Róóma 16:6 - Fayam Midhab Yiesu Kiristoká He Hol Af Iđiny Kaanaká

⁶ María giri hí súm hujich kí nanniyyeká ye naa kí yiedhíe.

Róóma 16:6 ပူးပေါင်းရင်းမြစ်များ

Matááyo 27:55

Ál kinaallá hé gál ˈdiet burnay-, Yíésu dhaˈgame-, tagéétí ˈgieká hí ˈgie. ˈDeg kinaallá he ˈdeg Yíésu ˈgar ká kiiyye-, mú Galilááya hol gáá eedhdhe-, mú gállé gillo-, onnoyyeká.

Matááyo 5:47

Har gálkícho tákámle hí naa chegetoka, hé kinaallá hé hát aađa-, galaatká muunîny? Gál Waag muogká úba hé hát kinaallá ekemesetká muunîny?

Róóma 16:12

ˈDeg Tirufáína ubaa Tirufóósa lé-, Máá kúnnaa Guđo Kirísto hujich ki nanniyyóóllá ye naa kí yiedhíe. Anso chia Bérsi, úba súm Kirísto hujich ki nanniyyeká ye naa kí yiedhíe.

Róóma 16:5

Gál Kiristo-, gáál ˈbílle hol ˈdú seseenallá úba ye naa kí yiedhíe. Shééléch chia ˈdúwa-, Ebánatos lé-, giri lés Asia erkob Kirísto iiy gaa yieká ye naa kí yiedhíe.

Róóma 16:7

Andoroníkos ubaa Yóóniya giri nyaaram chia Yuuˈdi-, gaalí nyí hol ˈgar hiigidheká ye naa kí yiedhíe. Gálallá he gál ye met Kirísto iiy yie-, gál alb fimiká hí súm ógká.

Dhesaloníke Erká 5:12

Nyaaramkínyo, gillo ki hí ki efe, gál hurtkícho hújích Waaˈgiet hát ˈdabaanká gaa nannuo-, ˈdaa Máá kúnnaa Guđóólláka hí met ki ˈgie-, hí af tatúóllá kiikiadhíe.

Tímote Erká 5:10

Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.