Róóma 16:7 - Fayam Midhab Yiesu Kiristoká He Hol Af Iđiny Kaanaká

⁷ Andoroníkos ubaa Yóóniya giri nyaaram chia Yuuˈdi-, gaalí nyí hol ˈgar hiigidheká ye naa kí yiedhíe. Gálallá he gál ye met Kirísto iiy yie-, gál alb fimiká hí súm ógká.

Róóma 16:7 ပူးပေါင်းရင်းမြစ်များ

Yuána 14:20

Kúlích kinaallá hát yú ˈJaachú gaa ijo-, itín hí ye gaa iđa-, tá yú hí gaa ijoká eiy haí naasata.

Yuána 15:2

Mu kolm ye ki ˈgie-, saano hí ma gaa higisinyká ali hai gaa muura, kolm saano hí gaa higissoká íín in hollo hol ki nannaa, giri saano hí hát ˈdabaanká gaa higissoká.

Yuána 6:56

Máá gónchú kuo-, fáschú ˈjioká taalle hai ye gaa ija, yú úba taalle mú ha gaa ija.

Róóma 16:10

Abéles giri gédéch Kiristo ˈdúwáállá ye naa kí yiedhíe. Gál ˈbíl geer Aristobulu lulle úba ye naa kí yiedhíe.

Róóma 16:11

Nyár chia Yuuˈdi-, Heróˈdion ubaa gál ˈbíl geer Narikiso gaa ijo-, Máá Guđo Kirísto ˈdaalle ki ˈgíéllá ye naa kí yiedhíe.

Róóma 16:21

Tímote giri nyí hol hujich ˈgar naniyyóóllá hé hí naa ká yie. Nyaaram chia Yuuˈdiká Lúkios ubaa Yáson, tá Sosibáteros úba hé hí naa ká yie.

Róóma 16:3

Biríska ubaa Akúla giri nyí hújích Yiesu Kiristo hol ˈgar nanniyyeká ye naa kí yiedhíe.

Róóma 16:6

María giri hí súm hujich kí nanniyyeká ye naa kí yiedhíe.

Róóma 16:8

Shééléch chia ˈdúwa-, Ambiláátos giri Máá kúnnaa Guđo Kirísto el gaa igiróóllá ye naa kí yiedhíe.

Róóma 16:9

Urbános giri ke hújích Kiristo hol ˈgar nannúóllá, ubaa shééléch chia ˈdúwa-, Sitákus lééllá ye naa kí yeedhíe.

Róóma 8:1

Aalé káána ameeny gál Yiesu Kirísto ˈdú fameká, hé Waag hí ma ˈdeđensen.

Róóma 8:11

Aaléka, Hím Naasan Waaˈgiet Yíésu uushich yé gáá ˈdeeychééllá hé hí gaa iđo. Hát káána Yiesu Kirísto Waag hí geđi loolnoyche-, hí uushich yé gáá ˈdeeychééllá, gón kíchia kufunannóóllá úba mú Hím Naasanlé hí gaa iđóóllá ha muí ki loolnoyo.

Róóma 9:3

Har káána Waag ye điite-, ye Kirísto gaa ˈgidhiche-, tá hé kinaal kídh chia-, nyaaram chiallá ririanka, af kinaalka kalat máámaʼ?

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto ki Naamaká 11:23

Tá gaal har he gede Kiristo hol yegetka, yaa súm gáál ˈdú gédéch Kiristo. Yú meka hát máá me hí ˈjieˈdeká ˈdéé ká hogodho. Yaa gáál hújích fargogoká súm ˈdú nie, yú ubaa gaal íínka yaa gálaat ye af burnayká ki hiigidhe, yaa gálaat ye af burnayká ki tune, yaa af burnayká kúfach bala gáá bie.

Korínto ki Naamaká 12:2

Yú yáá máá Kiristo-, warram tomon tikiˈde a afur beeyéétíá Waag hí ur ki seđeká ˈdú eeteká óg. Máá kinaallá Waag hí egeeteká, gónle ˈgabka, gónle mannabka, yáá muog, Waago hí og.

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Galátia 1:22

Yú dhúrchú gál Kiristo-, lés Yuuˈdiaká hé ye moonnoy.

Galátia 2:2

Sienyééllá Waago hí ye mé gaa kaayye. Yú ál kinaal ki ˈjieká gál Kirísto iiy yieká gállé gaalí gál méte ka dhaˈgasanká yú tól eedhdhe, yú Fayam Midhab Kiristóóllá hát yú gál gál Yuuˈdi muuninyká ki ˈdiiyimeká fayamle shie. Hééllá yú ekeyallá he ˈdaa giri hújích yú nie-, laatle hátle yú gaa ijo-, yú lađaanallá ma ˈdeđenen-, gaal hújích chiallá hát tagléká iiy yegetká.

Galátia 2:6

Gál Kiristo gállé gaalí gál méte ka dhaˈgame kinaallá hé ˈdéé hót níínní ˈdéé hót chiallá af ˈdú kaayká mán. ˈDaachúka, gálaat kansím ˈgaa yíekaʼ, kansím mán yíekaʼ, yúka hé kátaká mán, ˈdaa giri Waag gálaat ˈdug ma gáá dhaˈgaminyká.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Galátia 6:15

Máádhat hermíte yíekaʼ, má hermisan yíekaʼ, hé naamáállá hé máádhat innum Waaˈgiet máá ˈdúwaká ma gaa hođiny. Hé ˈdúwaká he máádhat geđi Waag hí káána kí hođichoká.

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Kolosááya 4:10

Máá chia nyí hol ˈbíl hiiginallá af iđa-, Aristákos, ubaa Márko giri Barnábas iny awléká hé hí naa ká yie. It Márko fayamlé kieye, mu har ká yimieka, mú mé guđáan yeedhíe, chieká, maalle.

Fílemon 1:23

Aaléka, Ebáfaros ˈdaa Yiesu Kiristoka gaalí nyí hol ˈgar hiigidhééllá, hé ko naa ká yie.

Yuána Erká 4:13

ˈDaa giri Waag Hím Naasanle gáál ka shiichééllá, in ke hát ki mú gaa ijo-, mu íín úba gáál gaa ijoká ke og.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.