Róóma 16:26 - Fayam Midhab Yiesu Kiristoká He Hol Af Iđiny Kaanaká

²⁶ Aalé hát warˈgasam gál Waag hí ˈdeem ka shigicheká hí huogodheká ubaa hát Waag bííyyo ali iđóóllá hí muˈdeká, Fayam Midhab Kiristóóllá hé káána gálaat hí kidh lúl mamalsuo, giri gaal Kirísto iiy yeget-, mú el gaa igiroká.

Róóma 16:26 ပူးပေါင်းရင်းမြစ်များ

Márko 16:15

Aalé Yíésu gáál geey, kieye, Les lúl gaa sedhíe, gálaat lulle Fayam chia Midhaballá ki ˈdiiyimíe.

He Ekeny Gál Alb Fimiká 10:43

Gál Waag hí ˈdéé ka shigicheká lulle hé mú ˈdeenyle huogodhe, giri mú meenyle ˈdaalle ˈdugaka gál mú iiy yeetká ađaabanolle Waag hí gaa egeyyoká, Bétiro hí gáál yie.

He Ekeny Gál Alb Fimiká 6:7

Aalé ˈdeeny Waaˈgiet ˈjien Yerusalem bash ki yie, gál burnayká ˈdéé iiy yie, gaal lali Yiesu yie. Gál burnay-, suoryoká úba fayam Yiesúúl iiy yie, fayám el gaa veere.

Róóma 1:2

Fayam Midhaballá hé kis Waag hí gállé ˈdeem ka shigicheká ká shiiche, gaalí ˈdiiyime, gaalí Warˈgat Waaˈgiet gaa veere.

Róóma 1:20

Ameeny Waag les ka kuonneká fargogintlé biiyoká ubaa íín hát he lúl hí ki ijoká lúl hé édh-, kaany mánká tákáma. He met lullé Waag hí ka kuonnééllá in Waag ke il ma ki argirinyallá ˈduuwle gálaat aargisia. Aaléka gálaat Waag ˈduuwle hé hát níínní gaa faalanká mán.

Róóma 1:5

Mu íín ˈdaalleka in Waag nyí ˈdúˈjímle ká shiiche, nyí gállé alb fimiká hosote, giri kidh hátlé met hí hol ká eiyyeká nyí Fayam Midhaballá ki ˈdiyeenne-, gaal fayám iiy yeget-, Waag met gaa kekeen-, meeny Kiristo ˈduuwayoká.

Róóma 15:18

Tá yú yáá hújíchallá nímle fargogintle hol bal ma ki ˈdaraminy. Fargogint Kiristo in yú ˈdeem ki hogodhe, yú hujich ki nannie, in gál gál Yuuˈdi muuninyallá fayam Kiristóóllá iiy yie.

Róóma 15:4

He lullé Warˈgat Waaˈgiet gaa ijóóllá kisso gaalí veere, giri múún gáál af tatuoká. Atimééllá in muun gáál gúóf ubaa mé ki chirsan shigicha. Hát kinaallá in he lullé Waag hí gáál af iđiche-, ke met egesóóllá hát Waag hí ˈduuwasichoká ke og.

Róóma 3:21

Aalé káána Waag hé kár gálaat gál ˈdúwaká ki hođichoká gáál kí edhesiche. He veerit Moshe ubaa he veerit gál Waag hí ˈdeem ka shigicheká kárallá ˈdeenylé he hogodho. Kárallá hé hemuumurít el gaa igiritle ˈdaalle ma ki taaliny.

Galátia 3:8

Waag hát gál gál Yuuˈdi muuninyká iiy yeenlé Kirísto ka ˈguoká ˈdaalle ˈdugaka gáál gál ˈdúwaká hođichóóllá, hé kis Warˈgat Waaˈgiet hí hote. Hé kinaallá af giri Waag Abirááyam Fayam Midhabká geeyche-, kieye, É meet lulle ˈdúˈjímlé yú ˈdú ˈjeˈjeenká ˈdaa kua ká naata, mú chieká.

Eféso 1:9

Waag hát giri feˈdeká in ˈdeenylé geer geđiká gáál yíé ˈdu gáá ˈdeeyche. ˈDeeny kinaallá bárle ali kí ˈdieka, ˈdaa Kiristoka, Waag he lullé úr ubaa les gaa ijoká hollo hol fafiyya, Kirísto mé ha ki kokoyyo.

Eféso 2:20

ˈBíl geer Waaˈgietallá gál Waag hí ˈdéé ká shigicheká ubaa gál alb fimiká Waag hí ˈdug gaa ˈdite, Yiesu Kirísto íín he ˈbíl áár.

Kolosááya 1:26

ˈDeeny yú hí ki ˈdiyeenallá he Waag héllé geer geđi-, kíssóótí kaate-, hí gál heleká lulle af ˈgidhiche-, tá káána hí gálle kí edhesichééllá.

Tímote Erká 1:17

Aaléka, Kánsích taalle bííyyo ali ijo-, ki il ma ki argiriny-, íín tákámle Waagallá, taalle bííyyo gaalí meemeyo, gaalí ˈdúúw shiiguo. Iiy-hí, he hí hát kinaallá yeet.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Tímote ki Naamaká 1:10

Aalé káánaka, ˈdaa Máá kúnnaa Rubachiet-, gáál ˈdu gáá yimie-, Yiesu Kirísto léélláka, Waag hé muun gáál ˈdúˈjímle yé ˈdu gáá ˈdeeyche. Yiesu Kirístóóllá ííni kúfach fargogintle mán hoy, ˈdaa Fayamlé Midhaballáka, gálaat ˈgíérích luolmit biiyoká kí edhesie.

Héberew 13:8

Yiesu Kirísto hé hol ma gaa sorominy. Mu he máá tikiˈde gefere-, ubaa kulichallo-, tá biiyoká.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Kí Edhesiny 1:17

Yú mú argeká, hát máá kufekáka mú ˈgas met les gaa ˈdoy. Aalé mu ye gíllé ˈdaa naanietká ˈdú iifie, kieye, Ha bírginy, yú he Erkob ubaa Biiy El ˈDaˈd,

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.