Róóma 16:25 - Fayam Midhab Yiesu Kiristoká He Hol Af Iđiny Kaanaká

²⁵ Aaléka, Waag kí meemeyo! Waag hé Fayam Midhab Kiristo-, yú gálaat ki ˈdiyeenallá ˈdaalleka hí higiraycho. Fayam Midhab Yiesu Kiristóóllá he Waag héllé geer geđi kis ˈgayye-, tá káána ka edhesicheká.

Róóma 16:25 ပူးပေါင်းရင်းမြစ်များ

Matááyo 13:17

Yú hí hé ˈdúwaká geeye, gál Waag hí ˈdeem ka shigiche-, burnayká ubaa gál ˈduuˈdúwa-, burnayká hé itín hí argiyyééllá úba aargireká he fede, kor hé ma árginy. Gál kinaallá hé itín hí maallééllá úba he mamaleká he fede, kor hé ma mááliny.

Matááyo 13:35

Yíésu hát hibietallá nyesebich geeyallá ˈdeeny héle máá Waag hí ˈdeem ka shigicheká hí hodheká ˈduway, giri kieye, He hát hibiet-, he hol ki ekenyká gálaat ha yú geđia, hé Waag hátlé lés ma ka kúóninyká kaany gaa ijeká ha yú hogodho, chieká.

Matááyo 20:7

Gaal mú ˈdéé hol ˈdú nie, kieye, Hujicho máá hí nyí ki veereká man, gaalí mú yie. Mu gál kinaal geey, kieye, Itín úba sedhíe, lés chia saanoká hujich gaa náa, gáál yie.

He Ekeny Gál Alb Fimiká 20:32

Yáá hí Waag gíl geerle fie, hí Waag ˈdeenylé gielmitiká ˈdú hay, giri ˈdee hí iiy yeenkícho higirasuo-, ubaa gál Waag hí gálle hosote-, muí taak koyká lulle hí mú áˈjánle hol ˈgar aargiˈdaká.

He Ekeny Gál Alb Fimiká 9:20

Mu af kinaal đo ény ˈdiiyiminyká gerle Yíésu hát he Iny Waaˈgietká gaa ˈdiiyime.

Róóma 11:25

Nyaaramchú, hé geer geđi-, Waaˈgietallá hí eiy nannasatoká yú fede. Har hí hééllá hát ˈdabaanká eiy ma naasanka, kálmaréél gál súm ˈduuˈdúwaká hollo hí hol ká dhaˈgasanna. Gál Yisirayelallá ˈbaal hé met guogo, tá gaal met guogintlééllá hai ˈgaa, ˈdaab ameeny gál gál Yuuˈdi muuninyká gállé Waag hí rubach shigichoká lúl rubach ma árginyká.

Róóma 14:4

Kúún mááya, kó gédéch máá eiy ˈdeđensetóol? Gédéch Waaˈgiet ˈdeđensetóóllá Máállé Guđo Waago hí ˈdeđente, muuninyka, hí máá ˈdúwaká yegedhe. Tá Waag hé mú ma ˈdeđensen, mú yiir hai gaa chiirata.

Róóma 16:24

[Máá kúnnaa Guđo Yiesu Kirísto hí ˈdú ˈjeeˈjeen. Iiy-hí, he hí hát kinaallá yeet.]

Róóma 2:16

Tá kúlích gaal Waag met ki ˈdeen kinaal ali kí ˈdiiyyeka, Waag ˈdaa Yiesu Kiristoka gálaat lulle héllé ger geđiká hai ká eedhesicha, máádhat hát ˈdúwaká hai hogoto, muuninyka, mu hát ˈdúúw muuninyká hai hogoto. Yaalmitééllá he hé ke Fayam Midhab yú hí ki ˈdiyeenallá gaa argeká.

Korínto Erká 1:23

Tá nyíín Kirísto gaalí ˈgór đarám yaalká ˈdú yieská nyí ˈdiyeenne. Fayamééllá he fayam gál Yuuˈdi iidhansicho-, gál Hellen íín hí hé đeeymo ka dhaˈgasanká.

Korínto Erká 2:7

ˈDaalim nyí ˈdiyeennallá he ˈdeeny geer geđi-, Waag hí hol ki kaayye-, Waag hátlé les ma ka kúóninyká hí murate-, hí muun gáál ki ˈduuwaychoká.

Korínto Erká 4:1

Aaléka, gálaat hí nyí gede Kiristo-, Waag hí héllé geer geđiká ˈdiiyiminyle mé ki reeychééllá ká dhaaˈgasan.

Korínto ki Naamaká 4:3

Nyiin Fayam Midhab-, nyí ˈdiyeennallá har hé gálaat kasle ma higilinyká kátaka, af kinaalka gál Kirísto iiy ma yéen-, bađay-, kas hí chúgká tákáma he mé ma híliny.

Korínto ki Naamaká 4:5

Nyiin nyáá nyí dhúrkínyo hékínyo ma ˈdiyiminy, nyiin Yiesu Kirísto hát he Máá Guđoká nyí ˈdiyeenne. Yíésúúllá ˈdaalle in nyí gedekícho ki chie.

Galátia 2:2

Sienyééllá Waago hí ye mé gaa kaayye. Yú ál kinaal ki ˈjieká gál Kirísto iiy yieká gállé gaalí gál méte ka dhaˈgasanká yú tól eedhdhe, yú Fayam Midhab Kiristóóllá hát yú gál gál Yuuˈdi muuninyká ki ˈdiiyimeká fayamle shie. Hééllá yú ekeyallá he ˈdaa giri hújích yú nie-, laatle hátle yú gaa ijo-, yú lađaanallá ma ˈdeđenen-, gaal hújích chiallá hát tagléká iiy yegetká.

Eféso 1:9

Waag hát giri feˈdeká in ˈdeenylé geer geđiká gáál yíé ˈdu gáá ˈdeeyche. ˈDeeny kinaallá bárle ali kí ˈdieka, ˈdaa Kiristoka, Waag he lullé úr ubaa les gaa ijoká hollo hol fafiyya, Kirísto mé ha ki kokoyyo.

Eféso 3:11

Waag hátlé les ma ka kúóninyká, hé hééllá mé ká ˈgayye, in đo muí Máá kúnnaa Guđo Yiesu Kirísto gáá ˈduwasie.

Eféso 3:9

Waag úba hé ye ˈdú ˈjiiyye, giri ˈdeenylé geer geđiká hát he ˈduuwawká yú gálaat eiy ki nannuoká. ˈDeeny kinaallá Waag ameeny he met lulle ka kuonneká hé hí geerle ká ˈgayye.

Eféso 6:19

Yú úba ye Waag kí viivitíe, giri aadh lulle yú Fayam Midhaballá ˈdiyeen-, Waag ye ˈdéé af ká fafiyyo-, yú sierm ˈdaabo-, hé kis ˈdaa Fayam Midhaballáka, gaalí moonnoyká yú gáál eiy ki nannuoká.

Kolosááya 2:2

Laatééllá yú hatallá lađaanallá he giri lulkícho hí gofononno-, hí hol gielmít ka ˈgayya-, hí ˈdúˈjím Waaˈgiet aargiˈda-, giri Waag héllé geer geđi-, ˈdaa Kirístoká hí hát ˈdabaanká eiy nannasataká.

Kolosááya 4:3

Tá nyíín úba nyí Waag kí viivitíe, giri Waag nyí kar af kí fuuˈdo-, héllé geer geđi kis ˈgayye-, fayam Kiristóóllá nyí ˈdiyeennoká. Fayamééllá ˈdaalle ˈdugaka in káána yú ˈbíl hiiginallá gaa ija.

Dhesaloníke Erká 3:13

giri hí iiy yeenkícho tagano gaa ˈgiiyya-, Máá kúnnaa Guđo Yíésu ká ˈjieka itín ubaa mú gállé hí iiy yieká lulle hí ˈJaa kúnnaa Waag metle gál ˈdeensen mán-, ˈdúwaká gaa chegetoká.

Dhesaloníke ki Naamaká 2:14

Fayam Midhab ke hí ki ˈdiiyimééllá, in Waag hí rúbáchallá kí viiyye, giri Máá kúnnaa Guđo Yiesu Kirísto hí ˈdúúw gaa aargiˈdoká.

Dhesaloníke ki Naamaká 3:3

Tá Máá kúnnaa Guđóóllá he máá ˈdúwa-, hí ma haađinyká. Mu fargogínt haí shigia, máá ˈdeew-, Sátan lééllá haí ká riidha.

Tímote ki Naamaká 1:9

Waagééllá in muun gáál rubach shiiche, gáál yíéđiny hí geer gaa memesichoká kí viiyye. Hééllá Waag hí muun gáál ki ekeychééllá he hé kieye, muun hé mákárta-, midhabká ki ekey, muuniny. Waag hátlé les ma ka kúóninyká hé hééllá mé ka ˈgayye, giri ˈdúˈjímle ˈdaa Yiesu Kiristoka muun gáál ka shigichoká.

Tímote ki Naamaká 2:8

Yiesu Kirísto giri ˈbíl íl ˈDawuˈd-, uushich yé gáá ˈdie-, Fayamlé Midhab-, yú ˈdiyeenallá mé ká ˈgab.

Títo 1:2

ˈDeeny ˈdúwáállá ˈdaalleka in Waag gálle hát luolmit biiyoká aargiroká og. Hééllá Waag hátlé les ma ka kúóninyká Waag hí murate, tá Waag hé af ka hódho mán.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Bétiro Erká 1:20

Waag hátlé les ma ka kúóninyká in Kirísto galayche, bár biiy el ˈdaˈd kaanallóóllá mú lésallá ali ˈdu gáá kaayye. Hééllá ˈdaa kíchia muí ki ekey.

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

Kí Edhesiny 10:7

Af giri máá ˈgasso-, urru-, ki tiiyaká faˈdle ˈdaraanká, hé geer geđi-, Waaˈgietká hai ká ˈduuwaa. He hát giri Waag hí gállé géde-, ˈdeem ka shigicheká geeycheká hai ˈdeeme, muí yie.