aalé gál gál Kiristo ˈdeˈdeenká Máállé hí mé ki yaalká hol ká nadheka, itín hé shiicho Waaˈgiet ˈdúúw ˈguo-, taalle bííyyo-, el met hí ma ˈgiˈginká haí aargiˈda.